Kavita

Add Your Entry

અલગ રાખી મને મુજ પર
પ્રણયના સૂર ના છેડો,
વીણાનો તાર છૂટો હોય તો
વાગી નથી શકતો,
રગ રગને રોમ રોમથી
તૂટી જવાય છે,
તો પણ મઝાની વાત કે,
જીવી જવાય છે;
ખાલી ગઝલ જો હોય તો
ફટકારી કાઢીએ,
આ તો હ્રદયની વાત છે,
હાંફી જવાય છે...

 

– ખલીલ ધનતેજવી

 

Author: Hitendra Vasudev Read More...

ઇશ તણી બુક ની કહાની અમો ને તમો,
આ જીંદગી ની નીશાની, અમો ને તમો.

 

ઇ તો એક જ છે ઉપર, નામે ફાંટા પાડ્યા
કરનાર બધી છેડખાની, અમો ને તમો

 

વજીર ભલે ગમે તેમ ચાલતો, ચેસ માં
ગોઠવી દેશુ એક રાણી, અમો ને તમો

 

ત્યાં સુધી પહોંચવાની વાર સે ખાલી,
વાદળે નીચોવી લેશુ પાણી, અમો ને તમો

 

જાહેર માં પડઘાતી ચીસો સાંભળી લેશુ,
પછી વાતો કરીશુ છાની, અમો ને તમો

.
nirav

 

Author: Nirav Vyas Read More...

એક ઉઘાડો ઇતીહાસ આપો,
વર્તમાનને થોડો શ્વાસ આપો.

વાદળ પર ગઝલ લખવી છે,
થોડા ભીના ભીના પ્રાસ આપો.

જઇને સીધો મારી માં ને આપીશ,
અંકલ, મુઠ્ઠી ભરી પ્રકાશ આપો.

ઉડીશ નહીં, બસ? ખાલી જોઇશ,
નજર ને થોડુ આકાશ આપો.

વિસ્તરવા માંગે છે કેન્દ્રમાં થી,

આ નીરવ ને હવે વ્યાસ આપો.

--nirav

 

Author: Nirav Vyas Read More...

એજ સાચી સમજદારી કહેવાશે,
જ્યારે જીંદગી આ મારી કહેવાશે.

મોટાપણુ ત્યારે સાવ નાનુ લાગશે,
દરવાજાને જ્યારે બારી કહેવાશે.

ફાયદો એ દુનીયા ની કારીગરી,
નુક્શાન મારી જવાબદારી કહૅવાશે.

એ હદ સુધી દોસ્તો સાથ આપશે કે,
દુશ્મનીને દોસ્તી કરતા સારી કહેવાશે.

હવે તો આરપાર લડવુ એજ રસ્તો છે,
જો જોઇ રહ્યો તો મારી લાચારી કહેવાશે.

--nirav

 

Author: Nirav Vyas Read More...

સાવ અંગત એક સરનામું મળ્યું
આજ વર્ષો બાદ એ પાનું મળ્યું

મેં લખેલી ડાયરી વાંચી ફરી,
યાદની ગલીઓમાં ફરવાનું મળ્યું.

સોળમા પાને પતંગિયું સળવળ્યું,
જીવવા માટે નવું બહાનું મળ્યું.

જાણ થઈ ના કોઈને, ના આંખને,
સ્વપ્ન એ રીતે મને છાનું મળ્યું.

એક પ્યાસાને ફળી સાતે તરસ,
બારણા સામે જ મયખાનું મળ્યું.

– હરિશ્ચન્દ્ર જોશી

Author: Hitendra Vasudev Read More...

કેમ લાગે છે કે સફરમાં છું?
હું તો મારા જ ખુદના ઘરમા છું.

પાંદડે પાંદડે ઉદાસી છે,
મારા મનથી હું પાનખરમાં છું.

રાત જેવા તમામ દિવસો છે,
કોણ જાણે હું કયા પ્રહરમાં છું .

મારા હાથે હું તોડી રાજમહેલ,
સાવ ખંડેર જેવા ઘરમાં છું.

ખાર જેવાં બધાં જ પુષ્પો છે,
ભરવસંતે હું પાનખરમાં છું.

માર્ગ મંજિલ કે ના વિસામો છે,
એક એવી સફરમાં છું.

Author: Hitendra Vasudev Read More...

લાંબી આ સફરમાં જીંદગીના ઘણા રૂપ જોયા છે

તમે એકલા સાને રડો છો સાથી તો અમેય ખોયા છે

આપ કહો છો આમને શું સુઃખ છે આ સદા હસે છે

અરે આપ શું જાણો આ સ્મિતમાં કેટલા દુઃખ વસે છે

મંજીલ સુધી ના પ્હોંચ્યા તમે એ વાતથી દુઃખી છો

અર ચાલવા મળયો રસ્તો તમને એટલા તો સુખી છો

આપને છે ફરિયાદ કે કોઇને તમારા વિશે સુજ્યુ નથી

 અરે અમને તો "કેમ છો?" એટલુય કોઇ એ પુછયુ નથી

જે થયું નથી એનો અફસોસ શાને કરો છો

આ જીંદગી જીવવા માટે છે આમ રોજ રોજ શાને મરો છો

આ દુનિયામાં સંપુર્ણ સુખી તો કોઇ નથી

એક આંખતો બતાવો મને જે ક્યારેય રોઇ નથી

બસ એટલુંજ કહેવું છે જીંદગીની દરેક ક્ષણ દિલથી માણો

નસીબથી મળી છે જેંદગી તો એને જીવી જાણો...

Author: Hitendra Vasudev Read More...

જ્યારે મળીએ, જે દિ' મળીએ ત્યારે તે દિ' નવું વરસ 
મતલબ કે કો' મનથી મળવા ધારે તે દિ' નવું વરસ


ખાસ્સા ત્રણસો પાંસઠ દિ'નો વાર્ષિક ગાળો ધરા ઉપર
હું તો માનું : ક્ષણ જ્યારે પડકારે તે દિ' નવું વરસ 


ચહેરા પર રંગોળી, રોમેરોમે દીપક ઝળાહળા 
માણસ-માણસ રોશન બનશે જ્યારે તે દિ' નવું વરસ 


આળસ, જઈને પેસી ગઈ હોય સૂરજના પણ સ્વભાવમાં

એવી આળસ કવિતા સામે હારે તે દિ' નવું વરસ 

દરિયો કેવળ નિજમસ્તીનો જોખમકારક બની શકે
તરવૈયાઓ એકબીજાને તારે તે દિ' નવું વરસ 

ઈશ્વરનું આપેલું હૈયું ફળિયું શાને બને નહિં ?
આ જ પ્રશ્ન પર લોકો સ્હેજ વિચારે તે દિ' નવું વરસ
 

સૌમિષા

 
 
 
 
 

Author: Hitendra Vasudev Read More...

Most Viewed Kavita

Most Viewed Author