હાલાં રે વાલા મારા ભઈલાને, હાં…હાં…હાં…હાં
ભઈલો મારો ડાહ્યો, પાટલે બેસી નાહ્યો,
પાટલો ગયો ખસી, ભઈલો પડ્યો હસી,
હાલાં રે વાલા મારા ભઈલાને, હાં…હાં…હાં…હાં
ભાઈ મારો છે સાગનો સોટો,
આવતી વહુનો ચોટલો મોટો,
ભાઈ મારો છે વણઝારો,
એને શેર સોનું લઈ શણગારો,
હાલાં રે વાલા મારા ભઈલાને, હાં…હાં…હાં…હાં
હાલાં રે વાલા મારી બેનડીને, હાં…હાં…હાં…હાં
બેની મારી છે ડાહી, પાટલે બેસીને નાહી
પાટલો ગયો ખસી, બેની પડી હસી
હાલાં રે વાલા મારી બેનડીને, હાં…હાં…હાં…હાં
બેની મારી છે લાડકી
લાવો સાકર ઘીની વાડકી
ખાશે સાકર ઘી મારી બેની
ચાટશે વાડકી મ્યાંઉ મીની
હાલાં રે વાલા મારી બેનડીને, હાં…હાં…હાં…હાં
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.