કર્યો અંગમાં અતિ ઉત્પન્ન, મોહ મે`ર ટાળીને. – પ્રેમાનંદ

૧. અછો અછો કરવું-ઘણાં વાનાં કરવાં = (૧) ઘણી બરદાસ કરવી. (૨) દાબવું; દબાણ કરવું. (૩) વહાલથી રમાડવું; મોંએ ચડાવવું.
૨. કર અને જો-કરવું તેવું પામવું ને વાવવું તેવું લણવું-કરવું તેવું ભરવું-કરશે તે ભરશે ને પોંકશે તે પસ્તાશે-કરીએ તેવું પામીએ = જેવાં કર્મ તેવાં ફળ; ભલા કરેગા ભલા હોયગા.
૩. કરતા હો તે કરો ને છાશની દોણી ભરો-કરતા હોય સો કરીએ ને છાશની દોણી ભરીએ-કરતા હોય સો કીજીએ ઓર ન કરીએ કામ = પોતાના હિતનું કરવાનું કામ હોય તે જ કરવું અને બીજાના કામમાં માથું મારવું નહિ.
૪. કરતો કારવતો પુરુષ = કુટુંબનો મુખ્ય માણસ; જેનું હલણચલણ હોય તે પુરુષ.
૫. કરના સો ડરના નહિ, ડરના સો કરના નહિ-કરવું તો ડરવું નહિ અને ડરવું તો કરવું નહિ = કાં તો કરવું નહિ, અને જો કરવું તો તે કામ પાર ઉતારવું; હિંમત સો હથિયાર.
૬. કરવા ગયા કંસાર ને થઇ ગઇ થૂલી = ધાર્યું હતું તેથી ઊલટું થઇ ગયું; કામ બગડી ગયું.
૭. કરી લેવું = (૧) અગાઉથી બજાવવું; આગળથી કરી લેવું. (૨) પોતાનું હોય એમ કરવું.
૮. કરે ચાકરી તો પામે ભાખરી-કરે તે પામે-કરેગા સો પાવેગા = મહેનત વગર નફો મળતો નથી.
૯. કરે હાથે ને વાગે માથે = હાથનાં કર્યા હૈયે વાગે; ખાડો ખોદે તે જ પડે; આપણાં કામ આપણને જ નડે; કોઇનું ભૂંડું કરતાં પોતાનું ભૂંડું થાય.
૧૦. કર્યાં કરમ ભોગવવાં પડશે = આપણાં કામનાં ફળ આપણે જ ભોગવ્યા વિના છૂટકો નથી.
૧૧. કર્યું એ કામ ને વીંધ્યું એ મોતી = આજ જેવી કાલ નથી; અગમચેતી સૌથી ભલી.
૧૨. કર્યું તે ખરૂં ને કરશું તે ખોટું = આજની વાત કાલ ઉપર ન રાખવી.
૧૩. કર્યું પણ શેકી વાળ્યું = પોતાની ઇચ્છા વિરુદ્ધ કામ કર્યું.
૧૪. કર્યું ભગાના જેવું-કર્યું ભગાના ભાઇ જેવું = કામ બગાડી નાખ્યું.