આવવું

Home » Gujarati to Gujarati Translation » આવવું

વ્યાકરણ :

અ○ક્રિ○

વ્યુત્પત્તિ :

અર્થ :

આઘેથી વળતી ગતિ કરવી. (૨) જન્મવું. (૩) પ્રાપ્ત થવું, પમાવું. (૪) રોગયુક્ત થવું. દા. આંખ આવવી. (૫) (સંબંધક ભૂ.કૃ. સાથે સહાયક ક્રિયાપદ પૂર્ણતાના અર્થમાં) કરી આવે. (૬) (વિધ્યર્થ કૃદંતના સા.વિ. ના અર્થના ‘માં’ વાળા રૂપ સાથે કર્મણિ અર્થ માત્ર) કરવામાં આવે છે

Showing Results from :

ક્રમાંક	વ્યુત્પત્તિ	વ્યાકરણ	અર્થ
1		અ○ક્રિ○	આઘેથી વળતી ગતિ કરવી. (૨) જન્મવું. (૩) પ્રાપ્ત થવું, પમાવું. (૪) રોગયુક્ત થવું. દા. આંખ આવવી. (૫) (સંબંધક ભૂ.કૃ. સાથે સહાયક ક્રિયાપદ પૂર્ણતાના અર્થમાં) કરી આવે. (૬) (વિધ્યર્થ કૃદંતના સા.વિ. ના અર્થના ‘માં’ વાળા રૂપ સાથે કર્મણિ અર્થ માત્ર) કરવામાં આવે છે
2	[सं. आया, प्रा. आव]	અ○ક્રિ○	દૂર હોય ત્યાંથી પાસે જવું-તેવી ગતિ કરવી; પહોંચવું જેમ કે, તે ગામમાં આવ્યો.(૨) -ની સ્થિતિ કે જગા હોવી. ઉદા○ અમદાવાદ ગુજરાતમાં આવ્યું. લંડન ક્યાં આવ્યું?(3) ન હોય ને આવી લાગવું, કે જણાવું, કે જન્મવું, કે દેખા દેવી, કે ફળવું ફૂલવું. જેમ કે, આંબે કેરી આવી; ઓણ બોરડી સારી આવી; ગુલાબ હવે આવવા લાગ્યો છે; દાદાને તાવ આવ્યો; તેના ધ્યાનમાં આવ્યું (૪) (કપડું કે પોષાકની ચીજ) બરોબર બેસવું. જેમ કે, તેને મારી ટોપી આવે છે? (૫) (કોઈ વસ્તુ) (બરોબર) ઊતરવી, નીપજવી, બનવી. જેમ કે, હવે ખરો ઘાટ આવ્યો; આ ચિત્ર બરાબર આવ્યું નથી (૬) કોઈ ભાવ ઉત્પન્ન થવો. જેમ કે, દયા, ગુસ્સો, ક્રોધ આવવો (૭) થવું, હિસાબે ઊતરવું, સમાવું, ગોઠવાવું, માવું, વળતરરૂપે મળવું, એવા ભાવ બતાવે છે. જેમ કે, ખર્ચ કેટલું આવ્યું ?વાસણનું વજન બશેર આવ્યું.ઊંચાઈ પ” આવી. આ કપડામાં કેટલું આવશે? રૂપિયાનું કેટલું શાક આવ્યું? (૮) શરીરનું કોઈ અંગ આવવું=તે અંગ ફૂટવું કે કામ દેતું થવું કે તેનું દરદ થવું-એવા અર્થ જુદે જુદે ઠેકાણે બતાવે છે.(તેને ‘અંગ’ માં જુઓ) જેમ કે, બાળકને દાંત આવે છે; પગ આવ્યા; જીભ આવી; મોઢું આવવું ઇ○ (૯) બીજા ક્રિયાપદના સહકારીપણામાં તે ક્રિયાનું ભૂતકાળથી ચાલુપણું બતાવે છે. જેમ કે, આ ભૂલ થતી આવી છે; આ રિવાજ ચાલ્યો આવે છે. અથવા તે ક્રિયા આવવાની ક્રિયા સાથે સાથે-ભેગાભેગી થઈ એમ બતાવે છે. જેમ કે, હું તેમને કહેતો (એટલે ભેગાભેગી કહીને) આવ્યો છું, ફરી કહેવા જવાની જરૂર નથી. એમને કહેતો આવજે.(આ પ્રયોગમાં પ્રાય: વર્તમાન કૃ○ સાથે યોગ આવે છે .).અથવા ક્રિ○ ના અ○ ભૂત કૃ○ સાથે, તે ક્રિયા થયા બાદ આવવું એમ બતાવે છે. જેમ કે, તે તેને પૂછી આવ્યો. અથવા સપ્તમી વિ○ સામાન્ય (૮૬ પાનાં પરથી પાંચ લીટીઓ ઉતારવી) કૃ ○ જોડે, તે ક્રિયા કરવામાં પ્રયાણ કે ગતિ થવી, તે કરાવી; એવો ભાવ ને જાહેરાત કરાતા અર્થની છાયા બતાવે છે. જેમ કે, હ હવેથી ઠરાવવામાં આવે છે. ગુનેગારને દંડ કરવામાં આવશે.(૧૦) આવવું સહાયકારી ક્રિ○ તરીકે બીજા ક્રિ○ સાથે આવે છે.(ત્યારે કેટલાંક ક્રિ○ માં તે અણધારી થવાનો ભાવ અર્પે છે)

