કાગળ

Home » Gujarati to Gujarati Translation » કાગળ

વ્યાકરણ :

પું○

વ્યુત્પત્તિ :

અર્થ :

વાંસ, ઘાસ, ચીંથરાં વગેરેનો માવો બનાવી એમાંથી તૈયાર કરવામાં આવતો લેખન, છાપકામ વગેરે માટેનો પત્રાકાર પદાર્થ, કાગદ. (૨) ટપાલી પત્ર. (૩) વહીવટી તુમાર. (૪) દસ્તાવેજ, ખતપત્ર. (૫) શેર અથવા લોનનો પત્ર

Showing Results from :

ક્રમાંક	વ્યુત્પત્તિ	વ્યાકરણ	અર્થ
1		પું○	વાંસ, ઘાસ, ચીંથરાં વગેરેનો માવો બનાવી એમાંથી તૈયાર કરવામાં આવતો લેખન, છાપકામ વગેરે માટેનો પત્રાકાર પદાર્થ, કાગદ. (૨) ટપાલી પત્ર. (૩) વહીવટી તુમાર. (૪) દસ્તાવેજ, ખતપત્ર. (૫) શેર અથવા લોનનો પત્ર

ક્રમાંક	વ્યુત્પત્તિ	વ્યાકરણ	અર્થ
1		પુંo	કાગજ; વાંસ, ઘાસ, ધાગા ઇoમાંથી કરાતી લખવા વગેરેના કામની એક બનાવટ (2) પત્ર; પત્રિકા

