Kavita

Add Your Entry

ગુજરાતી કવિતા

Author: Hitendra Vasudev

Date: 31-12-2015   Total Views : 224

જ્યારે મળીએ, જે દિ' મળીએ ત્યારે તે દિ' નવું વરસ 
મતલબ કે કો' મનથી મળવા ધારે તે દિ' નવું વરસ


ખાસ્સા ત્રણસો પાંસઠ દિ'નો વાર્ષિક ગાળો ધરા ઉપર
હું તો માનું : ક્ષણ જ્યારે પડકારે તે દિ' નવું વરસ 


ચહેરા પર રંગોળી, રોમેરોમે દીપક ઝળાહળા 
માણસ-માણસ રોશન બનશે જ્યારે તે દિ' નવું વરસ 


આળસ, જઈને પેસી ગઈ હોય સૂરજના પણ સ્વભાવમાં

એવી આળસ કવિતા સામે હારે તે દિ' નવું વરસ 

દરિયો કેવળ નિજમસ્તીનો જોખમકારક બની શકે
તરવૈયાઓ એકબીજાને તારે તે દિ' નવું વરસ 

ઈશ્વરનું આપેલું હૈયું ફળિયું શાને બને નહિં ?
આ જ પ્રશ્ન પર લોકો સ્હેજ વિચારે તે દિ' નવું વરસ
 

સૌમિષા

 
 
 
 
 

Most Viewed Kavita

Most Viewed Author