Other

Add Your Entry

image

રૂપિયો હાલમાં તેના સૌથી ખરાબ સમયમાંથી પસાર થઈ રહ્યો છે. ડોલરની સામે રૂપિયો 66.15ની સપાટી પર પહોંચી ગયો છે. ડોલરની મજબૂતીને જોતા તેને સૌથી મોંઘી કરન્સી કહી શકાય છે, પરંતુ ડોલર અથવા બ્રિટિશ પાઉન્ડ વિશ્વની સૌથી મોંઘી કરન્સી નથી. વિશ્વની સૌથી મોંઘી કરન્સી છે બિટકોઇન એટલે કે ગુપ્ત મુદ્રા. આ એક ડિજિટલ કરન્સી છે. આ કરન્સી કોઈ કાયદાની હદમાં નથી આવતી. બિટકોઇનનો ઉપયોગ બેન્કની સુવિધા વિના લેણદેણ, ફન્ડ ટ્રાન્સફર, ઇન્ટરનેટ પર ડાયરેક્ટર ટ્રાન્ઝેક્શન, ઓનલાઇન શોપિંગ અને ગેરકાયદેસર ટ્રાન્ઝેક્શન માટે થાય છે.

શું છે બિટકોઇન

બિટકોઇન એક પ્રકારની ડિજિટલ કરન્સી છે. જેને ઇલેકટ્રોનિક રૂપમાં બનાવાઇ છે અને આ જ રૂપમાં તેને રાખવામાં આવી છે. આ એક એવી કરન્સી છે જેની પર કોઇ દેશની સરકારનું નિયંત્રણ નથી. રૂપિયા કે ડોલરની જેમ તેનું છાપકામ નથી કરવામાં આવતું. આને કોમ્પ્યુટર દ્ધારા બનાવવામાં આવે છે. એક કોયડાનો ઓનલાઇન ઉકેલ લાવવા પર બિટકોઈન મળે છે, સાથે જ રૂપિયા આપીને પણ તે ખરીદી શકાય છે.

નામ આપવામાં આવ્યું ગુપ્ત મુદ્રા

બિટકોઇન ઓનલાઇન ચુકવણીનું માધ્યમ છે. જેને ડિજિટલ કે ગુપ્ત મુદ્રાનું નામ આપવામાં આવ્યું છે. આના માટે કોઇ કેન્દ્રીય વ્યવસ્થા નથી. લોકો મુશ્કેલ ગણતરી અને ગુપ્ત કોડિંગ દ્ધારા જાતે પોતાની મુદ્રા જમા કરે અને પછી ખર્ચ કરે છે. જેને માઇનિંગ કહેવામાં આવે છે. તો નાણાં એક જગ્યાએથી બીજી જગ્યાએ પહોંચાડવાના બદલામાં એક સામાન્ય ફી લેવામાં આવે છે. જે ક્રેડિટ કાર્ડની તુલનામાં ઘણી ઓછી હોય છે. જો કે, ક્રેડિટ કાર્ડથી ઉલટું આમાં ખરીદારે જ આ ફી ચુકવવી પડે છે.

શેના માટે થાય છે ઉપયોગ

બિટકોઇનનો ઉપયોગ ફન્ડ ટ્રાન્સફર, ઇન્ટરનેટ પર સીધી લેવડ-દેવડ, સામાન ખરીદવા અને ગેરકાયદે ખરીદ-વેચાણમાં થાય છે. ભારતમાં બિટકોઇનના ટ્રાન્ઝેકશનનું પ્લેટફોર્મ ઉપલબ્ધ છે. Click Here to see bit coin platform જો કે, બિટકોઇનને લઇને કેટલાક સવાલો પણ ઉભા થઇ રહ્યા છે. જેમ કે આની કિંમતમાં મોટાભાગે ઉતાર-ચઢાવ જોવા મળે છે. બિટકોઇન કોઇ સેન્ટ્રલ બેન્કના કન્ટ્રોલમાં નથી અને બિટકોઇનનો સોદો કોની સાથે થયો તે શોધવાનું મુશ્કેલ છે.

રૂપિયા કે ડોલરની જેમ આના ઉપયોગથી પણ વસ્તુઓની ઓનલાઇન ખરીદી કરી શકાય છે. પરંતુ એક વધુ ખાસિયત જે તેને બીજાઓ કરતાં અલગ બનાવે છે, તે છે તેનું ડિસેન્ટ્રલાઇઝ્ડ હોવું. બિટ કોઇન નેટવર્ક કોઇ પણ સંસ્થાના નિયંત્રણમાં નથી.

કેવી રીતે બને છે બિટ કોઇન

આપ જાણો છે કે તેનું છાપકામ નથી થતું. એક ડિસ્ટ્રિબ્યુટેડ નેટવર્કમાં કોમ્પ્યુટિંગ પાવરનો ઉપયોગ કરીને તેને ડિજિટલ રીતે માઇન (બનાવવામાં) કરવામાં આવે છે. આ નેટવર્ક આ કરન્સીના ટ્રાન્ઝેકશનને પણ પ્રોસેસ કરે છે. એટલે કે આ તેનું પેમેન્ટ નેટવર્ક પણ હોય છે. જેનું નિર્માણ એક એવો વર્ગ કરે છે જેની સાથે આપ પણ જોડાઇ શકો છો. પરંતુ એનો અર્થ એવો કયારેય નથી કે તેને અસીમિત સંખ્યામાં બનાવી શકાય છે. બિટકોઇન પ્રોટોકોલ અનુસાર, વધારેમાં વધારે ૨૧૦ લાખ બિટકોઇન જ બનાવી શકાય છે.

કેમ છે સૌથી મોંઘી મુદ્રા

– ફકત ૩ વર્ષ પહેલા અસ્તિત્વમાં આવેલી બિટકોઇન દુનિયાની સૌથી મોંઘી કરન્સી છે. એક બિટકોઇનની કિંમત છે ૨૩૭ ડોલરથી પણ વધારે અથવા અંદાજે ૧૪,૯૩૧ રૂપિયા છે.

– ભારતમાં લેવડ-દેવડ- ભારતમાં કેટલાક ઓપરેટર બિટકોઇન ઓનલાઇન પ્રોવાઇડ કરે છે. વિનિમય સેવા, રૂપિયા કે અન્ય મુદ્રાના બદલે બિટકોઇનની રજૂઆત થાય છે.

