મનની ધારણા; ઇરાદો; હેતુ (2) નo સ્થાન (3) પાત્ર (4) કરેલાં કર્મોના સંસ્કાર કે તેમનો સમૂહ

આધાર; આશરો; જગ્યા; ઠેકાણું; સ્થળ; સ્થાન. સમાસનો છેડે પણ તે વપરાય છે. જેમકે, મૂત્ર + આશય = મૂત્રાશય; જલ + આશય = જલાશય.

આરામ લેવાની જગ્યા; વિશ્રામસ્થાન.

ઇચ્છા; મરજી.

ઉદ્દેશ; ભાવાર્થ; હેતુ; મુદ્દો; અર્થ; કારણ; મતલબ; ઇરાદો.

કબજો; મિલ્કત.

કરેલાં કર્મોનો વાસનારૂપ જથ્થો.

કુંડ; ટાંકું; તળાવ; હોજ.

કોઠાર; ભંડાર; સંગ્રહ.

જઠર; હોજરી.

નસીબ; ભાગ્ય.

પથારી.

પશુને પકડવાનો ખાડો.

ફણસનું ઝાડ.

મન; ચિત્ત.

વાસણ; પાત્ર; ઠામ.

વૈભવ; આબાદી.

શયન; સૂવું તે.

શરીરના દોષ, ધાતુ અને મળ વગેરેના આધારરૂપ છ અવયવ: વાત, પિત્ત, શ્લેષ્મ, રક્ત, આમ અને પકવ. તેને લીધે શરીરનાં બધાં કામ નિયમ પ્રમાણે ચાલ્યા કરે છે. આશયો અને તેના સહાયભૂત નાના અવયવો શારીરયંત્ર નામે ઓળખાય છે. આશયના બે પ્રકાર: સગર્ભ એટલે પોલાણવાળા અને અગર્ભ એટલે પોલાણ વીનાના. અમુક મત પ્રમાણએ આશયના ત્રણ પ્રકાર : ૧. મહાગર્ભ એટલે મોટા પોલાણવાળા. જેમકે, આમાશય; પક્વાશય; મૂત્રાશય; ગર્ભાશય. ૨. ક્ષુદ્રગર્ભ અથવા ઓછા પોલાણવાળા. જેમકે, વૃક્કો; મસ્તિષ્ક; બન્ને ફેફસાં. ૩. અગર્ભ અથવા પોલાણ વિનાના. જેમકે, કાળજું; પ્લીહા.

સૂવાનો ઓરડો; શયનગૃહ.

( બૌદ્ધ ) “હું“ “હું“ એવું કેવળ પોતાના સ્વરૂપ માત્રનું પ્રકાશ કરનારૂં જ્ઞાન.

અદૃષ્ટ; દેખાય નહિ એવું.

લોભિયું; કંજૂસ.