શબ્દોની માન્ય જોડણી દર્શાવતો કોશ

ગુજરાત વિદ્યાપીઠે બહાર પાડેલો એ નામનો એક પ્રમાણભૂત કોશ. આ સંબંધે કાલેલકર લખે છે કે: ગુજરાતી ભાષાની શુદ્ધિમાં રસ ધરાવનાર વિદેહ તેમ જ વિદ્યમાન લોકોના અભિપ્રાયોનું સંકલન કરી અને શાસ્ત્રની મર્યાદા તેમ જ આજકાલનું વલણ તપાસી જોડણીના નિયમો અમે ઘડી કાઢયા અને ધારેલી મુદતની અંદર ગુજરાતી ભાષાના તેમ જ એ ભાષામાં સ્થાન પામેલા લગભગ બધા શબ્દોનો કેવળ જોડણીકોશ પ્રજા આગળ મૂક્યો. એ વખતે નવજીવનમાં ગાંધીજીએ લખેલું કે, ઠીક ઠીક ગુજરાતી જાણનારા, વ્યાકરણશુદ્ધ ગુજરાતી લખવાનો પ્રયત્ન કરનારની કલમેથી જે જોડણી ઊતરી તે ખરી ગણાય. આ ધોરી નિયમને અનુસરીને કોશ તૈયાર થયો છે. અંગ્રેજી ભાષાના શબ્દોની જોડણી ખોટી કરતાં આપણને શરમ લાગે છે, તેના કરતાં માતૃભાષાની જોડણીનો વધ કરતાં આપણે વધારે શરમ લાગવી જોઈએ. હવા પછી કોઈને સ્વચેછાએ જોડણી કરવાનો અધિકાર નથી. ગુજરાત વિદ્યાપીઠ આ જોડણીકોશની ત્રીજી આવૃત્તિની પ્રસ્તાવનામાં લખે છે કે, શબ્દભંડોળનું કામ આ વખતે ઠીક થયું ગણાય. આ વેળાની આવૃત્તિમાં શબ્દસંખ્યા ૫૬,૮૩૦ થઈ છે. એટલે કે ગઈ આવૃત્તિના ૪૬,૬૬૧ માં ૧૦,૧૬૯ શબ્દોનો વધારો થયેલ છે.

જોડણીની શુદ્ધિ અર્થે રચેલો શબ્દકોશ.