– ડિજિટલ મુદ્રા બિટકોઇનની વધતી લોકપ્રિયતાએ નિયામકોને મોટી ચિંતામાં નાંખી દીધા છે. કારણ કે તેની સાથે મનીલોન્ડરીંગ જોખમ નિયામકોની ઉંઘ ઉડાડી નાંખી છે.

– નિયામકો એવી પણ આશંકા વ્યક્ત કરી રહ્યા છે કે, છેતરપિંડી કરનારા લોકો બિટકોઈનનો દૂરપયોગ કરી ભોળા રોકાણકારોને ઈ-પોન્ઝી સ્કીમમાં રોકાણ કરવાની લાલચ આપી શકે છે. જો ખરેખર એવું થાય તો ચોક્કસ આ રોકાણકારોના લાખો રૂપિયા ડૂબી જશે.

Author: Gurjar Upendra Read More...

માણસને બદામ ખાવાથી નહિ પણ જીવનમાં ઠોકર ખાવાથી અક્કલ આવે છે. 

પ્રેમ એક એવું પુષ્પ છે જે દરેક ઋતુમાં ખીલી શકે છે . 

જો જ્ઞાન પ્રમાણે જીવન ન ઘડાય તો પરિણામે જીવન પ્રમાણે નું જ્ઞાન થઇ જાય છે.

અભિમાનથી માનવી ફુલાઈ શકે છે પણ ફેલાઈ શકતો નથી.

વિશ્વાસ એક એવો શબ્દ છે જેને વાચતા એક સેકંડ લાગે છે સમજતા એક મિનિટ લાગે છે અને જીતતાં એક દિવસ લાગે છે અને નિભાવતાં આખી જિંદગી પણ ઓછી પડે છે. 

એકજ ભૂલ આપણે જિંદગી ભર કરતા રહ્યા ધૂળ ચહેરા પર હતી અને આપણે અરીસો સાફ કરતા રહ્યા. 

જિંદગીમાં સંબંધો કોબી જેવા છે જો તમે એને ફોલ્યા જ કરશો તો છેલ્લે હાથમાં કઈ જ નહિ આવશે. 

જિંદગી એવી રીતે ન જીવો કે કોઈ ફરિયાદ કરી જાય જિંદગી એવી રીતે જીવો કે કોઈ ફરી યાદ કરી જાય. 

નસીબમાં જે લખ્યું છે એના પર અફસોસ ન કર કેમ કે તું હજુ એટલો સમજણો નથી થયો કે ઈશ્વરના ઈરાદાને સમજી શકે. 

માણસની બે મર્યાદા હંમેશા યાદ રાખો કોઈ પણ માણસ એના મતદાનના ફોટા જેટલો કાળો નથી હોતો અને એના ફેસબૂક્ના ફોટા જેટલો ગોરો નથી હોતો. 

એક માણસે સાઈબાબાને પૂછ્યું, કે બાબા તમે આટલા મોટા સંત છો, તો નીચે જમીન પર કેમ બેસો છો? ઉપર ગાદી પર કેમ બેસતા નથી? સાઈબાબાએ તેને જવાબ આપતા કહ્યું, કે નીચે બેઠેલો માણસ કદી પડતો નથી.

 

દુનિયામાં સૌથી મોંઘી વસ્તુ જો કોઈ હોય, તો તે મદદ છે. જે માંગવા છતાં નથી મળતી. અને સૌથી સસ્તી વસ્તુ જો કોઈ હોય, તો તે સલાહ છે. જે ન જોઈતી હોય છતાં પણ લોકો આપી જાય છે.

 

આપણે હંમેશા એવું વિચારતા હોઈએ છીએ કે આપણે કૈઈક બનવું જોઈએ પણ સંબંધો જ આપણને બતાવી દેતા હોય છે કે આપણે વાસ્તવમાં શું છીએ.

 

જો લીમડાના વૃક્ષને દુધ અને ઘી રેડી ઉછેરવામાં આવે તો પણ તેની કડવાશ દૂર થશે નહિ. તેવી રીતે જ અધર્મી અને દુષ્ટ લોકોને તમે ગમે તેટલી શિખામણો આપો, તેઓ કદી પણ પોતાની મનોવૃત્તિ બદલશે નહિ, તેમજ કદી પણ સજ્જન નહિ બને. પત્થરો સાથે માથું અફાળવું અને મુર્ખને જ્ઞાન આપવું એક સમાન છે.

Author: Gurjar Upendra Read More...

 

હમણાં જયારે સતત બજેટ ફ્રેન્ડલી મોબાઈલ ની વાતો થઇ રહી છે, ત્યારે મોટોરોલા દ્વારા વધુ એક મીડીયમ બજેટ મોડેલ લોન્ચ કરાયું છે. આજે આપણે અહી એ વિષે જ વાત કરશું.

જોકે વાત શરુ કરતા પહેલા એક ચોખવટ જરૂરી છે. બજેટ અને સ્પેસીફીકેશનને જોતાં, લગભગ ૨ મહિના પહેલા મેં Motorola G2 2nd Generation મોબાઈલ ખરીદ્યો હતો. ફોન લીધા બાદ સતત હેંગ થઇ રહ્યો હતો તથા ઘણી વાર જાતે જ રીસ્ટાર્ટ પણ થઇ જતો હતો. મને પર્સનલી એવું લાગેલું કે કદાચ ઓપરેટીંગ સીસ્ટમમાં કઈ પ્રોબ્લેમ હશે એટલે ફોન ફોરમેટ કર્યો અને થોડા દિવસ સુધી સબ સલામત, પણ ફરી એની એ તકલીફ શરુ થઇ ગઈ હતી. આ સમય દરમ્યાન Flipkart 30 Days Replacement Limit પૂરી થઇ જતાં, Flipkartએ હાથ ઊંચા કરી દીધા અને મોટોરોલા તરફથી પણ એવું કહેવાયું કે ફોરમેટ કરી આપીશું. એ સિવાય Hardware Issue હશે તો Replacementમાં તો ખાસ્સો સમય જશે જ. અંતે મેં એ ફોન ૮૦૦૦ રૂપિયામાં વહેંચી દીધો. જો તમે Flipkart કે Amazon કે પછી કોઈ પણ વેબસાઈટ થી કોઈ પણ પ્રોડક્ટ ખરીદો અને એમાં શરૂઆતના તબ્બકે જ કોઈ મુશ્કેલી આવે તો સીધા એમને ફરિયાદ કરવી અને વહેલામાં વહેલી તકે પ્રોડક્ટ રિપ્લેસ કરાવી દેવી.