ક્રમાંક	વ્યુત્પત્તિ	વ્યાકરણ	અર્થ
1	[ ફા. કાગદ ]	पुं.	ચીથરાંને કોહાવ્યા બાદ કૂટીને તેમાંથી અથવા ઘાસના તાંતણામાંથી અથવા લાકડાના માવામાંથી બનાવેલ સફાઇદાર કોરાં પતરાં. મુસલમાનો હિંદમાં આવ્યા પછી આ શબ્દ કાગજ ઉપરથી ગુજરાતી ભાષામાં દાખલ થયો. તે પહેલાં તાડપત્ર ઉપર લખાણ થતું, ઘણું કરીને મિસર, ચીન અને જપેનમાં પહેલવહેલો કાગળ બનાવવામાં આવ્યો હતો. મિસરમાં પેપીરસ નામનો એક છોડ થાય છે તેમાંથી કાગળ બનાવવામાં આવતો. ચીના લોકોના મત પ્રમાણે રૂ અને બીજા વનસ્પતિના તાંતણામાંથી કાગળ બનાવવાની શરૂઆત ઇ.સ. પૂર્વે બીજા સૈકામાં થઇ હતી. યરપમાં કાગળ બનાવવાનો હુન્નર મૂર લોકોએ દાખલ કર્યો હતો અને કાગળ પહેલવહેલો સ્પેનમાં શુમારે અગિયારમા સૈકામાં રૂના રેસામાંથી બનાવવામાં આવ્યો હતો. તે પછી તે હુન્નર જર્મનિ, ફ્રાન્સ અને ઇટલિમાં દાખલ થયો. ઇંગ્લંડમાં આ હુન્નર ઇ.સ. ૧૪૯૫માં અને સ્કોટલંડમાં ૧૬૮૫માં દાખલ થયો. અત્યાર સુધી કાગળ મુખ્યત્વે કરીને લૂગડાનાં ચીથરાંમાંથી બનાવવામાં આવતા; પણ ૧૮૬૦થી એસ્પાર્ટો નામનું ઘાસ, પરાળ, લાકડાનો માવો વાપરવા લાગ્યાં. હવે ચારસો જાતનાં લાકડાં તથા ઘાસ કાગળ બનાવવા માટે વપરાય છે. મિસર અને સિરિઅમાં આસમાની કાગળ શોક બતાવવા માટે વપરાતો. ફાંસી દેવાના હુકમો પણ એ જ રંગના કાગળોમાં આપતા. રાતો કાગળ સુખ અને સારા નસીબની નિશાનીવાળો ગણાતો. કોઇક જ મોટા માણસને ખલીફ કે સુલતાન ઉપર કાગળ લખવા માટે રાતા કાગળની છૂટ દેવામાં આવતી. આછા જાંબુડિયા રંગનો કાગળ રાજાઓ જ કાગળ લખવામાં વાપરતા, કારણ કે તે રંગ રાજ્યરંગ તરીકે ગણાતો, પીળા કાગળ સાધુઓ અને સરદારો વાપરતા. હિંદુસ્તાનમાં સંવત ૧૨૦૦ લગભગ કાગળ વપરાતા થયા. તે પહેલાં ગ્રંથલેખન માટે મુખ્ય સાધન તાડપત્રો જ હતાં.
2		पुं.	તુમાર.
3		पुं.	દસ્તાવેજ; ખત.
4		पुं.	પત્ર; પત્રિકા. રૂઢિપ્રયોગ ૧. કાગળ કરવો = (૧) છૂટાછેડા કરવા. (૨) લખાણું કરવું. (૩) સ્ત્રીને મૂકી દેવી. ૨. કાગળ ફોડવો = (૧) કાગળમાં લખેલી વાત જાહેર કરવી. (૨) પરબીડિયું ફાડી કાગળ કાઢવો. ૩. કાગળ બીડવો = (૧) કાગળ ચોડવો. (૨) કાગળ મોકલવો. ૪. કાગળ માગવો = ભલામણપત્ર કે ઓળખાણપત્ર માગવો. ૫. કાગળ લખવો = (૧) કાગળ મોકલવો. (૨) પત્ર લખવો. ૬. કાગળ લાવવો = ભલામણ લાવવી. ૭. કાગળની કોથળી = બહુ નાજુક વસ્તુ. ૮. કાગળની કોથળીમાં ઢબુઆ ભરવા = હલકા પાત્રને ઊંચે ચડાવવું. ૯. કાગળની હોડીથી દરિયો ન તરાય = જેવું કામ તેવાં સાધન જોઇએ. ૧૦. કાગળે ચડવું = (૧) પ્રસિદ્ધ થવું; જાહેરમાં આવવું. (૨) મરણના સમાચાર આવવા.
5		पुं.	ફોર્મોસા ટાપુમાં થતું એક જાતનું ઝાડ. તેનાં પાન પોપૈયાનાં પાન જેવાં અને ધોળાશ પડતા લીલા રંગનાં હોય છે. ચીનમાં તેને તંગત્સૌ કહે છે. તે કદે નાનું અને એક જ ડાંખળીનું હોય છે. ફૂલ આવ્યા પછી તે બે ત્રણ ડાંખળીમાં વહેંચાઇ જઇ ૨૦ થી ૩૦ ફૂટ ઊંચું થાય છે. આ ઝાડનો માવો કાગળ બનાવવામાં વપરાય છે. આવા કાગળનાં ફૂલ વગેરે બનાવાય છે.
6		पुं.	લખાણ.
7		पुं.	શેર અથવા લોનનો કાગળ.
8		पुं.	હૂંડી લખી આપનાર તરફનો ચોથા તબક્કાનો દસ્તાવેજ; હૂંડી, પેંઠ અને પરપેંઠ ગેરવલ્લે જતાં લખાતું લખાણ. હૂંડી લખી આપનાર પ્રથમ લખી આપે તે હૂંડી કહેવાય. તે ગેરવલ્લે જતાં લખી આપે તે પેંઠ, તે પણ ગેરવલ્લે જાય તો લખી આપે તે પરપેંઠ કહેવાય. આ પ્રમાણે હૂંડી, પેંઠ અને પરપેંઠ ખોવાઇ જાય, ચોરાઇ જાય, મળે નહિ, ફાટી જાય અથવા નાશ થાય અને હૂંડી, પેંઠ અને પરપેંઠનાં નાણાં મળી શકે તેમ ન હોય તો હૂંડી લખનાર હૂંડી, પેંઠ અને પરપેંઠમાં લખેલી વિગત સાથે ચોથો દસ્તાવેજ લખી આપે તે કાગળ કહેવાય.

Other Results :

Interactive Games

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Hang Monkey

9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.

