૧. ભૂંડા માણસનું કાળું મોં = ભૂંડું બહુ જ ખરાબ હોય છે.
૨. ભૂંડા મોંને ભરડકું = ઊંટના મોંને ઝાંખરાં; જેવાં ભાઈનાં મોસાળાં તેવાં બહેનનાં હેત; જેવી માલણ મકવાણી, તેવો જસલો જોગી; જેવાની સાથે તેવું.
૩. ભૂંડાથી બાર ગાઉ છેટે નાસવું = ભૂંડાનો વિશ્વાસ નહિ; દુર્જનથી દૂર રહેવું.
૪. ભૂંડાથી ભૂત નાસે = ભૂંડા ભૂત કરતાં યે ખરાબ.
૫. ભૂંડામાં ભૂંડી ચાકરી = ચાકરી બધાથી આકરી; નોકરી ખરાબમાં ખરાબ ગણાય છે.
૬. ભૂંડામાં ભૂંડી ભૂખ = ક્ષુધા સૌથી વધુ ભૂંડી છે.
૭. ભૂંડાં કામ તે ભાણકીનાં = પારકી ભૂલ તુરત દેખાય અને આપણી ભૂલ અજાણમાં જાય; પોતાની ભૂલ ને પારકી અછત નજરે આવે નહિ.
૮. ભૂંડી થઈ = બૂરી બની; વાત બગડી; બાજી ફરી ગઈ; અણઘટતું થયું.
૯. ભૂંડી રાંડ બમણો વરો = માણસનું સદ્ભાગ્ય કે દુર્ભાગ્ય તેની પત્ની ઉપર અવલંબે છે; કરકસર કરવી એ ધરવાળીના હાથમાં છે.
૧૦. ભૂંડું કરવું = સંભોગ કરવો.
૧૧. ભૂંડું તાકવું = ભૂંડું થાય એમ ઇચ્છવું.
૧૨. ભૂંડું તાકે તેનું ભૂંડું થાય = ખાડો ખોદે તે પડે; કપટ તેનું ચપટ; જેવી દાનત તેવી બરકત; દગો કોઇનો સગો નહિ; કરે તેવું ભોગવે.
૧૩. ભૂંડું બોલવું = (૧) ગાળ બોલવી. (૨) નિંદા કરવી.
૧૪. ભૂંડું ભાવે નહિ ને રૂડું તાકડે આવે નહિ = કરમ કઠણ ને કાયા સુંવાળી; ખરાબ ગમે નહિ અને સારૂં મળે નહિ એવી સ્થિતિ.
૧૫. ભૂંડું ભૂંડાનો ભાવ ભજવ્યા વિના રહે નહિ = પોદળો પડ્યો તે ચપટી ધૂળ લઇ ઊખડે; જેવો સ્વભાવ તેવું વર્તન; દુર્જનથી દૂર વસવું; ભૂંડું હમેશા ખરાબ કામ કરે જ છે.