Motorola G3 ની વાત કરું તો આ મોબાઈલ હમણાં માત્ર અને માત્ર Flipkart ની વેબસાઈટ ઉપર જ હાજર છે. ફોનની કિં મત તથા મુખ્ય સ્પેસીફીકેશન આ મુજબ છે.

Operating System

Android Version 5.1.1 (Lolipop)

Chipset

Qualcomm MSM8916 Snapdragon 410

CPU

Quad-core 1.4 GHz Cortex-A53

GPU

Adreno 306

Card Slot

microSD, up to 32 GB

RAM

1GB in 8GB Version

RAM

2GB in 16GB Version

Camera

Primary :- 13 MP, 4128 x 3096 pixels, autofocus, dual-LED (dual tone) flash
Secondary :- 5 MP, auto-HDR

Price 8GB

11,999 /- Rs

Price 16GB

12,999/- Rs

clip_image002clip_image004

આ ફોન શું કામ ખરીદવો જોઈએ ?

Motorola G3 વિષે જો સૌથી વધુ મને કોઈ બાબત આકર્ષિત કરતી હોય તો એ છે એની બીલ્ડ ક્વોલીટી – ૧૩૦૦૦ રૂપિયા માં 2GB RAM અને 16GB ઇન્ટરનલ સ્ટોરેજ અને બેટરી બેકઅપ. હું પોતે Moto G 2nd Generation વાપરતો હતો ત્યારે પણ મને એની બેટરી સાથે કોઈ જ પ્રકાર ની ફરિયાદ રહી નથી. મારા જેવા હેવી યુઝરને જો લગભગ આખો દિવસ બેટરી ચાલતી હોય તો સાવ નોર્મલ યુઝ વાળાને તો દોઢ દિવસ સુધી બેટરી ચાલી શકે છે. ઉપર જણાવ્યું તેમ મોટોરોલા G3 બે અલગ અલગ ઓપ્શનમાં હાજર છે. 1GB RAM માં તમને ઇન્ટરનલ સ્ટોરેજ 8GB નું મળશે જયારે 2GB RAM માં તમને ઇન્ટરનલ સ્ટોરેજ 16GB નું મળશે.

બીલ્ડ ક્વોલીટી વિષે વાત કરીએ તો તમારા Displayને Gorrila Glass 3 મજબૂતી આપે છે જયારે બેકકવર ઉપર સરસ ગ્રીપ આવી શકે તે રીતે તેને શેપ અપાયો છે. અગાઉ ના Motorola G2, Moto E ની જેમ જ Motorola G3માં પણ તમે બેકકવર ચેન્જ કરી શકો છો. Moto G3 માં 8GB કે 16GB બંને વર્ઝન ડ્યુલ સીમ સપોર્ટેડ છે અને બંને માટે તમારે Micro Sim નો ઉપયોગ કરવાનો રહેશે.

clip_image006

કોઈ પણ મોબાઈલ હોય એમાં સૌથી વધુ વપરાતો કોઈ પાર્ટ હોય તો એ એનો Camera છે. Motorola Camera ની બાબતે પહેલે થી જ Average રહ્યું છે અને અહિયાં પણ ખાસ કશું નવું નથી. ડ્યુઅલ ફ્લેશ ને લીધે લો લાઈટ પિક્ચર્સ તથા Auto HDR ને લીધે Selfie આકર્ષક બને છે. આ સિવાય 3rd Party Applications ઇન્સ્ટોલ કરીને તમારા પિક્ચર્સ ને અલગ અલગ ઈફેક્ટ આપી શકો છો.

Sony, Samsung ની જેમ જ હવે Motorola પણ Water Resistant ના રસ્તે નીકળ્યું છે. Moto G3 3 ફૂટ ઊંડા પાણીમાં 30 મિનીટ સુધી તમને કોઈ તકલીફ નહિ પડવા દે. પણ હા, એના માટે તમારું બેકકવર વ્યવસ્થિત રીતે બંધ થયેલું હોવું જરૂરી છે.

સુપર ફાસ્ટ પ્રોસેસર અને ચીપસેટ તમારા મલ્ટી ટાસ્કીંગને એક નવા જ લેવલ પર લઇ જશે એ વાત ચોક્કસ છે. 720×1280 Pixelsની Screen ધરાવતા Moto G3માં ડિસ્પ્લે એકદમ ક્લીઅર ક્રિસ્પ છે. ભારતમાં Airtel દ્વારા ૨૯૬ શહેરોમાં 4G નેટવર્ક ની શરૂઆત કરી દેવાઈ છે ત્યારે આ ફોનનો વધુ એક ફાયદો એ પણ છે કે ફક્ત ૧૨૦૦૦ રૂપિયામાં 4G એનેબલ ફોન ખરીદવો એ બિલકુલ પણ ખોટી વાત નથી

clip_image007 clip_image009

આ સિવાય ફોન અનલોક કર્યા વગર જ Notification જોઈ શકો છો, Moto Assitની મદદ થી Home, Office, Meeting, Sleeping વગેરે જેવા Mode સેટ કરી શકો છો અને એ હિસાબથી તમારા ફોનમાં રીંગટોન, નોટીફીકેશન ટોન્સ તમને એલર્ટ કરશે.

clip_image010

તારણ :- જો તમારું બજેટ ૧૫ હજાર સુધીનું હોય તો આ ફોન પરફેક્ટ છે. Moto G3 લેવો હોય તો શક્ય હોય ત્યાં સુધી 16GB Internal Storage અને 2GB RAM વાળો જ લેવાનું નક્કી કરવું.

– યશ ઠક્કર 

Author: Gurjar Upendra Read More...

(૧)ઈ તથા ઇ બાબત :
* બધા જ ઈ મોટા કરવા… દા. ત.

