Kavita

Add Your Entry

આજ કાલ  ક્યાં  શુદ્ધ  જીવન  મળે  છે,
અરે ક્યાં શુદ્ધ  જળ ને  અન્ન મળે  છે.
જે પીતા'તા માટલાનું  પાણી જ,
આજ બિસલરી ને એરોહેડ પીએ  છે.
શુદ્ધ દૂધ-ઘી  ને માખણ છે  દુર્લભ,
એ  ડેરી અને કોલ્ડસ્ટોરેજમાં મળે છે.
ક્યાં એ ગૌરવ ભર્યા કપડાની ફેશન ?
હવે તો ફાટેલાં જીન્સ ફરતા  લાગે છે.
કયાં છે દેશદાઝ ને દેશપ્રેમની વાતો ?
આ નેતાઓના મડદાં ફરતા લાગે છે.
થયાં "સ્વપ્ન" ગીત-સંગીત ને ભજનો,
ઘર અને કારમાં પોપ સંગીત વાગે છે.

સ્વપ્ન જેસરવાકર ( ગોવિંદ  પટેલ ) '

Author: Hitendra Vasudev Read More...

એકાદ એવી યાદ તો છોડી જવી હતી
છૂટ્ટા પડ્યાની વાતને ભૂલી જવી હતી
વહેતા પવનની જેમ બધું લઈ ગયાં તમે
થોડીઘણી સુગંધ તો મૂકી જવી હતી

 

 

– કૈલાસ પંડિત

 

Author: Hitendra Vasudev Read More...

દિલ ન લાગે કિનારે, તો હું શું કરું?
દૂર ઝંઝા પુકારે, તો હું શું કરું?

હું કદી ના ગણું તુજને પથ્થર સમો,
તું જ એ રૂપ ધારે, તો હું શું કરું?

હો વમળમાં તો મનને મનાવી લઉં,
નાવ ડૂબે કિનારે, તો હું શું કરું?

આંસુઓ ખૂબ મોંઘા છે માન્યું છતાં
કોઈ પાલવ પ્રસારે, તો હું શું કરું?

તારી ઝૂલ્ફોમાં ટાંકી દઉં તારલાં,
પણ તું આવે સવારે, તો હું શું કરું?

– આદિલ મન્સૂરી

Author: Hitendra Vasudev Read More...

દર સોમવારે વહેલી સવારે
હું કાચીપાકી ઊંઘમાં હોઉં ત્યારે
પપ્પા મને લાં…બી પપ્પી કરીને

નોકરીએ નીકળી જાય છે
તે છે…ક
શનિવારે પાછા આવે.
હું પપ્પા કરતાંય વધારે
શનિવારની રાહ જોઉં છું
કારણ કે પપ્પા તો નાસ્તો લાવે, રમકડાં લાવે
પણ શનિવાર તો
મારા પપ્પાને લઈ આવે છે !

 

– કિરણકુમાર ચૌહાણ

Author: Hitendra Vasudev Read More...

 

હું મૃત્યુ પામીશ અને તું ફૂલો મોકલીશ, જે હું જોઈ નહીં શકું, તું હમણાં જ ફૂલો મોકલને ! હું મૃત્યુ પામીશ અને તારાં આસું વહેશે, જેની મને ખબર નહીં પડે, તું અત્યારે જ થોડું રડને ! હું મૃત્યુ પામીશ અને તું મારી કદર કરીશ, જે હું સાંભળી નહીં શકું, તું એ બે શબ્દો હમણાં જ બોલને ! હું મૃત્યુ પામીશ અને તું મારા દોષો ભૂલી જઈશ, જે હું જાણી નહીં શકું, તું મને હમણાં જ માફ કરીદેને ! હું મૃત્યુ પામીશ અને તું મને યાદ કરીશ, જે હું અનુભવી નહીં શકું, તું મને અત્યારે જ યાદ કરને ! હું મૃત્યુ પામીશ અને તને થશે કે મેં એની સાથે થોડો વધારે સમય વીતાવ્યો હોત તો ! તું અત્યારે જ અવું કરને ! એટલે જ કહેવાનું મન થાય છે કે રાહ ન જુઓ, રાહ જોવામાં ઘણી વખત બહુ મોડું થઈ જાય છે !

 

Author: Hitendra Vasudev Read More...

Most Viewed Kavita

Most Viewed Author