Kavita

Add Your Entry

...કેવું હતું

Author: dhruv Upendra

Date: 11-02-2015   Total Views : 420

કોઈ ના સમજી શક્યું કેવું હતું 
હર કદમ પર જીવવું એવું હતું

જિંદગીભર શ્વાસ ચૂકવતા રહ્યા 
મોતનું માથે ગજબ દેવું હતું

લે, હવે ભોગવ બધાંયે દુઃખ સતત 
નામ સુખનું સમજીને લેવું હતું

પૂછવા ખાતર બધા પૂછતા રહ્યા 
આપણે પણ ક્યાં કશું ક્હેવું હતું ?

આખરે હું 'હર્ષ' પર્વત થઇ ગયો 
થાય ત્યાં સુધી બધું સ્હેવું હતું

-હર્ષ બ્રહ્મભટ્ટ

 

Most Viewed Kavita

Most Viewed Author