૧. કાન ખાઇ-પી જવો = બંદૂક કે ગડદિયાનો અવાજ ન થવો; ફૂટે નહિ એવું થવું.
૨. કાન પાવો = બંદૂક કે ગડદિયાના કાન ઉપર દારૂ ભરવો.

૧. આંખ આડે કાન કરવો = (૧) જાણી જોઇને જતું રહેવું (૨) ધ્યાનમાં ન લેવું.
૨. કાન આમળવા = (૧) કાન ખેંચવા. (૨) ઠપકો આપવો.
૩. કાન આવવા = (૧) સમજવું. (૨) સાંભળવાની શક્તિ આવવી.
૪. કાન આવવું = સાંભળવામાં આવવું.
૫. કાન ઉઘાડવા = (૧) ખરી વાત સમજાવવી. (૨) ચેતાવવું. (૩) ઠપકો આપવો.
૬. કાન ઉમેળવા = (૧) કાન ખેંચવા; કાન તાણવા. (૨) ઠપકો અથવા શિખામણ આપવી.
૭. કાન ઊઘડવા = અક્કલ આવવી; જાગૃત થવું; જાણવું; સમજવું.
૮. કાન ઊભા કરવા = (૧) ઊંઘ ઉડાડવી. (૨) ધ્યાનપૂર્વક સાંભળવું. (૩) સાવધ થવું.
૯. કાન ઊંચા કરવા = સાંભળવા માટે આતુરતા બતાવવી.
૧૦. કાન ઊંચા થવા = સતેજ બનવું.
૧૧. કાન કરડવા = (૧) ઘુસપુસ કરવું; છાનીછાની એકબીજાની કાન પાસે રાખી વાત કરવી. (૨) ચાડી ખાવી. (૩) સંતલસ કરવી.
૧૨. કાન કરવા = કાન પટપટાવવા.
૧૩. કાન કાપવા = (૧) જીતી જવું; ચડિયાતા થવું. (૨) ટક્કર મારવી; હરાવવું. (૩) ઠગવું; નુક્સાન કરી છેતરી જવું.
૧૪. કાન ખડા કરવા = (૧) સચેત કરવું. (૨) સચેત હોવું.
૧૫. કાન ખડા થવા = ભયભીત થવું.
૧૬. કાન ખડે થવા = સાવચેત થવું.
૧૭. કાન ખાવા = (૧) કાનમાં અવાજ કરવો. (૨) ખીજવવું; ચીડવવું.
૧૮. કાન ખાવો = બહુ વાતો કરવી; વાતો કરી કંટાળો ઉપજાવવો.
૧૯. કાન ખેંચવા = કાન તાણવા.
૨૦. કાન ખોતરવા = (૧) કાનમાંથી મેલ કાઢવો. (૨) ખુશામત કરવી.
૨૧. કાન ખોલવા = ચેતવણી આપવી; ભાન કરાવવું.
૨૨. કાન ગુંગ થવો = થોડા બહેરા બનવું.
૨૩. કાન ઘણા હોવા = (૧) જુદા જુદા માણસોની હકીકત સાંભળી વિચાર ઉપર ચડી જવું. (૨) બહુ ભોળા થવું.
૨૪. કાન ઘરેણે મૂકવા = જાણી જોઇને બહેરા થવું; બેદરકારીથી ન સાંભળવું.
૨૫. કાન ચીમટવા-ચીમળવા-મચડવા-મરડવા = (૧) ચેતાવવું; બોધ આપવો. (૨) ઠપકો દેવો. (૩) શિક્ષા કરવી. (૪) સુધારવું.
૨૬. કાન ચોળીને ભાગી જવું = અપશબ્દો સાંભળવા ઊભું ન રહેવું.
૨૭. કાન જગાવવા = ખરૂં જ્ઞાન અપાવવું; ભાન કરાવવું.
૨૮. કાન ઝાલવા = ભૂલ કબૂલ કરવી.
૨૯. કાન ઝૂકાવવા = સાંભળવાને ઇચ્છવું.
૩૦. કાન ઢાળ થઇ પડ્યું = લક્ષ્ય ન આપવું; ધ્યાન ન બતાવવું.
૩૧. કાન તલેકી હવા છોડવી = (૧) કડવી બાબત કહેવી. (૨) છૂપી વાત બહર પાડવી.
