નાનુભાઈના ગોરી મારે ગરબે રમવા આવો જો,
હું કેમ આવું એકલી રાતલડી અંધારી જો.
રાતલડી અંધારીમાં શેરી કાંટા વાગે જો,
શેરી કાંટા વાગે તો પગના ઝાંઝર ઝમકે જો.
પગના ઝાંઝર ઝમકે તો નણદી સૂતા જાગે જો,
નણદી સૂતા જાગે તો બે લાડુડી માંગે જો.
બે લાડુડી માંગીને ભરી કોઠીમાં નાખે જો,
ભરી કોઠીમાં નાખે તો ભરભર ભૂકો થાય જો.
ભરભર ભૂકો થાય તો છોકરાં વીણી ખાય જો,
છોકરાં વીણી ખાય તો ઝટઝટ મોટાં થાય જો!
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં