Kavita

Add Your Entry

ગઝલ - કાયમ હશે...

Author: Pravin Shah

Date: 06-05-2017   Total Views : 439

આજ આડે કાલ પણ કાયમ હશે,
અહીં સમયના દાવ પણ કાયમ હશે.

સૂર્ય જેવો સૂર્ય સાંજે આથમે,
દિન પછી તો રાત પણ કાયમ હશે.

કામ આખી જિન્દગી રહેવાનું છે,
ઊંઘ, ને આરામ પણ કાયમ હશે.

હસ્તરેખાઓ હશે છેવટ સુધી,

એમ તો બે હાથ પણ કાયમ હશે. 

રક્ત વહેતું, દિલ ધડકતું રહે સદા,
લાગણીના સ્રાવ પણ કાયમ હશે.

- પ્રવીણ શાહ

Most Viewed Kavita

Most Viewed Author