૩૨. કાન તળે-નીચે કાઢી નાખવું = ધ્યાનમાં ન લેવું; ન ગણકારવું; સાંભ્યું ન સાંભળ્યું કરવું.
૩૩. કાન દઇને–ધરીને સૂણવું = ધ્યાનપૂર્વક સાંભળવું.
૩૪. કાન દબાવવા = (૧) નવાઇ પામવું. (૨) સાંભળવું નહિ.
૩૫. કાન દબાવીને ચાલ્યા જવું = છાનુંમાનું નાસી જવું.
૩૬. કાન દેવા-ધરવા-માંડવા = ધ્યાનથી સાંભળવું; વાત કરનાર જાણે નહિ તેમ સાંભળી લેવું.
૩૭. કાન ન હલાવવો = (૧) અધીન હોવું. (૨) મુંગું રહેવું; ચૂપ રહેવું.
૩૮. કાન પકડવા-વો = (૧) કબૂલ કરવું. (૨) કાન ઝાલીને શિક્ષા કરવી. (૩) કાન હાથમાં લેવો. (૪) કોઇનું ઉપરીપણું સ્વીકારવું. (૫) તોબા પોકારવા.
૩૯. કાન પકડાવવો = (૧) કબૂલ કરાવવું. (૨) પસ્તાવો કરાવવો. (૩) ભૂલ દેખાડવી.
૪૦. કાન પકડી કાઢી મૂકવું = અપમાન કરી હાંકી કાઢવું.
૪૧. કાન પકડી જવું = અજાયબ થવું; આશ્ચર્ય પામવું.
૪૨. કાન પકડીને ઉઠાડવું બેસાડવું = (૧) કાન ઉપર હાથ રખાવી ઉઠાડવા બેસાડવાની શિક્ષા કરવી. (૨) પૂરેપૂરા કાબૂ નીચે રાખવું.
૪૩. કાન પડ્યો અવાજ ન સંભળાવો = આસપાસના ઘણા અવાજથી સાંભળી ન શકાવું.
૪૪. કાન પર જૂ ન ચાલવી = (૧) અસર ન થવી. (૨) ધ્નાન ન આપવું.
૪૫. કાન પર રાખવું = (૧) છોડી દેવું. (૨) દૂર રહેવું. (૩) યાદ રાખવું.
૪૬. કાન પર હાથ ધરવો-રાખવો = ઇન્કાર કરવો; અજાણપણું જાહેર કરવું.
૪૭. કાન પર હાથ મૂકવા = અજાણપણું બતાવવું; અસ્વીકાર કરવો.
૪૮. કાન ફડફડાવવા = (૧) ઊંઘ ઊડવી; જાગૃત થવું. (૨) કૂતરાએ કાન હલાવી ફટફટ અવાજ કરવો.
૪૯. કાન ફૂટવા-ફૂટી જવા = (૧) બહેરા થઇ જવું. (૨) બહેરા હોવું.
૫૦. કાન ફૂંકવા = (૧) ઉપદેશ કરવો. (૨) દીક્ષા દેવી. (૩) ભંભેરવું; ઉશ્કેરવું.
૫૧. કાન ફોડવા = (૧) બહુ તાણીને બોલવું. (૨) બહેરૂં અથવા બહેરા જેવું કરવું.
૫૨. કાન બહેર મારી જવો = રોગથી કે મોટા અવાજથી બહેરાપણું આવવું.
૫૩. કાન બહેરા કરવા = દુર્લક્ષ આપવું; ધ્યાન ન આપવું.
૫૪. કાન ભરવા-ભંભેરવા = (૧) ઉશ્કેરવું; સાચુંખોટું સમજાવવું (૨) ચાડી ખાવી. (૩) ભંભેરવું; ભમાવવું.
૫૫. કાન મૂકવો = ચોરીછૂપીથી સાંભળવું.
૫૬. કાન લગાડવા = ધ્યાન દેવું.
૫૭. કાન લાગવો = કોઇના વિશ્વાસમાં આવવું.
૫૮. કાન વહેવો = કાનમાંથી પરૂ નીકળવું.
૫૯. કાન વિનાનું = બહેરૂં.