 

જોઈએ., હોઈએ, હોઈ, કોઈ, ખવાઈ, કોઈ,  દઈશું, નવાઈ વગેરેમાં બધી જ જગ્યાએ ઈ મોટો કરવો….. અપવાદ ઇતિહાસમાં ઇ નાનો કરવો.

* જ્યારે પણ જોડાક્ષર આવે ત્યારે જોડાક્ષરની આગળનો અક્ષર ઇ નાનો કરવો દા.ત. ઇચ્છા, ઇક્ષુ, ઇક્કડ, ઇજ્જત, ઇઠ્યાશી, ઇન્ડિયા, ઇશ્ક વગેરેમાં પછીનો અક્ષર જોડાક્ષર હોવાથી ઇ નાનો થશે..         અપવાદ ઈશ્વર. (ઈશ્વર કદી નાનો ન હોય)

બધા જ અંગ્રેજી શબ્દોમાં જ્યાં પણ ઇ આવે ત્યાં હ્રસ્વ (નાની ) ઇ જ કરવી. જેમ કે આઇડિયા/ મેઇલ/ ગેઇમ/ વગેરે

ખાસ વિનંતી : આ નિયમો યાદ ન રહે તો પછી આંખો મીંચીને બધે ઈ મોટા કરજો કારણ કે નાના ઇ નો વપરાશ ઓછો હોવાથી સુધારવામાં તકલીફ ઓછી પડશે.

 

(૨)
નહીં માં જો  હી દીર્ઘ કરો તો  મીંડું મૂકવાનું પરંતુ નહિ  હ્રસ્વ હિ હોય તો મીંડું ન કરવું.

 

(૩)
* મૅનેજમૅન્ટમાં બન્ને મૅ પહોળા ઉચ્ચારવાળા કરવા; એવી જ રીતે  ટૅક્નોલૉજીમાં…બધી જ લૉજીમાં – બધે જ એમ કરવું.

 

કેટલાક અંગ્રેજી શબ્દોમાં કોઈ ઉચ્ચાર પહોળો થતો હોય છે જેમ કે મેનેજ, બ્લોગ, કેપ્ટન વગેરેમાં મૅ, બ્લૉ તથા કૅ ઉપર ઊંધો માત્ર કરવો.

 

(૪) ભેગા લખવાના અક્ષરો (પ્રત્યયો) :
**  નો,ની,નું,ના વગેરે શબ્દની જોડે જ લખાય…દા. ત. તેનું. આપવાનું, દશરથને, વગેરે;

 

**  માં /થી / એ / જેવા પ્રત્યયો પણ ભેગા જ લખાશે. ભાણામાં, તેનાથી વગેરે

**  પરંતુ વડેદ્વારાથકીપર, જેવા પ્રત્યયો જુદા લખવા;

 

(૫) અનુસ્વાર બાબતે :
* ક્રિયાપદોના મૂળ રૂપને છેવાડે હંમેશાં અનુસ્વાર આવશે જેમ કે : મૂકવું, ગમવું, ચાલવું, નોતરવું

 

* ઉપરાંત ગમતું, હસતું, પોસાતું, વગેરેમાં પણ અનુસ્વાર કરવો.

* શું, હું, છું, તું વગેરે ઉકારાંત એકાક્ષરોમાં હ્રસ્વ ઉ કરીને અનુસ્વાર કરવો;

૧) નર જાતિના શબ્દોનું બહુવચન થાય તો પણ અનુસ્વાર નહીં કરવો જેમ કે, પથ્થરો પડ્યા; પુરુષો જમ્યા; તારા ખર્યા, વગેરે

૨) નારી જાતિના શબ્દોનું બહુવચન થાય ત્યારે અનુસ્વાર કરવા જેમ કે, બહેનો ગયાં, (સમજવા માટે દાખલો : “કસ્તુરબા માંદાં પડ્યાં ને બાપુને વઢ્યાં”…..એમ લખાય પણ “ગાંધીજી માંદા પડ્યા પણ રડ્યા નહીં”….એમ લખાય ! (પુરુષ જાતિને ચાંદલો ન કરવો)

૩) નાન્યતર જાતિના શબ્દોનું બહુવચન થાય ત્યારે અનુસ્વાર કરવાના જેમ કે,

ઘેટાં દોડ્યાં, છાણાં સળગ્યાં, બારણાં ભીડાયાં.

(યાદ રાખવા માટે : “નારી જાતિને ચાંદલો કરવાનો)

નાન્યતર જાતિ કે નરનારી બધાં ભેગાં હોય ત્યારે નારીના માન ખાતર ચાંદલો કરવાનો : ભાઈઓ–બહેનો બધાં જતાં હતાં……

 

(૬) દ્ધ અંગે ખાસ :
સંસ્કૃત શબ્દોમાં દ્ધ જ લખવો. આ દ્ધ એ દ્ + ધ મળીને બને છે. દા. ત. યુદ્ધ (દ્ +ધ્) વૃદ્ધ, વૃદ્ધિ, બુદ્ધિ, શુદ્ધ, બુદ્ધ વગેરે

 

પરંતુ ખાસ યાદ રાખજો કે ગુજરાતી શબ્દોમાં ધ્ + ધ મળીને ધ્ધ બને છે જેથી ગુજરાતી શબ્દોમાં ધ્ધ (ધ્ + ધ) જ લખવો. દાત. સુધ્ધાં, અધ્ધર વગેરે….

ખાસ વીનંતી કે યાદ ન રહે તો બધી જગ્યાએ આપ સૌ દ્ધ નો જ ઉપયોગ કરજો, કારણ કે ધ્ધ તો ભાગ્યે જ ક્યારેક સુધારવાનો આવશે, જ્યારે દ્ધ તો બહુ વપરાશમાં હોવાથી સુધારવામાં બહુ જ સમય લે છે.

બહુ ભૂલો પાડતી નાની–મોટી (હ્રસ્વ–દીર્ઘ) ઇ તથા ઈ વાળા શબ્દોની યાદી :

ખાસ નોંધ : આ યાદીનો હેતુ લેખકોની ભૂલો ઓછી કરીને પ્રૂફરીડરોને રાહત આપવાનો પણ છે !! તેથી કેટલાક નુસખામાં ક્યાંક છૂટછાટ દેખાય તેવું બને. પરંતુ આ છૂટછાટ જોડણીને ખોટી કરવા અંગેની નથી.

