મારે તે આંગણે આંબો મ્હોરિયો,
આંબલિયાના બહોળા તે પાન કે લીલુડા વનનો પોપટો.
ત્યાં બેસી પોપટ રાણો ટહુકિયા,
જગાડ્યા ત્રણે ય વીર કે લીલુડા વનનો પોપટો.
મેડિયું માયલા મોટાભાઈ જાગિયા,
અમારી મોટી તે વહુના કંથ કે લીલુડા વનનો પોપટો.
ઓરડા માયલા વચેટભાઈ જાગિયા,
અમારી વચલી તે વહુના કંથ કે લીલુડા વનનો પોપટો.
ઓસરી માયલા નાનાભાઈ જાગિયા,
અમારી નાની તે વહુના કંથ કે લીલુડા વનનો પોપટો.
ત્રણેએ તો જાગીને શું કરીયું ?
રાખ્યો મારા માંડવડાનો રંગ કે લીલુડા વનનો પોપટો.
મારે તે આંગણે લીમડો ફાલિયો,
લીમડાના પાંખેરાં પાન કે લીલુડા વનનો કાગડો !
ત્યાં બેસીને કાગો રાણો કળકળ્યા,
ઓટલે સૂતા જમાઈ જાગિયા, લીલુડા વનનો કાગડો !
જાગીને જમાઈએ શું કરીયું ?
જાગી ઠાલાં ફડાકા મારિયા, લીલુડા વનનો કાગડો !
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.