ને સાચવે  પારવતી અખંડ સૌભાગ્યવતી, તને સાચવે સીતા સતી અખંડ સૌભાગ્યવતી. માના ખોળા સમું આંગણું તે મૂક્યું, બાપના મન સમું બારણું તે મૂક્યું, તું તો પારકા ઘરની થતી અખંડ સૌભાગ્યવતી, તને સાચવે  પારવતી  અખંડ સૌભાગ્યવતી. ભગવાનને આજ ભળાવી દીધી, વિશ્વાસ કરીને વળાવી દીધી, તારો સાચો સગો છે પતિ અખંડ સૌભાગ્યવતી, તને સાચવે સીતા સતી અખંડ […]

મારે આંગણિયે તલાવડી  છબછબિયાં પાણી, એમાં તે અણવર લપટ્યો રે એની કેડ લચકાણી. વેવાઈને માંડવે વેવલી રે એની આંખ છે કાણી, નદીએ  નાવા  ગઈ’તી રે એને દેડકે  તાણી, ધોળજો છોકરાં ધોળજો રે એની કેડ લચકાણી, ગોળને બદલે ખોળ દ્યો રે એની કેડ લચકાણી. અળવીંતરી તું એવી કે એની અવળી વાણી, એણે ચોરીને ચીભડું ખાધું રે, […]

પીઠી  ચોળી  લાડકડી!  ચૂંદડી  ઓઢી  લાડકડી ! ચૂંદડીએ ધબકારા ઢાંક્યા ને કરમાં કર સોંપ્યા લાડકડી ! મીઠી  આવો  લાડકડી!  કેમ કહું જાઓ લાડકડી ! તું શાની સાપનો ભારો? તું તુલસીનો ક્યારો લાડકડી ! ચરકલડી ચાલી લાડકડી, રહેશે ના ઝાલી લાડકડી ! આછેરી શીમળાની છાયા; એવી તારી માયા લાડકડી ! સોડમાં લીધાં લાડકડી! આંખ ભરી પીધાં […]

ઇંગ્લિશ ટોપો મંગાવો… ટોપો કોને રે પે’રાવો ?ટોપો મનીતાને પે’રાવો, આજુબાજુ કન્ડક્ટર બેસાડો,“બાકી ટિકિટ, બાકી ટિકિટ” કરે બિચારીને ટોપો પે’રાવો… ઇંગ્લિશ ટોપો મંગાવો… ટોપો કોને રે પે’રાવો ? ટોપો રેખાને પે’રાવો, આજુબાજુ ખાનદેશિયા બેસાડો,“કાય સાંગલે, કાય સાંગલે” કરે બિચારીને ટોપો પે’રાવો… ઇંગ્લિશ ટોપો મંગાવો… ટોપો કોને રે પે’રાવો ? ટોપો ઐશ્વર્યાને પે’રાવો, આજુબાજુ બાવા બેસાડો,“રાધેશ્યામ, […]

લાખ રૂપિયાની દીકરી આજે દાનમાં દેવાય,ઓ દાદા તમને ચિંતા કેમ ન થાય ?સમય સમયની છે બલિહારી દાદા કે આ દીકરી,અમારી હસતી, રડતી, રમતી આજે દાનમાં દેવાય.ઓ દાદા તમને. લાખ રૂપિયાની ભત્રીજી આજે દાનમાં દેવાય,ઓ કાકા તમને ચિંતા કેમ ન થાય ?સમય સમયની છે બલિહારી કાકા કે આ ભત્રીજી,અમારી હસતી, રડતી, રમતી આજે દાનમાં દેવાય.ઓ કાકા તમને. લાખ […]

બેના રે…. સાસરિયે જાતાં જોજો પાંપણ ના ભીંજાય, દીકરી તો પારકી થાપણ કહેવાય. દીકરી ને ગાય દોરે ત્યાં જાય, દીકરી તો પારકી થાપણ કહેવાય. બેની તારી માથે બાપનો હાથ હવે નહીં ફરશે, રમતી તું જે ઘરમાં એની ભીંતે ભીંતો રડશે, બેના રે…. વિદાયની આ વસમી વેળા રોકી ના રોકાય, દીકરી તો પારકી થાપણ કહેવાય. બેના […]