૧) ગઈ, થઈ, હોઈ, કોઈ, જોઈ, લઈ, જઈ, લઈશું, જઈશું, જોઈશું વગેરે બધા જ શબ્દોમાં ઈ મોટો જ કરવો.

૨) ઈપ્સા, ઈર્ષા, ઈસ્વી, ઈસ્ટર, ઈશ્વર આટલા શબ્દોના અપવાદને બાદ કરતાં બાકીના બધા જ જોડાક્ષરની પહેલાનો ઇ હંમેશાં નાનો જ આવે છે.

વધુ જાણકારી અનુભવ થતા જશે તેમ મૂકવામાં આવશે.


સંપર્ક માટે જુગલકિશોર : jjugalkishor@gmail.com 
–––––––––––––––––––––––––––––––––––––––––––––––– 

હ્રસ્વ ઇ

ઇચ્છનીય

ઇચ્છવું

ઇચ્છા

ઇજન

ઇજનેર

ઇજાજત

ઇજાફો

ઇજારો

ઇજિપ્ત

ઇજ્જત

   

ઇઝરાયલ

ઇટાલિક

ઇટાલિયન

ઇટાલી

ઇડરિયો

ઇડા(નાડી)

ઇતર

ઇતરડી

ઇતરાજ

ઇતવાર

   

ઇતિ

ઇતિહાસ

ઇત્તિફાક

ઇદમ્

ઇધર

ઇનકાર

ઇનસાફ

ઇનામ

ઇનિંગ

ઇન્કમ

   

ઇન્કાર

ઇન્કિલાબ

ઇન્જક્ષન

ઇંજેક્ષન

ઇન્ડિપેન

ઇંડિપેન

ઇન્ડિયા

ઇંડિયા

ઇન્સ્પેક્ટર

ઇબાદત

ઇમામ

   

ઇમારત

ઇમ્તિહાન

ઇયળ

ઇરાક

ઇરાદો

ઇર્શાદ

ઇલમ

ઇલા

ઇલાકો

ઇલાજ

   

ઇલાયચી

ઇલાયદું

ઇલેક્ટ્રિક

ઇવ

ઇશારત

ઇશારો

ઇશ્ક

ઇશ્યુ

ઇષ્ટ

ઇસપ

ઇસમ

   

ઇસ્તરી

ઇસ્ત્રી

ઇસ્લામ

ઇંગળા

ઇંગિત (ઇશારો)

ઇંગ્લિશ

ઇંગ્લેંડ

ઇંચ

ઇંદિરા/ઇંદુ

ઇન્દ્ર/ઇન્દ્રિય

ઇંધન

 

દીર્ઘ ઈ

ઈજતદાર

ઈજા

ઈડલી

ઈથર

   

ઈદ

ઈપ્સા

ઈમાન

ઈરાન

   

ઈર્ષા/ઈર્ષ્યા

ઈવ

ઈશ

ઈશાન

   

ઈશુ

ઈશ્વર

ઈસ(ખાટલાની)

ઈસપ

ઇસવી

   

ઈસાઈ

ઈસા

ઈસ્ટર

ઈસ્વી

   

ઈંટ

ઈંડું

ઈંઢોણી

ઈંતડી

ઈંધણ

 

Author: Gurjar Upendra Read More...

બુદ્ધિની કસોટી

એક રાજાએ પોતાના પ્રધાનની બુદ્ધિની કસોટી કરવા માટે કહ્યું કે, ‘આ નગરમાંથી ચાર વસ્તુઓ લાવીને આપો.’ પ્રધાને પૂછ્યું, ‘આ ચાર વસ્તુઓ કઈ ?’ રાજાએ કહ્યું : ‘એક તો છે ને છે, બીજે છે ને નથી. ત્રીજી નથી ને છે તથા ચોથી નથી ને નથી : એવી ચાર વસ્તુઓ લાવો.’ પ્રધાન ખૂબ જ શાણા અને ચતુર હતા. તેમણે વિચારીને રાજાને કહ્યું, ‘એક બે દિવસનો સમય આપો.’ રાજા કહે, ‘ભલે.’ પછી બીજે દિવસે પ્રધાને દરબારમાં પ્રથમ એક શેઠને તેડાવ્યા. બીજી એક વેશ્યાને બોલાવી, ત્રીજા એક સાધુ અને ચોથો એક ભિખારી એમ ચારેયને રાજા સામે ઊભા રાખ્યા અને પ્રધાને કહ્યું, ‘હું તમારી ચારેય વસ્તુઓ લાવ્યો છું.’ રાજાએ એનો અર્થ પૂછ્યો, ત્યારે પ્રધાને પ્રથમ શેઠેને દેખાડીને કહ્યું કે, ‘આને તો આ ભવમાં ધન સંપત્તિ વૈભવ છે અને તે પુણ્યદાન સત્કર્મ કરે છે. માટે બીજે ભવે પણ તેમને બધું જ એવું મળશે. માટે એને તો છે ને છે ! પહેલી વસ્તુ જાણવી.’ બીજી વેશ્યાને દેખાડી કહ્યું કે, ‘આ વેશ્યાને અહીં સુખ ભોગનાં સાધન છે. પણ તે પાપકર્મથી મેળવેલાં હોવાથી પરભવે કાંઈ મળવાનું નથી માટે એને તો છે ને નથી, બીજી વસ્તુ જાણવી.’ ત્રીજા તેમણે સાધુ દેખાડ્યા કહ્યું કે, ‘આ સાધુને આ જન્મે ધન વૈભવ કાંઈ નથી, પણ એ જે તપ કરે છે તેના પુણ્યથી બીજે વિવિધ સુખ સંપત્તિ મળશે માટે એને ‘નથી ને છે’ ત્રીજી વસ્તુ જાણવી.’ ચોથા તેમણે ભિખારી દેખાડી કહ્યું કે ‘આ ભિખારીને આ જન્મે ખાવા પીવા મળતું નથી તેથી તે પાપકર્મ કરે છે અને એ પાપકર્મના યોગથી બીજે જન્મે એથી પણ ખરાબ દશા થવાની માટે એને તો ‘નથી ને નથી’ તેમ ચોથી વસ્તુ જાણવી.’ પ્રધાનની આવી શાણી અને ચતુર બુદ્ધિ જોઈ રાજા ખૂબ આનંદ પામ્યા.

