મોસાળા આવિયાં (મોસાળું)
November 08 2019
vonsifloal vonsifloal
ઊંચી ચડે ને નીચી ઊતરે રે, બેની જુએ વીરાજીની વાટ,
નણંદે તે દીધું મેણલું રે, ભાભી ન આવ્યો તમારો વીર,
કસરે છૂટે ને વેણ મોકળી રે, આંસુએ ભીંજવ્યા છે ચીર,
દિયરે દીધી વધામણી રે, ભાભી આવ્યો તમારો વીર.
કસરે બાંધી ને વેણ ચોસરી રે, હૈયૈ હરખ ન માય,
મોસાળા આવિયાં.
ઝબક્યાં તે વેલના કાંગરાં રે, ઝબક્યાં ધોરીડાના શીંગ,
મોસાળા આવિયાં.
ઝબકી વીરાની પાઘડી રે, ઝબક્યાં ભાભીના ચીર,
મોસાળા આવિયાં.
ઝબક્યો મોતીજડ્યો મોડિયો રે, ઝળહળી મોસાળાની છાબ,
મોસાળા આવિયાં.
ઘડ રે લુહાર, ઘડ દીવડો, હું તો મેલીશ માંડવા હેઠ,
મોસાળા આવિયાં.
ઢાળો રે માંડવડે ઢોલિયા રે, હું તો બેસીશ વીરાજીની જોડ,
મોસાળા આવિયાં.
વીરો મોસાળા લાવિયો રે, વીરો વરસ્યો છે માંડવા હેઠ,
મોસાળા આવિયાં.
ભાભીએ મોસાળાની છાબ ભરી, બેની વધાવો તમે છાબ,
મોસાળા આવિયાં.
Most Popular
Interactive Games
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
