Dictionary

રામઝરૂખા

અર્થ
રામેશ્વરથી દોઢક માઇલ દૂર આવેલ એક પવિત્ર સ્થળ. આર્યવર્ત યાત્રામાં ઉલ્લેખ છે ક: આ સ્થળ એકાંત સ્થળે આવેલું છે. નાના ટેકરા ઉપર રામઝરૂખો છે. નીચે મંદિર અને ઉપર ખુલ્લી અગાસી કે ધાબું છે. મંદિરમાં રામચંદ્રજીની પાદુકાનાં દર્શન થાય છે. ઉપરની અગાસીમાં જતાં સુંદર દૃશ્ય નજરે પડે છે. રામેશ્વરની ચારે બાજુ દરિયો દેખાય છે. સાંજનો સમય, રવિનાં કિરણો, છેટેથી જતાં આવતાં વહાણો વગેરેનો દેખાવ બહુ રમણીય લાગે છે. આ જગ્યાની ચારે પાસ રામચંદ્રજીના સૈન્યનો પડાવ હતો એમ કહેવાય છે. રાવણને મારી પાછા ફરતાં પણ રામ આ સ્થળે બેઠા હતા અને હનુમાનજી, વિભીષણ વગેરે સાથે મસલત કર્યા પછી નાના મોટા સૌને ઇનામ આપ્યાં હતાં. અહીંનું વાતાવરણ શાંત અને દૃશ્ય રમણીય છે.