.......................................................................................................................................................

 ગીતાનો પાઠ

ચૈતન્ય મહાપ્રભુ જગન્નાથપુરીથી એકવાર દક્ષિણ ભારત તરફ જઈ રહ્યા હતા. રસ્તામાં તેમણે એક બ્રાહ્મણને ગીતાપાઠ કરતો જોયો. બ્રાહ્મણના મુખ પર આનંદની રેખાઓ ઊપસી રહી હતી. તે તલ્લીન બનીને ગીતાપાઠ બોલી રહ્યો હતો. ચૈતન્યપ્રભુ તેની પાસે ગયા અને પાછળ ઊભા રહી તેમના શ્લોકો સાંભળવા લાગ્યા.

બ્રાહ્મણનો ગીતાપાઠ પૂરો થયો. તેણે પાછળ નજર કરી તો ચૈતન્ય મહાપ્રભુ પોતાની પાસે ઊભેલા જોઈ તેના આનંદનો કોઈ પાર રહ્યો નહિ. તેણે ચૈતન્ય મહાપ્રભુના ચરણમાં પોતાનું શિર નમાવ્યું. શ્રી ચૈતન્ય સ્વામી બોલ્યા : ‘તમારો ગીતાપાઠ મેં સાંભળ્યો. તમારા સંસ્કૃત ઉચ્ચારો તો ઘણા જ અશુદ્ધ હતા અને તેમ છતાં તમે આવી આનંદ સમાધિ કેવી રીતે મેળવી શકો છો ?’

બ્રાહ્મણે હાથ જોડી જવાબ આપ્યો : ‘પ્રભુ મને સંસ્કૃત ક્યાં આવડે છે તે હું શુદ્ધ ઉચ્ચાર કરી શકું ? સાચા ખોટા કે શુદ્ધ અશુદ્ધ ઉચ્ચારો કરીને, ગમે તે રીતે શ્લોકો બોલ્યા કરું છું. એ શ્લોકનો શો અર્થ થતો હશે એ તો આપ જેવા વિદ્વાનો જ સમજી શકે. પણ હા, એક વાત છે. હું જે વખતે ગીતાપાઠમાં બેસું છું એ વખતે હું કુરુક્ષેત્રમાં પાંડવો અને કૌરવોની સેનાઓ વચ્ચે એક સુંદર રથ જોઉં છું. રથની અંદર અર્જુન બેઠા છે અને રથના સારથિ તરીકે જગતના પરમાત્મા શ્રીકૃષ્ણ ઊભા છે અને વારંવાર તેઓ પોતાનું મુખ ફેરવીને અર્જુનને ઉપદેશ આપ્યા કરે છે. આ બધું મને દેખાયા કરે છે. એ દ્રશ્ય જોઈને મારો આત્મા પુલકિત બની જાય છે અને તેમાં હું તલ્લીન બની જાઉં છું.’

આ સાંભળીને શ્રી ચૈતન્ય પ્રભુ તેને ભેટી પડ્યા અને ગદ્‍ગદ્‍ કંઠથી બોલી ઊઠ્યા : ‘બસ, ભાઈ ! ગીતા પાઠનો આ જ એક અર્થ છે અને તેં એ અર્થને જાણ્યો છે !’

Author: Gurjar Upendra Read More...

કેળાના લાડુ

સામગ્રી :
કાચા કેળાની મોળી કાતરી : 1 કપ
બૂરૂ ખાંડ : 1/2 કપ
ઘી : 1/4 કપ
ઈલાયચી : 1 ચમચી
જાયફળ : ચપટી.

રીત :
સૌપ્રથમ કાચાકેળાની મોળી વેફર અથવા કાતરીને ઘીમાં તળી લો. હવે તેને મિક્સરમાં વાટી લો. આ રીતે તૈયાર થયેલ કાતરીમાં બૂરૂ ખાંડ, ઘી, ઈલાયચી, જાયફળ ઉમેરીને તેને લાડુનો આકાર આપો. ઉપવાસના દિવસોમાં આ વાનગીનો ઉપયોગ કરી શકાય છે.

કાજુ કતરી

સામગ્રી :
કાજુ : 250 ગ્રામ
ખાંડ : 150 ગ્રામ
ગુલાબનું એસેન્સ : 3 ટીપાં
વરખ

રીત:
સૌપ્રથમ કાજુને વાટી લો. એ પછી તેને બરાબર ચાળી લો. બીજી બાજુ ખાંડમાં ડૂબે એટલું પાણી લો. કાજુકતરી ચાસણી કરીને અથવા માઈક્રોવેવનો ઉપયોગ કરીને બનાવી શકાય છે. ચાસણી કરીને કાજુકતરી બનાવવી હોય તો 1-1/2 તારની ચાસણી કરવી. માઈક્રોવેવનો ઉપયોગ કરીને બનાવવા માટે ખાંડના પાણીને માઈક્રોવેવમાં મહત્તમ તાપમાન પર દસ મિનિટ માટે મૂકો. એ પછી તેને બહાર કાઢો. હવે તેમાં કાજુનો ભૂકો અને એસેન્સ ઉમેરો. આ રીતે તૈયાર થયેલા મિશ્રણને બે પ્લાસ્ટીક વચ્ચે વણીને કાજુકતરી તૈયાર કરો. છેલ્લે તેની પર વરખ લગાવીને કાપા પાડો. તહેવારો માટે આ એક ઉત્તમ મિઠાઈ છે અને બાળકોને પ્રિય છે.