Whats My Spell

રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Latest Ebook

બુદ્ધ અને તેનો ધમ્મ – ભાગ 6

‘બુદ્ધના સમકાલીન’ એવા શીર્ષક હેઠળ આ છઠ્ઠા ખંડમાં બુદ્ધના સમયમાં જે રાજાઓ અને અન્ય લોકો હતા જે ધમ્મના અનુયાયી થયા. તેમનો અને બુદ્ધ વચ્ચે થયેલો સત્સંગ વીશે જાણકારી મળે છે.

બુદ્ધ અને તેનો ધમ્મ – ભાગ 5

દુનિયાનો એક માત્ર ‘ભીખ્ખુસંઘ’ કેવી રીતે એકસૂત્રતાને તાંતણે બંધાઈને કાળના પ્રવાહમાં અડીખમ ઊભો છે તેની અત્યંત સરળ શૈલીમાં તથાગત બુદ્ધે કરેલી દેશના સમાવતો મૂલ્યવાન ગ્રંથ એટલે બુદ્ધ અને તેનો ધમ્મ.

બુદ્ધ અને તેનો ધમ્મ – ભાગ 4

ડૉ. ભીમરાવ આંબેડકર લિખિત માનવતાના દસ્તાવેજસમા ‘બુદ્ધ અને તેમનો ધમ્મ’ ગ્રંથનો ‘ઇ.ધમ્મગ્રંથ-4’માં બુદ્ધના ઉપદેશનું સૌથી મૂલ્યવાન વૈચારિક ધન સંગોપાયેલું છે તેનું આચમન કરીને ધમ્મના માર્ગે આગળ વધવા સૌને પ્રેરણા મળશે.

Recent Blog

કારતક માસના તહેવારો (Festival of Kartik)

હિન્દુ ધર્મમાં મોટાભાગના તહેવારો (festival) સાથે કોઈને કોઈ કથા સંકળાયેલી જોવા મળે છે અને તે કારણે તહેવારનું ધાર્મિક મહત્ત્વ વધી જાય છે. For example, હાલમાં જ પ્રકાશનો તહેવાર દિવાળી(diwali)ની ઉજવણી થઈ. પરંતુ અષાઢ મહિનામાં આવતી દેવપોઢી અગિયારસથી લઈને કારતિક સુદ અગિયારસના રોજ આવતી દેવ ઊઠી અગિયારસ વચ્ચે મોટેભાગે યજ્ઞોપવીત સંસ્કાર, લગ્ન, દીક્ષાગ્રહણ, યજ્ઞ, ગૃહપ્રવેશ જેવા […]

Maitri shah

October 27 2025

માતૃભાષા અને રતિલાલ ચંદરયા (Ratilal Chandaria)

શીખવ્યા વગર જ જે આવડી જાય તે માતૃભાષા. કોઈપણ બાળક જન્મે અને થોડું ઘણું બોલવાનું શીખે ત્યારે એના મોંમાથી પહેલો શબ્દ નીકળે એ હોય છે મા અથવા મમ એટલે કે ખાવાનું. વળી આપણે બાળકને સૂવડાવવા માટે જે ગીત કે હાલરડાં ગાઈએ છીએ તે પણ આપણે ગુજરાતીમાં જ ગાઈએ છીએ અંગ્રેજી ગીતો નથી ગાતા. આમ બાળકને […]

Maitri shah

February 20 2024

ઓગણીસ કલ્યાણકો ધરાવતી પાંચ તીર્થંકરોની પરમ પાવન જન્મભૂમિ – અયોધ્યા (Ayodhya)

હિંદુ ધર્મ અને જૈન ધર્મનાં તાણાવાણા એકબીજા સાથે પ્રગાઢ રીતે સંકળાયેલા છે. રામજન્મભૂમિ (Ram Mandir) તરીકે અયોધ્યા (ayodhya) નગરી મહાતીર્થનું ગૌરવ પામી છે, તો એ જ રીતે જૈન ધર્મના ચોવીસ તીર્થંકરોમાંથી પાંચ-પાંચ તીર્થંકરોનો જન્મ આ અયોધ્યાની પાવન ભૂમિ પર થયો છે. જૈન ધર્મમાં ચોવીસ તીર્થંકરોમાંથી પાંચ-પાંચ તીર્થંકરોનાં કલ્યાણકો અહીં આવ્યાં છે. દરેક તીર્થંકરના જીવનની ચ્યવન(માતાના […]