ભરવું કે ભરાવું તે; ઉમેરણ (2) લશ્કરમાં કે અન્ય સેવા-નોકરીમાં માણસને લેવો તે (3) જુવાળ (4) પુષ્કળતા; આવરો (લા.)

કોઈ પણ કાર્ય કરવાને માટે લોકોને ઉમેદવાર તરીકે બહાર પાડવા તે.

ઢગલો; જથ્થો.

દરિયાના પાણીનું ચંદ્રના આકર્ષણને લીધે ઊછળીને વધવું તે; ઝાર; સમુદ્રના પાણીનું ઊંચે ચડવું તે; જુઆળ; જુવાળ; દરિયામાં કે તેને લગતી નદી કે ખાડીમાં છ છ કલાકને અંતરે જે પાણી વધે છે તે; દરિયાના પાણીની વેળ. પૃથ્વી ઉપર સમુદ્રમાં ભરતીઓટ થાય છે, તે ઘણે ભાગે ચંદ્રના આકર્ષણને આભારી છે. સૂર્ય, ચંદ્ર અને પૃથ્વી પૂર્ણિમા અને અમાસને દિવસે એક સીધી લીટીમાં આવે છે, ત્યારે દરિયામાં સૌથી મોટી ભરતી હોય છે. તેનું કારણ એ છે કે, તે સમયે સૂર્ય અને ચંદ્રનું સામટું આકર્ષણ પાણીને એક બાજુએ ખેંચે છે. છતાં પણ પૂર્ણિમા અને અમાસના દિવસો સિવાય જોકે ચંદ્ર સૂર્યની વિરુદ્ધ દિશામાં હોય છે, છતાં યે નાની મોટી ભરતીઓ તો થયા જ કરે છે. તેનું કારણ ચંદ્રનું આકર્ષણ છે. અમાસ અને પૂર્ણિમાના દિવસોએ પાણી તો જે બાજુ તરફ ચંદ્ર અને સૂર્ય હોય તે બાજુ તરફ જ ખેંચાઈ ભરતી થવી જોઇએ, છતાં તેની સામી બાજુએ પણ ભરતી થાય છે. તેનું કારણ એ છે કે, ચંદ્ર અને પૃથ્વી આકર્ષણના મધ્યબિંદુએ એકબીજાને ખેંચી રહ્યાં છે. બંને ગોળાકારમાં ફરી રહ્યાં છે. ચંદ્ર તરફ ખેંચાઈ આવેલા પાણીથી ભરતી થાય છે. તે પછી ચંદ્ર તરફનું પાણી પાછું વળે છે, કારણ કે પૃથ્વી ગોળાકારમાં ફર્યા કરે છે. તેથી ચોવીશ કલાકમાં પૃથ્વી ઉપર બે વખત ભરતી તથા ઓટ થાય છે. આ ભરતીઓટના સમયમાં દરરોજ પચાસ મિનિટનો તફાવત પડે છે, એટલે કે એક સવારે ૧૦ વાગ્યે ભરતી થાય તે પછી રાતના ૧૦-૨૫ વાગ્યે ફરી ભરતી થાય. બાદ બીજી સવારે પછી ૧૦-૫૦ વાગ્યે ભરતી થાય છે. એ રીતે દરરોજ ૨૪ કલાકમાં ભરતીના વખતમાં પચાસ મિનિટનો ફેર પડે છે.

દાખલ કરવાની ક્રિયા; આવક; અંતર્ગમન; દાખલ કરવું તે.

ધન, સુખ વગેરેની ઘણી પ્રાપ્તિ થવી તે.

પુષ્કળતા; આવરો.

પૂરું ભરાઈ રહેવું તે; જમાવ થવો તે.

પ્રીતિની જમાવટ થવી તે.

( પુરાણ ) ભરત નામના અગ્નિની કન્યા.

ભરવામાં આવતી વસ્તુ.

ભરવું તે; એકઠું કરવું તે; જમાવવું તે; જથ્થો કરવો તે; ઉમેરણ.

મકાનની આંટની અંદર જમીન ઉપર ધૂળ કે મોરમ ભરવી તે; ભરણી. ગૃહવિધાનમાં જણાવ્યું છે કે: ઘણા લોકો ભરતીમાં મોરમ કે કાંકરી વાપરે છે. ખરી રીતે ખાર વિનાની ચોખ્ખી રેતી વાપરવી જોઇએ, જેથી પાછળથી ભરતી બેસવાનો સંભવ તદ્દન ઓછો થઈ જાય. સાધારણ સંયોગોમાં મોરમ વગેરેની ભરતી કરતાં રેતીની ભરતી મોંઘી પડે છે, પરંતુ તે વધારાનો ખર્ચ ઊગી સરવાનો પૂરો સંભવ છે.

( વહાણવટું ) માલનો જથ્થા; `કાર્ગો`.

લશ્કર વગેરેમાં નવા માણસની નોંધ; વધારો; ઉમેરો લશ્કરમાં વધારો કરવો તે.