રૉલકટ ચેવડો

સામગ્રી :
બે પડની રોટલી : 6 નંગ
કાચી શીંગ : 2 ચમચા
કાજુ : 1 ચમચા
દ્રાક્ષ : 1 ચમચા
દાળીયા : 2 ચમચા
બૂરૂ : 2 ચમચા
મીઠું : 1 ચમચી
લીલામરચાં : 4 નંગ
લીમડો : 20 પાન
ચાટ મસાલો : 1 ચમચી
પ્રેપીક (મરચાંની ભૂકી) : 1 ચમચી
ચોખાનો લોટ (પેસ્ટ માટે) : 1/4 કપ

રીત :
સૌપ્રથમ બે પડની રોટલી તૈયાર કરો. બીજી બાજુ ચોખાના લોટમાં પાણી ઉમેરી પેસ્ટ તૈયાર કરો. આ રીતે તૈયાર કરેલી પેસ્ટને રોટલી વચ્ચે લગાવી ને રોટલીના રોલ બનાવો. આ રોલને નાના ટૂકડાઓમાં કાપી લો. એ પછી શીંગ, કાજુ, દ્રાક્ષ, દાળીયા, લીમડો અને લીલામરચાંને થોડું તેલ મૂકીને તળી લો. એ પછી રોટલીના ટુકડાઓમાં આ તમામ વસ્તુ ઉમેરીને મિશ્રણ તૈયાર કરો. હવે તેની પર બૂરૂ, મીઠું, મરચાંની ભૂકી અને ચાટમસાલો નાંખીને પીરસો.

શાહીસેફરોની

સામગ્રી :
કન્ડેન્સ દૂધ : 1/2 કપ
બાંધેલું મોળું દહીં : 1/2 કપ
પનીર છીણેલું : 1/2 કપ
કેસર : ચપટી
વરખ : 2 નંગ
બદામ-પિસ્તા કતરણ : 2 ચમચી

રીત:
સૌપ્રથમ કન્ડેન્સ દૂધ, બાંધેલું મોળું દહીં, પનીર અને કેસરને મિશ્ર કરીને ઈડલીના વાસણમાં ભરીને વરાળથી દશ મિનિટ માટે બાફો. આ રીતે તૈયાર થયેલ મિશ્રણ પર બદામપિસ્તાની કતરણ ભભરાવો તેમજ વરખ લગાડો અને ઉપયોગમાં લો.

સ્ટોબેરી ડ્યુ

સામગ્રી :
દૂધપાવડર : 1/2 વાટકી
પનીર : 1/4 વાટકી
બૂરૂ : 1 ચમચી
સ્ટોબેરીસીરપ : 1 ચમચો

રીત :
સૌપ્રથમ દૂધપાવડર, બૂરૂ અને પનીરને મિક્સ કરો અને તેનો લોટ બાંધો. ત્યાર બાદ તેના ગોળા વાળી લો. હવે સ્ટોબેરીસીરપ ને ગરમ કરીને તેમાં દૂધપાવડર ઉમેરી ઘટ્ટ મિશ્રણ તૈયાર કરો. ઉપરોક્ત તૈયાર કરેલા ગોળામાં વચ્ચે કાણું પાડીને આ મિશ્રણ ભરો અને ઉપયોગમાં લો.

– પૂર્વા મહેતા 

Author: Gurjar Upendra Read More...

મહાભારતના યુદ્ધ માટે કુરુક્ષેત્રની ભૂમિ જ કેમ પસંદ કરાઈ…?

39

જ્યારે મહાભારતનું યુદ્ધ ટાળવાનું અશક્ય થઈ પડ્યું ત્યારે યુદ્ધ માટે યોગ્ય સ્થળ શોધવાનું ભગવાન શ્રીકૃષ્ણને કહેવામાં આવ્યું. મહાભારતનું યુદ્ધ ધર્મ માટે હતું. ભગવાન શ્રીકૃષ્ણ નહોતા ઇચ્છતા કે કૌરવો અને પાંડવો વચ્ચે લાગણીવશ કોઈ સંધિ થાય, માટે શ્રીકૃષ્ણે પોતાના દૂતોને અનેક દિશામાં અતિ ક્રૂર ઇતિહાસ ધરાવતી ભૂમિ શોધવા દોડાવ્યા. પરત આવ્યા બાદ એક દૂતે કુરુક્ષેત્ર પર એક ભાઈ દ્વારા અન્ય ભાઈ પર આચરેલી ક્રૂરતા વિશે સંભળાવ્યું. જે મુજબ કુરુક્ષેત્રમાં એક મોટા ભાઈએ તેના નાના ભાઈને ખેતરમાંથી વહી જતું વરસાદી પાણી રોકવા માટે પાળ બાંધવાનું કહ્યું, જેને લઈને બંને વચ્ચે ઝઘડો થયો અને ગુસ્સામાં આવી મોટા ભાઈએ નાના ભાઈની છરા વડે હત્યા કરી દીધી. એટલું જ નહીં તેણે ક્રૂરતાની તમામ હદ પાર કરી નાના ભાઈના મૃતદેહને ઢસડી, વહી જતા પાણીવાળી જગ્યાએ લઈ ગયો અને મૃતદેહને પગથી કચડી વહી જતા પાણીવાળી જગ્યા પર નાખી અને તેની પાળ બાંધી દીધી અને પાણી રોકી દીધું. આ સાંભળી શ્રીકૃષ્ણે તરત જ કુરુક્ષેત્ર પર જ આ ધર્મયુદ્ધ લડાશેની જાહેરાત કરી. મહાભારતની આ કથાથી સ્પષ્ટ થાય છે કે, શુભ અને અશુભ વિચારો અને કર્મોના સંસ્કાર ભૂમિ કે સ્થાન પર લાંબા સમય સુધી રહેતા હોય છે.

આ પવિત્ર ઉપવેદમાંથી જ વાસ્તુશાસ્ત્ર ઉદ્ભવ્યું છે

40

હિન્દુ ધર્મમાં ચાર વેદ છે, જેમાંનો એક અથર્વવેદ છે. તેનો એક ઉપવેદ છે ‘આપત્યવેદ’. આ ઉપવેદ જ હાલના વાસ્તુશાસ્ત્રનો આધાર મનાય છે. બ્રહ્માજીના માનસપુત્ર શ્રી વિશ્ર્વકર્માએ જે વાસ્તુ સંસાર માટે કહ્યું તે જ વાસ્તુશાસ્ત્રને આધારે ભગવાન શ્રીકૃષ્ણે મથુરાવાસીઓ માટે એક નવું નગર વસાવવાનો વિચાર કર્યો હતો. ત્યારે ભગવાન વિશ્ર્વકર્માએ દ્વારિકાનું નિર્માણ કર્યું જેના તમામ મહેલો અને ઘરો સોનાનાં હતાં.

