Kavita

Add Your Entry

ક્યાં ગયા ?

Author: dhruv Upendra

Date: 19-02-2015   Total Views : 332

ઊગશે સુખનો દિવસ એ વાતવાળા કયાં ગયાં ?
સપનું આંખોમાં સજાવી રાતવાળા કયાં ગયાં ?

પાટું પડતાને પડે છે, જોઇ લો ઇતિહાસમાં
પીઠ ખુલ્લી મેં ધરી છે લાતવાળા કયાં ગયાં ?

છે ભવોભવની તરસ ખાબોચિયાંથી શું વળે ?
ક્યાં ગયા, બોલાવ દરિયા સાતવાળા કયાં ગયાં ?

જિંદગી રંગીન હો તો શ્વેત ખાપણ પરવડે ?
ઓઢણીમાં મેઘધનુષી ભાતવાળા કયાં ગયાં ?

આભ સમ લઇ પેટ બચપણ ભીખ માગે રોડ પર,
ભૂખ પૂછે આજ સૌ ખેરાતવાળા કયાં ગયાં ?

 

(વિપુલ પરમાર)

 

Most Viewed Kavita

Most Viewed Author