વાગે છે વેણુ (ગણેશમાટલીનું ગીત)
November 07 2019
vonsifloal vonsifloal
વાગે છે વેણુ ને વાગે વાંસલડી,
બેનીના વિવાહ આદર્યા.
કાકા વીનવીએ તમને,
રૂડા માંડવડા બંધાવજો,
માંડવડે રે કાંઈ દીવડા પ્રગટાવજો,
બેનીના વિવાહ આદર્યા.
માસી વીનવીએ તમને,
નવલા ઝવેરી તેડાવજો,
ઝવેરી તેડાવજો ને ઘરેણાં ઘડાવજો,
બેનીના વિવાહ આદર્યા.
વીરા વીનવીએ તમને,
મોંઘેરા મહેમાનો તેડાવજો,
મોંઘેરા મહેમાનો એ શોભે માંડવડો,
બેનીના વિવાહ આદર્યા.
મામા વીનવીએ તમને,
નવલાં ચૂડો પાનેતર લાવજો,
ચૂડો પાનેતર આપણી વ્હાલી બેનને સોહે,
બેનીના વિવાહ આદર્યા.
Most Popular
Interactive Games
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