ચીનમાં હરેકૃષ્ણા હરે હરે…

41

ચીન સરકારે ચીનને નાસ્તિક દેશ જાહેર કર્યો છે. ચીનના ૭૦ ટકા લોકો પોતાને નાસ્તિક તરીકે ઓળખાવે છે ત્યારે અહીંની રાજધાની બીજિંગ એક ફાઇવ સ્ટાર હોટલમાં હરેકૃષ્ણ પંથના અનુયાયીઓ દ્વારા ભજન-કીર્તનનું આયોજન કરવામાં આવ્યું હતું. ત્રણ કલાક સુધી ચાલેલ આ અનુષ્ઠાનમાં ૨૫૦થી પણ વધુ લોકોએ ભાગ લીધો હતો અને ૧૦૦થી વધુ ચીની મહિલાઓ પરંપરાગત ભારતીય પોશાકમાં હરેકૃષ્ણ હરે… હરે…ના જાપ કરી રહી હતી. અહીંના લોકોને ‘ભગવદ્ ભજન’ની ચાઈનીઝ નકલ પણ મફતમાં વહેંચવામાં આવી હતી. ઉલ્લેખનીય છે કે નાસ્તિક ચીનમાં આ પ્રકારના ધાર્મિક કાર્યક્રમ યોજાય અને એમાં સારી એવી સંખ્યામાં લોકો ભાગ લે એવું ભાગ્યે જ બને છે.

ફિલ્મ જોતી વખતે રડી પડશો તો સારું લાગશે

લાગણીશીલ થઈ જવાથી રડવું આવે એવી શક્તિ માત્ર માણસોને જ મળી છે. જો આંસુ સારી લેવામાં આવે તો એ પછી તમારો મૂડ સારો થઈ જાય છે. નેધરલેન્ડસની યુનિવર્સિટી ઓફ ટિલબર્ગના રિસર્ચરોનું કહેવું છે કે માણસ રડીને હળવો થઈ જાય તો એનાથી થોડીક વાર પછી તેને ઘણું સારું ફીલ થતું હોય છે. અભ્યાસ માટે રિસર્ચરોએ ૬૦ લોકોને લાગણીશીલ કરી દે એવી ફિલ્મ બતાવી હતી.

રિસર્ચરોએ નોંધ્યું હતું કે ફિલ્મ જોતી વખતે કોણ રડ્યું હતું અને કોણ નહીં ? ૨૮ પાર્ટિસિપન્ટ્સની આંખમાંથી ગંગા-જમના વહી હતી અને ૩૨ લોકોએ એમ જ કોરી આંખે ફિલ્મ જોઈ લીધી હતી.

ભારતીયો લાંબુ જીવે છે પરંતુ માંદગી પર વધુ ખર્ચ કરે  છે

તાજેતરમાં જ કરવામાં આવેલા નવા રસપ્રદ અભ્યાસમાં દાવો કરવામાં આવ્યો છે કે ભારતીય લોકો વધારે જીવે છે, પરંતુ માંદગી પર તે વધારે નાણા ખર્ચ કરે છે. માત્ર ભારતમાં જ નહીં બલ્કે વિશ્વમાં હવે લોકો વધુ આયુષ્ય ધરાવતા થયા છે, પરંતુ સૌથી નિરાશાજનક બાબત એ છે કે તેમના પર માંદગીના કરાણે બોજ વધી રહ્યો છે. જુદી-જુદી સામાન્ય માંદગી પર વધારે રકમ ખર્ચ કરવામાં આવે છે. માંદગીમાં ડાયાબિટીસ અને સાંભળવાની શક્તિ ગુમાવી દેવાની બાબત સામેલ છે. આંતરરાષ્ટ્રીય સંશોધકો દ્વારા કરવામાં આવેલા અભ્યાસમાં દાવો કરવામાં આવ્યો છે કે ભારતમાં ડાયાબિટીસ અને અન્ય સ્નાયુ સંબંધિત વિકારના કારણે લોકો વધારે પરેશાન થયેલા છે. તેઓ વધારે નાણા બીમારી પર ખર્ચ કરી રહ્યા છે. આરોગ્યના કારણે લોકોના બજેટમાં વધારો થાય છે. વર્ષ ૧૯૯૦ અને ૨૦૧૩ વચ્ચેના ગાળામાં ડાયાબિટીસ સાથે ગ્રસ્ત મહિલામાં વિકલાંગતા વધી રહી છે.

(સંદર્ભ સ્રોત – સૌજન્ય : સાધના સાપ્તાહિક)

 

Author: Gurjar Upendra Read More...


 
સામગ્રી - 100 ગ્રામ લીલી કોથમીર(બારીક કાપેલી), 500 ગ્રામ તાજું પનીર, 200 ગ્રામ ડુંગળી, 10 ગ્રામ આદું, 1 ચમચો કાપેલા લીલા મરચાં, ચપટી હળદર, 250 ગ્રામ કાપેલા ટામેટા, દોઢ ચમચા દેશી ઘી.

બનાવવાની રીત - એક મોટા વાસણમાં પનીરને બરાબર મસળી લો કે પછી સાવ નાના-નાના ટૂકડાં કરીને અલગ રાખો. આદુંને સાફ કરી પીસી લો.

કઢાઈમાં ઘી ગરમ કરો. તેમાં કાપેલી ડુંગળી નાંખી સોનેરી રંગની થાય ત્યાંસુધી સાંતળો. હવે તેમાં કાપેલા ટામેટા, આદું, લીલા મરચાં નાંખી સાંતળો. ઉપરથી હળદર અને મીઠું છાંટી ટામેટા ઓગળે ત્યાંસુધી સાંતળો. પછી તેમાં પનીર નાંખી એ રીતે હલાવો કે બધું મિશ્રણ એકસાર થઇ જાય. દસ મિનિટ સુધી ગેસની ચાલુ આંચે રંધાવા દો. પછી તેને ગેસ પરથી ઉતારી લીલી કોથમીરના પાંદડાની ગાર્નિશ કરી સર્વ કરો.

 

Author: Gurjar Upendra Read More...

Most Viewed

Most Viewed Author