એક દેશી રમત. તે રમતાં દરેકમાં છ થી આઠ છોકરા હોય તેવી જરૂર જેટલી ટોળી પાડવી. દરેક ટોળીમાં ઊંચો છોકરો સૌથી આગળ રહે. બીજા ઊંચાઇના ઊતરતા ક્રમ પ્રમાણે પાછળ ઊભા રહે. છોકરાના પગ છૂટા છૂટા જરા દૂર દૂર રાખવા. તૈયારીનો હુકમ મળે કે પહેલો છોકરો નીચો વળીને પોતાના પગ વચ્ચેથી પોતાનો જમણો હાથ પાછળ લઇ પાછલા છોકરાનો ડાબો હાથ પકડે. તે પછીનો બીજો છોકરો તે જ પ્રમાણે નીચો વળી પોતાના જમણા હાથથી પાછળના છોકરાનો ડાબો હાથ પકડે. એ રીતે છેવટના છોકરા સુધી બધા હાથ પકડીને ઊભા રહે. સિસોટી થતાં જ છેવટનો છોકરો પોતાના બંને પગ જોડી દઇને જમીન ઉપર ટટાર ચત્તો સૂઇ જાય અને તેમના ઉપરનો નજીકનો છોકરો તેની બંને બાજુએ પોતાના પગ પાછળ લઇ ને તેની બરાબર પાછળ તે જ પ્રમાણે સૂઇ જાય. એ રીતે બધા સૂતા જાય અને સૌથી છેલ્લો છોકરો પણ બધાની પાછળ જઈ ને સૂઇ જાય. ફરીથી પહેલો ઊઠીને આગળ આવે અને તેની પાછળ પાછળ બાકીના બધા જેમ સૂઈ ગયા તેમ ઊઠીને પાછા પોતાની જગ્યાએ આવી ઊભા રહે અને પ્રથમની પેઠે જ હાથ પકડતા જાય. આ રીતે જે ટોળી પોતાની મૂળ જગ્યાએ પહેલી આવીને ઊભી રહે તે જીતી ગણાય.

કમખો; કંચુકી; ચોળી; સ્ત્રીઓની છાતી ઢંકાય એમ પહેરવાનું સીવેલું કપડું; કાપડું.

ખોળ; જીર્ણ ચામડીનું પડ.

સીતાજી સંબંધી એ નામનું કાવ્ય. બૈરાંઓ ધોળમાં સીતાજીની કાંચળી બોલે છે.