Kavita

Add Your Entry

હું નારી છું,આકાશે રમતાં વાદળની,

રૂપેરી તેજ કિનારી છું…….હું નારી…..

માં બાપના આંગણ માં પૂજાતી,

તુલસી કેરી ક્યારી છું……હું નારી…

હું પત્ની છું,હું માતા છું,હું બહેન છું,હું બેટી છું,

કૈક રહસ્યો છુપાય એવી તાળાં વાળી પેટી છું.

જો ઝાંકવું હોય મનની ભીતર,

તો ત્વરિત ખુલતી બારી છું……હું નારી…..

હું ચંચલ છું કો હરણી શી, ખળખળ વહેતી કો ઝરણી શી,

ગમે તેટલા પત્થર ફેંકો,ચૂપચાપ સહુ હું ધરણી શી.

સુર મેળવો તો મીઠા સૂરે,

ઝંકૃત થતી સિતારી છું……હું નારી…..

કોમળ છું મૃણાલ દંડ સમી,મેઘધનુ ના સાતે રંગ સમી,

રીઝું તો વરસું ઝરમર ને ખીજું તો બારે ય ખંગ સમી.

જો છંછેડે કોઈ મુજને તો,

સો મરદોને ભારી છું…..હું નારી…..

સમર્પણ છે મુજ રગરગ માં,વિશ્વાસ છલોછલ હર ડગ માં,

સદાય જલતો રહે તે કાજે,પ્રેમ પૂરું હું દીપ શગમાં

મળવા સાગરને તલતલ તલસે એ,

નિર્મળ ગંગા વારિ છું……હું નારી…..

Author: Deval Talati Read More...

 
રે પંખીડા ! સુખથી ચણજો , ગીત વા કંઈ ગાજો,
શાને આવા મુજથી ડરીને ખેલ છોડી ઉડો છો?
પાસે જેવી ચરતી હતી આ ગાય તેવો જ હું છુ,
ના ના કો દી તમ શરીરને કંઈ હાનિ કરું હું.  
ના પાડી છે તમ તરફ  કૈઇ ફેંકવા માળીને મેં,
ખુલ્લું મ્હારું ઉપવન સદા પંખીડા સર્વને  છે,
રે રે ત્હોયે  કુદરતી  મળી ટેવ બીવા   જનોથી,
છો બીતા  તો મુજથી પણ સૌ ક્ષેમ તેમાં જ માની.
જો ઉડો તો જરૂર દર છે ક્રૂર કો હસ્તનો હા!
પા’ણો ફેંકે તમ તરફ રે ! ખેલ એ તો જનોના!
દુ:ખી છુ કે કુદરત તાના સામ્યનું એક્ય  ત્યાગી,
 રે  રે ! સત્તા તમ પર   જનો  ભોગવે  ક્રૂર આવી.

કવિ શ્રી “કલાપી

Author: Deval Talati Read More...

Most Viewed Kavita

Most Viewed Author