Kavita

Add Your Entry

એક વાદળી પૂછે આભ ને હું મન મૂકીને વરસું ?
પણ આભ કહે આ નીચે રહેલાઓનું શું કરશું ?

એને મન તો વાદળી એક અલ્લડ તરુણી ને
આભ એક સુંદર પણ જુવાન ભોળો શો.

બંનેના મિલન વિશે લોકો રાખે ધારણાઓ,
આવા તે મિલન મા હશે છાનુંછપનું શું ?

આભ કહે સારા માણસોનું તો શું કહેવું પણ…
પણ વાદળી કહે અદેખાની આંખ મા ખટકશું.

નિર્ણય તો બંને એ લીધો એવો છેલ્લે કે
ધારવું હોય એ ધારે એમાં આપણે છે શું ?

આપણે તો મન મૂકી એવા વરસશું
કે બધાને આપણા હર્ષાશ્રુમાં ભીંજવશું..

 – આશિષ ઉપાધ્યાય

Author: Hitendra Vasudev Read More...

મરતા નથી હોતા બધા લોકો મોતથી,
કોઈને જિંદગીનો માર લાગે છે.
અમથા નથી વળતા વૃદ્ધો કમરથી,
સંઘરેલા આંસુનો એને ભાર લાગે છે.
લડી જુએ છે શુરા ભગવાનનીય સામે,
નસીબમાં આપણાં હાર જ હાર લાગે છે.
ચાલ્યું નથી કોઈનું આજ સુધી એની સામે,
તકદીરની તલવાર ધારદાર લાગે છે.
મુશ્કેલ બને છે જીવવું જ્યારે,
મોત સહેલુંજીવન પડકાર લાગે છે.
માગે છે ઘણા મોત એ પણ નથી મળતું,
એને તો આવતાય કેટલી વાર લાગે છે.

Author: Hitendra Vasudev Read More...

જિંદગીથી થઇ ગયો છુ ત્રસ્ત
કારણ દુઃખોથી થઇ ગયો છુ વ્યસ્ત
સુખોની ક્ષણોને શોધવાનો સમય ક્યાં?
અસહ્ય વેદનાથી થઇ ગયો છુ પસ્ત
ખુંદવી હતી જીવનની કેટલીયે ગિરિમાળાઓ
અચાનક લકવાથી થઇ ગયો છુ ગ્રસ્ત
નહોતો જોયો જીવનમાં અંધકાર કદી
ભર મધ્યાહને થઇ ગયો છુ અસ્ત

Author: Hitendra Vasudev Read More...

લખુ છુ કેમ કે કલમ નો સાથ છે,
મારા શબ્દો મા ફક્ત તારી યાદ છે.

કવીતાઓ તો લખવી ગમે મન,
પણ હ્રદય ને તો એક જ ગઝલ ની પ્યાસ છે.

શેરો શાયરી શોખ નહોતા માર,
પણ જીવન નુ અધુરા પણુ પણ એક આશ છે.

ઈચ્છા થાય છે કે સીતારા ઓ પર જઈ સુર્યને જોવુ,
પણ જીંદગી ને તો ચન્દ્ર ની પ્યાસ છે.

નથી જનતો કે કીનારો ક્યા છે,
પણ સાહિલ ની મને તલાસ છે.

જેવુ પણ મળ્યુ છે આ જીવન મુજને,
હે પ્રભુ તારા ચરણ પામવા માટે મારી લાશ છે.

 

Author: Hitendra Vasudev Read More...

 

કાન પાછળ આપના પ્રસ્વેદ છે?
હાથમાં જે ગ્રંથ છે એ વેદ છે?
 
જીંદગી ટૂંકી પડે એવું થશે,
ફૂટપટ્ટીથી ય લાંબા ખેદ છે.
 
સાતમે આકાશ જઈને જોયું તો,
આ જગત તો સાવ નાની કેદ છે.
 
અંતવાદી અંતમાં એ માનશે?
અંતમાં કે મધ્યમાં ક્યાં ભેદ છે.
 
બસ નફો સમજાય મૂડીવાદને,
ને છગનને ટંકની ઉમ્મેદ છે.
 
 

 

Author: Hitendra Vasudev Read More...

શીતળ ઠંડી ગઈને હવે તો આવ્યો ઉનાળે તાપ

હોળી હવે તો રંગે રમીશું ધૂળેટી ને સાથ

મનમાં થાય ઉંમગ કે હવે ભણીશું વારં વાર

દુર્ગુણોને બળી દઈએ હવે તો થઈશું અમે ગુણવાન

કાન-ગોપી નાચે સાથેસાથ શું રંગ એનો આજ

ફાગણમાં આવી હોળી ને આવી પૂનમની રાત

તારલાની તોલી સાથે લાવી અબીલ ગુલાલ

શબ્દરૂપી રંગો વડે રંગીન થાય આકાશ

કલ્પિત વાદળ ઘેરો રંગ એ પર્વમાં સમાય

Author: Hitendra Vasudev Read More...

જિંદગીભર આપણો છે સાથ, સાથે ચાલ તું !
હાથમાં મારા મૂકી દે હાથ, સાથે ચાલ તું !

હરકદમ પર કેટલાં પ્રશ્નો કસોટી કેટલી !
આ હજી તો માત્ર છે શરુઆત, સાથે ચાલ તું !

આપણું આ મૌન પણ દુનિયાને સંભળાતું હશે,
લે હવે કરવી નથી કંઈ વાત, સાથે ચાલ તું !

કોઈ પણ મારા વિચારોમાંય ફરકે ના હવે,
એકલી છે ખૂબ મારી જાત, સાથે ચાલ તું !

– રિષભ મહેતા

 

Author: Hitendra Vasudev Read More...

અલગ રાખી મને મુજ પર
પ્રણયના સૂર ના છેડો,
વીણાનો તાર છૂટો હોય તો
વાગી નથી શકતો,
રગ રગને રોમ રોમથી
તૂટી જવાય છે,
તો પણ મઝાની વાત કે,
જીવી જવાય છે;
ખાલી ગઝલ જો હોય તો
ફટકારી કાઢીએ,
આ તો હ્રદયની વાત છે,
હાંફી જવાય છે...

 

– ખલીલ ધનતેજવી

 

Author: Hitendra Vasudev Read More...

Most Viewed Kavita

Most Viewed Author