આજ મારે ભર્યા સરોવર છલ્યાં રે આનંદભર્યા, આજ મારે માડીના (વરનું નામ બોલવું)ભાઈ પરણ્યા રે આનંદભર્યા. આજ મારે પરણીને (વરનું નામ બોલવું)ભાઈ પધાર્યા રે આનંદભર્યા, આજ અમે લાખ ખરચીને લાડી લાવ્યા રે આનંદભર્યા. આજ અમે ઈડરિયો ગઢ જીતી આવ્યા રે આનંદભર્યા, આજ અમે લાખેણી લાડી લઈ આવ્યા રે આનંદભર્યા. આજ અમારે હૈયે હરખ ન માય […]

લાલ મોટર આવી, ગુલાબી ગજરો લાવી,       મારા બેની, સાસરિયે લીલા લહેર છે! દશરથ જેવા સસરા, તમને નહિ દે કાઢવા કચરા,      મારા બેની, સાસરિયે લીલા લહેર છે! કૌશલ્યા જેવા સાસુ, તમને નહિ પડાવે આંસુ,     મારા બેની, સાસરિયે લીલા લહેર છે! રામચંદ્ર જેવા જેઠ, તમને નહિ કરવા દે વેઠ,     મારા બેની, […]

દાદાને આંગણ આંબલો, આંબલો ઘેર ગંભીર જો, એક રે પાન મેં તો ચૂંટિયું, દાદા ન દેજો ગાળ જો. દાદાને આંગણ આંબલો, આંબલો ઘેર ગંભીર જો, એક રે પાન મેં તો ચૂંટિયું, દાદા ન દેજો ગાળ જો, દાદાને આંગણ આંબલો. અમે રે લીલુડા વનની ચરકલડી, ઊડી જાશું પરદેશ જો, આજ રે દાદાજીના દેશમાં, કાલ જાશું પરદેશ […]

ચાલો લાડીલી તમે આપણે તો ઘેર રે (2) મહિયરની મમતા મૂકોને, મહિયરની મમતા મૂકોને, ચાલોને આપણે ઘેર રે, ચાલોને આપણે ઘેર રે. બાપુની માયા તો તમે મૂકોને, બાપુની માયા તો તમે મૂકોને, સસરાની હવેલી બતાવું રે, સસરાની હવેલી બતાવું રે, ચાલોને આપણે ઘેર રે, ચાલોને આપણે ઘેર રે. માડીની માયા તો તમે મૂકોને, માડીની માયા […]

આ દશ આ દશ પીપળો, આ દશ દાદાના ખેતર, દાદા (દાદાનું નામ બોલવું)ભાઈ વળામણે, દીકરી ડાહ્યા થઈને રહેજો. ભૂલજો અમ કેરી માયા, મનડા વાળીને રહેજો, સસરાના લાંબા ઘૂંઘટા, સાસુને પાહોલે પડજો. જેઠ દેખીને ઝીણાં બોલજો, જેઠાણીના વાદ ન વદજો, નાનો દેરીડો લાડકો, એના તે હસવા ખમજો. નાની નણંદ જાશે સાસરે, એના માથા રે ગૂંથજો, માથા […]

આલા તે લીલા વનની વાંસલડી એ તો શેરી-શેરીએ વાજંતી જાય, દાદાને અતિ વહાલા બેન રે એ તો પરણીને સાસરિયે જાય, એક દિ રોકાઓ મારી દીકરી રે તમને આપું હું કાલે વિદાય, હવે કેમ રોકાઉં મારા દાદા રે સાથ મારો સાસરિયાનો જાય. આલા તે લીલા વનની વાંસલડી એ તો શેરી-શેરીએ વાજંતી જાય, માતાને અતિ વહાલા બેન […]