મારો માંડવો રઢિયાળો, લીલી પાંદડીએ છવરાવો માણારાજ,
લીલી પીળી માંડવાની છાંય માણારાજ.
વીરને માતા જોઈએ તો તેની માતા(માતાનું નામ બોલવું)ને તેડાવો માણારાજ,
લાડેકોડે ભાઈ(વરનું નામ બોલવું)ને પરણાવો માણારાજ.
મારો માંડવો રઢિયાળો, લીલી પાંદડીએ છવરાવો માણારાજ,
લીલી પીળી માંડવાની છાંય માણારાજ.
વીરને બાપુ જોઈએ તો બાપુ(પિતાનું નામ બોલવું)ને તેડાવો માણારાજ,
લાડેકોડે દીકરો પરણાવો માણારાજ.
મારો માંડવો રઢિયાળો, લીલી પાંદડીએ છવરાવો માણારાજ,
લીલી પીળી માંડવાની છાંય માણારાજ.
વીરને બેની જોઈએ તો બેની(બહેનનું નામ બોલવું)ને તેડાવો માણારાજ,
લાડેકોડે વીરાને પરણાવો માણારાજ.
મારો માંડવો રઢિયાળો, લીલી પાંદડીએ છવરાવો માણારાજ,
લીલી પીળી માંડવાની છાંય માણારાજ.
વીરને બનેવી જોઈએ તો બનેવી(બનેવીનું નામ બોલવું)ને તેડાવો માણારાજ,
લાડેકોડે વીરા(વરનું નામ બોલવું)ને પરણાવો માણારાજ.
મારો માંડવો રઢિયાળો, લીલી પાંદડીએ છવરાવો માણારાજ,
લીલી પીળી માંડવાની છાંય માણારાજ.
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.