આકાશમાં એકઠો થયેલો વરાળનો ગોટા જેવો સમૂહ, જે વરસાદ રૂપે નીચે પડે છે.

આકાશ; ગગન; આસમાન.

આકાશમાં ઘુમાતી એકઠી થયેલી વરાળ; બાફનો સમૂહ; ઘનસમૂહ; મેઘમંડળ આકાશમાં એકઠો થયેલો વરાળનો ગોટા જેવો સમૂહ, જે વરસાર રૂપે નીચે પડે છે. તેના ચાર પ્રકાર છે: પ્રથમ જાતનું વાદળ સમુદ્રના તરંગ જેવું અથવા રેષાવાળું, દરેક દિશામાં વિસ્તૃત થતું અને સમાંતર પટવાળું હોય છે. બધાં વાદળોમાં આ વાદળ સૌથી આછું, વધુ ઊંચું અને વધુ વિવિધતાવાળું હોય છે. તેમાં વરસાદ પડવાનો ભય હોતો નથી. બીજા પ્રકારનું વાદળ પ્રમાણમાં ઘણી ઓછી ઊંચાઈએ હોય છે અને દિવસના જ દેખા દે છે. તે ઘણુંખરું ઉનાળામાં જ ઉત્પન્ન થાય છે. તેમાંથી વરસાદ પડતો નથી પરંતુ જ્યારે તે સાંજ સુધીમાં પણ અદૃશ્ય ન થાય અને વાદળ જો જીવે તો વરસાદ આવવાનો સંભવ ખરો. ત્રીજા પ્રકારનું વાદળ ઘણા વિસ્તૃત પટમાં એક ઉપર બીજું એમ હોય છે. આ વાદળને રાતનું વાદળ કહેવામાં આવે છે. કારણ કે, ઘણું ખરું તે સાંજે બંધાવા માંડે છે અને સવાર થતાં અદૃશ્ય થઈ જાય છે. આ વાદળ સૌથી નીચામાં નીચું હોય છે. ચોથા પ્રકારનું વાદળ એ જ ખરું વરસાદનું વાદળ છે. તે ઘણું ભેજવાહક, ઘટ્ટ અને કાળું હોય છે.

આડખીલી; અણગમતો અટકાવ; અવરોધ.

છાયા; થર; ઢાંકણ; આવરણ.

ભય, સંકટ, દુ:ખ વગેરેનો ઘેરાવો.

ભારે પવન છૂટવો તે; તોફાન.