૧. કંકુનાં પગલાં = શુભ આગમન.
૨. તમારાં પગલાં અમારા ઘેર ક્યાંથી ? = તમે અમારે ત્યાં પધાર્યા તે અમારા ઉપર ઉપકાર થયો.
૩. નેસ પગલાંનું = અશુભ.
૪. પગલાં ઓળખવાં = (૧) પગલાંની પરીક્ષા હોવી; પગલાં ઉપરથી સ્વભાવ કે ચારિત્ર્યની પરીક્ષા કરવી. (૨) પાછળ રહેલા ગુપ્ત હેતુની ખબર હોવી.
૫. પગલાં કરવાં-થવાં = કૃપા કરી પધારવું; આવવું.
૬. પગલાં ભરવાં- પગલું ભરવું = (૧) આગળ વધવું; તરફ વધવું. (૨) ઉપાય કરવો. (૩) કાયદેસર સામું થવું; ફરિયાદ કરવી. (૪) બાળકનું પાપાપગલી શીખવું.
૭. પગલાં માપવાં-પગલું માપવું = (૧) ઝટ ચાલવા માંડવું; એકદમ જવું; તાબડતોબ ખસી જવું. (૨) હિલચલાની તપાસ રાખવી.
૮. પગલાં માંડવાં = શરૂઆત કરવી; કોઈ કામનો આરંભ કરવો.
૯. પગલું કાઢવું = પગલાંના ચિહ્ન ઉપરથી ચોર વગેરેની ભાળ કાઢવી.
૧૦. પગલું મૂકવા જેટલી જગ્યા ન હોવી = (૧) તદ્દન નિર્ધન હોવું. (૨) સંકડાશ હોવી.
૧૧. પગલું શોધવું-શોધી કાઢવું = કોઈ માણસ કે ચોર આવ્યો અને કયે રસ્તે ગયો તે તેનાં પગલાંને અનુસરી ગોતી કાઢવું.
૧૨. પગલે પગલે = બરાબર અનુકરણ કરીને; અનુસરીને.
૧૩. પગલે પગલે ચાલવું = અનુસરવું; બીજાએ જેમ કર્યું હોય તેમ કરવું; અનુકરણ કરવું; અગળનાએ કર્યું હોય તેમ કરવું.
૧૪. પગલે હાલવું = રસ્તે જવું.
૧૫. સારાં પગલાંનું = આવકારદાયક; સારું ભાગ્ય આપે એવું; શુભ.