પરથમ ગણેશ બેસાડો રે
November 07 2019
GL Team
પરથમ ગણેશ બેસાડો રે મારા ગણેશ દુંદાળા,
ગણેશની સ્થાપના કરાવો રે મારા ગણેશ સૂંઢાળા.
તેત્રીસ કરોડ દેવતા સીમડીએ આવ્યા,
હરખ્યા ગોવાળિયાના મન રે, મારા ગણેશ દુંદાળા.
તેત્રીસ કરોડ દેવતા વાડીએ પધાર્યા,
હરખ્યા માળીડાના મન રે, મારા ગણેશ દુંદાળા.
તેત્રીસ કરોડ દેવતા સરોવર પધાર્યા,
હરખ્યા પાણિયારીઓના મન રે, મારા ગણેશ દુંદાળા.
તેત્રીસ કરોડ દેવતા શેરીએ પધાર્યા,
હરખ્યા પાડોશીઓના મન રે, મારા ગણેશ દુંદાળા.
તેત્રીસ કરોડ દેવતા તોરણે પધાર્યા,
હરખ્યા સાજનિયાના મન રે, મારા ગણેશ દુંદાળા.
તેત્રીસ કરોડ દેવતા માંડવે પધાર્યા,
હરખ્યા માતાજીના મન રે, મારા ગણેશ દુંદાળા.
તેત્રીસ કરોડ દેવતા માયરે પધાર્યા,
હરખ્યા વરકન્યાના મન રે, મારા ગણેશ દુંદાળા.
Most Popular
Interactive Games
Quick Quiz
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
