વાંકું કરવું, નમાવવું (2) વાળીને આકાર કરવો કે ગોઠવવું (જેમ કે, લાડુ, બીડી, ગેડ, અંબોડો, ઢગલો, પલાંઠી) (3) પાછું ફેરવવું (દેવું, ગાડું, મૂઠ, ઝેર, મન, જવાબ, ઉપકાર, બદલો) (4) કચરો કાઢવો; ઉદાo પૂંજો વાળવો; ઘર વાળવું (5) ઉપર છાવરવું; ઢાંકવું; ઉદાo તેના ઉપર ધૂળવાળો છેડો વાળવો. (6) પાણી જવાનો રસ્તો કરવો, જેથી અમુક ઠેકાણે ન જતાં અમુક ઠેકાણે પહોંચે; ઉદાo ખેતરમાં પાણી વાળે છે. (7) આવેલી ક્રિયા કે પ્રસંગ પૂરાં કરવાં; ઉદાo વરસી વાળવી.

અસર ન કરે એમ કરવું; ઉતારવું; કમજોર કરવું. જેમકે, મૂઠ વાળવી, ઝેર વાળવું.

આગળ જતું અટકાવવું; જતું બંધ કરવું; ગળતું અટકાવી લેવું. જેમકે, નીક વાળવી.

આપી દેવું; પતાવી દેવું. જેમકે, દેવું વાળવું.

ઊભરો સમાવવો; દિલાસો દેવો; નિરાંત વાળવી; શાંત કરવું; સંતોષ પકડવો.

ઊંધું ખણવું; બગાડી કે વેતરી નાખવું.

કચરો કાઢવો; સાફ કરવું; ઝાડુ કાઢવું; પૂંજો વાળવો; ઝાડવું; વાસીદું કાઢવું.

ખીચડો કરવો; એકઠું અને સેળભેળ કરી નાખવું.

ગોળાકારે બનાવવું; વીંટો કરવો; ગોળ લપેટવું; ભૂગળું કરવું; વાળીને આકાર કરવો કે ગોઠવવું; વીંટવું. લાડુ, બીડી, ઢગલો વગેરે માટે વપરાય છે.

ઘડી પાડવી; કલ્લી કરવી; ઉપરા ઉપરી આવે એમ ગોઠવવું; સંકેલવું; સળ પડે તેમ કરવું.

જવાબ દેવો; સવાલ વાળવો; ઉત્તર આપવો.

જોરવાળું ને પુષ્ટ કરવું.

ટુચકો કરવો; માથે ઉતારવું; મંત્ર ભણી બાંધી રાખવું. જેમકે, દાણા વાળવા.

ઢાંકવું; ઉપર છાવરવું. જેમકે, ઉપર ધૂળ વાળવી.

નીચું પાડવું.

પાછું આપવું; ભરપાઈ કરવું.

પાછું ફેરવવું; બીજી દિશા તરફ હંકારવું; બીજી બાજુ તરફ જાય એમ કરવું; ગતિની દિશા બદલાવવી.

પાણી પસરાવવું; ફેલાવવું; પાણી જવાનો રસ્તો કરવો, કે જેથી અમુક ઠેકાણે ન જતાં અમુક ઠેકાણે પહોંચે. જેમકે, પાણી વાળવું.

પૂરું કરવું; સમાપ્ત કરવું; આવેલી ક્રિયા કે પ્રસંગ પૂરાં કરવાં.

બગાડવું; વણસાડવું; ઊલટું કરવું; ખરાબ કરવું.

બદલો લેવો; વેર વાળવું.

બહાર જતું અટકાવી અંદર લેવું.

બીડવું.

મોં ઢાંકીને રડવું; મોં ઉપર લૂગડું લાવીને રડવું.

વળ દઈને ગોળ ગાંઠ બાંધવી. જેમકે, અંબોડો વાળવો.

વળ દેવો; આમળવું.

વાંકું કરવું; નમાવવું; મરડવું; વાંક દેવો.