માંગો એવું ઇનામ મળે . . .
તમે માંગો એવું ઇનામ મળે એવો કોઈ કાયદો નથી,
જોઈતાં હોય એવાં ફળ મળે એવો દુનિયાનો ધારો નથી,
કોણે કીધું કે બધું સહેલાઈથી મળી જાય?
રસ્તો સીધો ને સરળ આજ સુધી ક્યાંય જોયો નથી.
કરવાનાં કામ કરી લીધાં ને કાલની ના જોઈ મેં વાટ,
સમય પસાર થયા પછી બીજી વાર આવ્યો નથી,
ઊંચા ડુંગરો ભમવા હોય તો જોઈશે કઠીન હામ,
ભડકતો અગ્નિ ખાલી ફૂંક મારવાથી ઠર્યો નથી,
શું કરવું? કેમ કરવું? સાચું કોઈ કહેતું નથી.
પસંદ હોય તેવીજ વાત કરે એ દોસ્ત સાચો નથી,
હોય મનમાં કાય તો ઉપાડો કલમ, ને લખી નાંખો,
‘દિનેશ’ ચાલ્યો જાય છે, તે પાછો વર્યો નથી.
– દિનેશ દત્તાણી – ટોરોન્ટો, કેનેડા
ઇનામ – reward; prize; gift, present; gift of land.
સહેલાઈ – ease, easiness, simplicity.
ફૂંક – blowing with mouth; breath; life breath, life.
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.