વર તો પાન સરીખા પાતળા (જાન પહોંચે ત્યારે ગવાતું ગીત)
November 09 2019
GL Team
વર તો પાન સરીખા પાતળા રે,
વરના લવિંગ સરખા નેણ રે,
વરરાજા, તમારી તોલે કોઈ ના આવે રે.
વર તો સીમડીએ આવ્યા મલપતા રે,
હરખ્યા હરખ્યા ગામડિયાના મન રે,
વરરાજા, તમારી તોલે કોઈ ના આવે રે.
વર તો સરોવરિયે આવ્યા મલપતા રે,
હરખ્યા હરખ્યા પાણિયારિયુંના મન રે,
વરરાજા, તમારી તોલે કોઈ ના આવે રે.
વર તો શેરીએ આવ્યા મલપતા રે,
હરખ્યા હરખ્યા પાડોશીના મન રે,
વરરાજા, તમારી તોલે કોઈ ના આવે રે.
વર તો માંડવે આવ્યા મલપતા રે,
હરખ્યા હરખ્યા સાસુજીના મન રે,
વરરાજા, તમારી તોલે કોઈ ના આવે રે.
વર તો માયરે આવ્યા મલપતા રે,
હરખ્યા હરખ્યા લાડલીના મન રે,
વરરાજા, તમારી તોલે કોઈ ના આવે રે.
Most Popular
Interactive Games
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