૬૦. કાન વીંધવા = (૧) દાગીના પહેરવા માટે કાનમાં કાણાં પાડવાં. (૨) વશ કરવું. પહોંચી વળવું.
૬૧. કાન વીંધી નાખવા = (૧) કાનમાં જબરી અસર કરવી. (૨) ચાલાકીથી છેતરી જવું.
૬૨. કાન સૂના થવા = કાન બહેર મારી જવા.
૬૩. કાન સોંસરવું નીકળવું = હ્રદયમાં ઘણી અસર કરવી.
૬૪. કાન હોવા = સમજવું; અનુભવ મળવો.
૬૫. કાનના કીડા ખરવા = રોમાંચ ઊભાં થવાં; કમકમાટી ઉત્પન્ન થવી.
૬૬. કાનની બૂટ પકડવી = (૧) બોધ લેવો. (૨) ભૂલ કબૂલ કરવી.
૬૭. કાનનું કાચું = (૧) કોઇના કહેવા ઉપર વિચાર કર્યા વગર વિશ્વાસ કરનારૂં. (૨) થોડું બહેરૂં.
૬૮. કાનપટ્ટી પકડાવવી = (૧) ભૂલ દેખાડી કબૂલ કરાવવી. (૨) શિક્ષા કરવી.
૬૯. કાનમાં આંગળી ઘાલવી-નાખવી = ન સાંભળવું.
૭૦. કાનમાં આંગળી દઇ રાખવી = જાણી જોઇને ન સાંભળવું.
૭૧. કાનમાં ઊકળતું તેલ રેડવું = કમકમાટી ઉપજાવવી; કંપાવવું; ધ્રુજાવવું.
૭૨. કાનમાં કહેવું = (૧) છાની વાત કરવી; બીજો કોઇ ન સાંભળે તેમ વાત કરવી. (૨) તરત અસર કરવી.
૭૩. કાનમાં કીડા ખદબદવા = રોમાંચ ખડાં થવાં; કમકમાટી ઊપજવી.
૭૪. કાનમાં ઠેંટિયા થવું = (૧) કાનમાં મેલ હોવો. (૨) બહેરૂં હોવું.
૭૫. કાનમાં તેલ નાખવું = ન સાંભળવાનો ઢોંગ કરવો.
૭૬. કાનમાં તેલ નાખીને સૂઇ રહેવું = બેદરકાર હોવું.
૭૭. કાનમાં નાખવું = કાનમાં ધીમેથી કહેવું.
૭૮. કાનમાં પડવું = જાણવામાં આવવું; સંભળાવું.
૭૯. કાનમાં પૂમડાં ઘાલવાં = સાંભળવામાં બેદરકાર રહેવું.
૮૦. કાનમાં ફૂંક મારવી = (૧) ઉશ્કેરવું; ભંભેરવું. (૨) ચેતવી દેવું.
૮૧. કાનમાં મંત્ર મૂકવો = (૧) ઉપદેશ કરવો; બોધ આપવો. (૨) ભોળવવું.
૮૨. કાનમાં વિષ રેડવું = ભંભેરવું.
૮૩. કાનમાંથી કીડા ખરવા = સહન ન થવું.
૮૪. કાને ધરવું = લક્ષ દેવું.
૮૫. કાને નાખવું = સંભળાવવું; ખબર આપવી.
૮૬. કાને હાથ મૂકવા = અજાણપણું જાહેર કરવું.
૮૭. કાનેથી કાઢી નાખવું = સાંભળ્યું ન સાંભળ્યું કરવું; અજાણ્યા થવું.
૮૮. કાનોકાન ન જાવું = અજ્ઞાત હોવું.
૮૯. કાનોમાં બોલ મારવો = ન સાંભળવાનો ઢોંગ કરવો.
૯૦. કાનોમાં રસ પડવો = સંગીતનો મધુર અવાજ સાંભળી આનંદ કરવો.
૯૧. બે કાન વચ્ચે માથું કરવું = ઘણી મોટી શિક્ષા કરવાની ધમકી આપવી.

૧. કાન કરવી = શરમાવું.
૨.કાન છોડવી = ઉદ્ધતાઇથી વર્તવું.
૩. કાન ન માનવી = અપમાનપૂર્વક વર્તવું.

@8274_2-1@