(પ્રાચીન) યુનાન દેશનો રહેવાસી (2) આર્યસંસ્કૃતિ બહારનો માણસ; મ્લેચ્છ

અઠ્ઠાણુ માંહેનો એક દેશ; ગ્રીસ દેશ. અગાઉ હિંદુ લેખકો આ શબ્દ ઘણું કરીને અરબસ્તાન માટે અથવા મુસલમાનોથી વસેલા કોઈ પણ દેશને માટે વાપરતા. વળી આ નામ ગ્રીકને માટે પણ વપરાતું પરંતુ હવે તે મુસલમાન અને યરપીઅન માટે વપરાય છે.

અઢાર માંહેનો એક મુખ્ય જ્યોતિષી.

અનાર્ય; મ્લેચ્છ; હિંદુ ધર્મમાં ન માનનાર માણસ; હિંદુ આચાર કે ધર્મનો નહિ એવો માણસ; આર્યસંસ્કૃતિ બહારનો માણસ.

( પુરાણ ) કાળયવન નામનો રાક્ષસ. તેને શ્રીકૃષ્ણે મુચકંદની ગુફામાં પ્રવેશાવીને મરણશરણ કર્યો હતો.

ગાજર.

ગ્રીક; યૂનાન દેશનો વતની; આયોનિયન નામની ગ્રીક જાતિનો માણસ; યૂનાન દેશમાં આયોનિયા નામનો પ્રાંત કે દ્વીપ છે. તેનો સંબંધ પૂર્વના દેશો સાથે ઘણો હતો તેથી ભારતવાસી તે દેશના વતનીઓને તેમ જ ભારતમાં યૂનાનીઓ આવેલા તેઓને પણ યવન કહેતા હતા. પાછળથી આ શબ્દનો અર્થ વધારે વિસ્તાર પામ્યો અને રોમન, પારસી વગેરે બધા પરદેશીઓને ખાસ કરીને પશ્ચિમમાંથી આવનાર પરદેશીઓને યવન કહેવા લાગ્યા અને તે શબ્દનો પ્રયોગ મ્લેચ્છના અર્થમાં થવા લાગ્યો. પરંતુ મહાભારતકાળમાં યવન અને મ્લેચ્છ એ બંને ભિન્ન ભિન્ન જાતિઓ મનાતી હતી. પુરાણો પ્રમાણે મ્લેચ્છ જાતિઓની જેમ યવનોની ઉત્પત્તિ પણ વસિષ્ઠ અને વિશ્વામિત્રના કજિયાના સમયે ગાયના શરીરથી થઈ કહેવાય છે.

ઘઉં.

ઘાસની એક જાત.

( પુરાણ ) તર્વસુનો પુત્ર.

પરદેશી માણસ.

મુસલમાન.

રાક્ષસ; પિશાચ.

વેગ; જોર.

વેગવાળો ઘોડો.

છપ્પન માંહેની એક જાતની ભાષા.

વેગવાળું.