Kavita

Add Your Entry

પરિચિતો થી કેટલો પરખાય જાઉં છું,
નથી હકીકતમાં છતાં વરતાય જાઉં છું.

ભાગવું હતું આજ જગત થી ઘણું દુર,
અધવચ્ચે તારા હાથે પકડાય જાઉં છું.

આગળ પાછળ કોઈ નથી તારું કે મારું,
બંધ આંખે છતાં કેમ શરમાય જાઉં છું?

મહેક હતી ઘણી મારી અંદર હજુ સુધી,
સાંજ પડે ને ફૂલ સમ કરમાય જાઉં છું.

મને ભ્રમિત કરવાનો કર્યો ઘણો પ્રયાસ,
“પ્રશાંત” હું તારા કાજે ભરમાય જાઉં છું.

– પ્રશાંત સોમાણી

Author: Hitendra Vasudev Read More...

આજ, મને જ પૂછવું છે,
હજુ કેટલું બળવું છે ?!
માટી મહી કદી કોઈને
સ્વેચ્છાથી ભળવું છે ?!

અસ્તિત્વ નવું રળવું છે,
અહંને બહાર ઢોળાવું છે,
ઝરણે ક્યાંથી આવે નીર
જરૂરી સ્વનું ઓગળવું છે,

મનથી મનને મેળવવું છે,
પ્રેમથી જગમાં વરસવું છે,
વસંતે ક્યાંથી ફૂંટે કુંપળ
જરૂરી ઈર્ષા-પર્ણનું ખરવું છે.

હવે મને જ મળવું છે,
અકળ છે એને કળવું છે,
સર્વસ્વ વિલીન કરી
જીવથી શિવમાં ભળવું છે.

  – આરતી પરીખ 

Author: Hitendra Vasudev Read More...

મુખડાની માયા લાગી રે, મોહન પ્યારા

મુખડું મેં જોયું તારું, સર્વ જગ થયું ખારું
મન મારું રહ્યું ન્યારું રે
મોહન પ્યારા, મુખડાની માયા લાગી રે

સંસારીનું સુખ એવું, ઝાંઝવાનાં નીર જેવું
તેને તુચ્છ કરી ફરીએ રે
મોહન પ્યારા, મુખડાની માયા લાગી રે

સંસારીનું સુખ કાચું, પરણી રંડાવું પાછું
તેવા ઘેર શીદ જઈએ રે
મોહન પ્યારા, મુખડાની માયા લાગી રે

પરણું તો પ્રીતમ પ્યારો, રંડાપાનો ભો' ટાળ્યો
તેનાં તે ચરણે રહિયે રે
મોહન પ્યારા, મુખડાની માયા લાગી રે

મીરાંબાઈ બલિહારિ, આશા મને એક તારી
હવે હું તો બડભાગી રે
મોહન પ્યારા, મુખડાની માયા લાગી રે

- મીરાંબાઈ

Author: Hitendra Vasudev Read More...

નામ તારું કોઈ વારંવાર લે,
તું ખરો છે કે તરત અવતાર લે…

આમ ક્યાં હું પુષ્પનો પર્યાય છું?
તું કહે તો થાઉં ખુશ્બોદાર લે…

તું નિમંત્રણની જુએ છે વાર ક્યાં?
તું મરણ છે, હાથમાં તલવાર લે…

હાથ જોડી શિર નમાવ્યું, ના ગમ્યું?
તું કહે તો આ ઊભા ટટ્ટાર લે…

શું ટકોરા માર ખુલ્લા દ્વાર પર?
તું કરે છે ઠીક શિષ્ટાચાર લે…

બંધ શ્વાસો ચાલવા લાગ્યા ફરી,
આ ફરી પાછો ફર્યો હુંકાર લે…

એ કહે ‘ઈર્શાદ, ઓ ઈર્શાદજી’,
ને હતો હું કેવો બેદરકાર લે…

Author: Hitendra Vasudev Read More...

આજ રે કાનુડે વ્હાલે અમ શું અંતર કીધાં રે,
રાધિકાનો હાર હરિએ રૂકમિણીને દીધો રે …… આજ રે કાનુડે.

શેરીએ શેરીએ સાદ પડાવી, ઘેર ઘેર હું તો જોતી રે
રૂકમિણીની ડોકે મેં તો ઓળખ્યા મારા મોતી રે ….. આજ રે કાનુડે.

રાધાજી અતિ ક્રોધે ભરાણાં નયણે નીર ન માય રે,
આપોને હરિ હાર જ મારો નહીં તો જીવડૉ જાશે રે ….. આજ રે કાનુડે.

થાળ ભરી શગ મોતી મંગાવ્યા, અણ વીંધ્યા પરોવ્યા રે,
નરસૈંયાના નાથ હરિએ, રૂઠ્યા રાધાજી મનાવ્યાં રે.
રૂઠયા રાધાજી મનાવ્યા ….

      

-નરસિંહ મહેતા 

Author: Hitendra Vasudev Read More...

મારી નિત્ય પ્રાર્થના…

હે પૃથ્વીના પાલક પિતા તુજને નમું વરદાન દે;

નીરખું તને કણકણ મહી એવું મને તું જ્ઞાન દે ,

હું સત્યના પંથે સદા નીડર થઇ ચાલ્યા કરું

હો વિકટ પણ તુજને મળે એ રાહની પહેચાન દે ,

પરિશ્રમ મહી શ્રધા રહે , હિંમત તણી હો સંપતિ 
મનના અટલ વિશ્વાસ પર આગળ વધુ ; ઉડાન દે,

 

કોઈ પીડીતજનની પીડ ને હરવાને મન ઝંખ્યા કરે 
કોઈ આત્મા દુભે નહી મુજ કારણે, ઈમાન દે,

”આતુર” જગે રહું ધૂપ થઇ, જાતે બળી વહેંચું સુગંધ ;
મૃત્યુ પછીયે અમર રહું એવી મને તું શાન દે ….

 

અજીત પરમાર “આતુર”

 

Author: Hitendra Vasudev Read More...

પરિચિતો થી કેટલો પરખાય જાઉં છું,
નથી હકીકતમાં છતાં વરતાય જાઉં છું.

ભાગવું હતું આજ જગત થી ઘણું દુર,
અધવચ્ચે તારા હાથે પકડાય જાઉં છું.

આગળ પાછળ કોઈ નથી તારું કે મારું,
બંધ આંખે છતાં કેમ શરમાય જાઉં છું?

મહેક હતી ઘણી મારી અંદર હજુ સુધી,
સાંજ પડે ને ફૂલ સમ કરમાય જાઉં છું.

મને ભ્રમિત કરવાનો કર્યો ઘણો પ્રયાસ,
“પ્રશાંત” હું તારા કાજે ભરમાય જાઉં છું.

       – પ્રશાંત સોમાણી

Author: Hitendra Vasudev Read More...

કોઈ ને સારું કહેવામાં મજા છે,
તો કોઈક ને સાચું કહેવાડવા માં મજા છે,
પણ કઈ કીધા વગર બધું સમજી જાય
તેની સાથે જીવવા માં એક અલગ મજા છે

Author: Hitendra Vasudev Read More...

Most Viewed Kavita

Most Viewed Author