યાદો ના પાના થી ભરેલી છે જિંદગી,
સુખ અને દુ:ખ ના પ્રસંગો થી ભરેલી છે જિંદગી,
એકલા બેસીને વિચારી તો જુઓ,
મિત્રો વગર કેટલી અધુરી છે જિંદગી.....
કિંમત પ્રેમની નહી,
પ્રેમ કરનારની હોવી જોઈએ,
કારણ કે
પ્રેમનો મુખોટો પહેરેલાં બહેરુપ્યા
ઘણા મળતા હોય છે, પરતું
પ્રેમનાં રૂપમાં રાધાને કૃષ્ણ
કોઇક જ મળે છે...
તમારી નવી સવાર એટલી સારી થઈ જાય,
કે દુઃખોની તમારી વાતો બધી નાની થઈ જાય,
આપી જાય એટલી ખુશીઓ આ દિવસ,
કે ખુશી પણ આપની દિવાની થઈ જાય.
કોઈ સ્મિતે સ્મિતે સળગે છે
કોઈ રડીને દિલ બહેલાવે છે
કોઈ ટીપે ટીપે તરસે છે
કોઈ જામ નવા છલકાવે છે
સંજોગના પાલવમાં છે બધું
દરિયાને ઠપકો ના આપો
એક તરતો માણસ ડૂબે છે
એક લાશ તરીને આવે છે
– સૈફ પાલનપુરી
થોડી ગેરસમજથી સારું જીવાય છે,
ખુલાસા કરવાથી દુખી થવાય છે,
જીવનમાં ક્યારેક બંધ બાજી રમવી સારી,
બાકી તો ત્રણ એક્કા માં પણ હારી જવાય છે.
સુખ નું કોઈ શીડ્યુલ ના હોય આનંદ ની અપોઈનમેન્ટ ના હોય પ્રેમ નું પ્લાનિંગ ના હોય માટે જીવન ને જોશ અને ઉત્સાહ થી જીવો એમાં વિચારવાનું ના હોય...
જિંદગી આમ તો પળોજણ છે,
પણ ન છૂટી શકે એ વળગણ છે.
આ તે અસ્તિત્વ છે કે છે આરસ ?
છે સુંવાળું, છતાંય કઠ્ઠણ છે !
કોઈ રણદ્વીપ જોઈ લ્યો જાણે !
આયખું લીલુંછમ, છતાં રણ છે !
મન રહે છે સતત તણાવોમાં,
રામ એમાં છે, એમાં રાવણ છે !
હાથમાં ક્યાં છે અંત કે આદિ ?
એ જ તો ‘રાહી’ની મથામણ છે.
– રાહી ઓધારિયા
એક સ્મિત જે હસાવી દે
એક અશ્રુ જે રોવડાવી દે
એક ઈચ્છા જગાવી દે
એક પ્રીત જે સમઝી લે
દરેક વાત જે જાણી લે
એનું જ નામ છે
"..મિત્રતા.."