ક્રમાંક	વ્યુત્પત્તિ	વ્યાકરણ	અર્થ
1		અo ક્રિo	દૂર હોય ત્યાંથી પાસે જવું – તેવી ગતિ કરવી; પહોંચવું; જેમ કે, તે ગામમાં આવ્યો. (2) -ની સ્થિતિ કે જગા હોવી; ઉદાo અમદાવાદ ગુજરાતમાં આવ્યું. લંડન ક્યાં આવ્યું ? (3) ન હોય ને આવી લાગવું કે જણાવું કે જન્મવું કે દેખા દેવી કે ફળવુંફૂલવું; જેમ કે, આંબે કેરી આવી; ઓણ બોરડી સારી આવી; ગુલાબ હવે આવવા લાગ્યો છે; દાદાને તાવ આવ્યો; તેના ધ્યાનમાં આવ્યું. (4) (કપડું કે પોશાકની ચીજ) બરોબર બેસવું; જેમ કે, તેને મારી ટોપી આવે છે ? (5) (કોઈ વસ્તુ) (બરોબર) ઊતરવી, નીપજવી, બનવી; જેમ કે, હવે ખરો ઘાટ આવ્યો; આ ચિત્ર બરાબર આવ્યું નથી. (6) કોઈ ભાવ ઉત્પન્ન થવો; જેમ કે, દયા, ગુસ્સો, ક્રોધ આવવો (7) થવું, હિસાબે ઊતરવું, સમાવું, ગોઠવાવું, માવું, વળતર રૂપે મળવું, એવા ભાવ બતાવે છે; જેમ કે, ખર્ચ કેટલું આવ્યું ? વાસણનું વજન બશેર આવ્યું. ઊંચાઈ પ આવી. આ કપડામાં કેટલું આવશે ? રૂપિયાનું કેટલું શાક આવ્યું ? (8) શરીરનું કોઈ અંગ આવવું = તે અંગ ફૂટવું કે કામ દેતું થવું કે તેનું દરદ થવું – એવા અર્થ જુદે જુદે ઠેકાણે બતાવે છે. તેને અંગમાં જુઓ; જેમ કે, બાળકને દાંત આવે છે; પગ આવ્યા; જીભ આવી; મોઢું આવવું; આંખ આવવી ઇo (9) બીજા ક્રિયાપદના સહકારીપણામાં તે ક્રિયાનું ભૂતકાળથી ચાલુપણું બતાવે છે; જેમ કે, આ ભૂલ થતી આવી છે; આ રિવાજ ચાલ્યો આવે છે. અથવા તે ક્રિયા સાથે – આવવાની ક્રિયા સાથે – ભેગાભેગી થઈ એમ બતાવે છે; જેમ કે, હું તેમને કહેતો (એટલે ભેગાભેગી કહીને) આવ્યો છું, ફરી કહેવા જવાની જરૂર નથી. એમને કહેતો આવજે. (આ પ્રયોગમાં પ્રાય: વર્તમાન કૃo સાથે યોગ આવે છે.) અથવા ક્રિo ના અo ભૂત કૃo સાથે, તે ક્રિયા થયા બાદ આવવું એમ બતાવે છે; જેમ કે, તે તેને પૂછી આવ્યો. અથવા સપ્તમી વિoના સામાન્ય કૃo જોડે, તે ક્રિયા કરવામાં પ્રયાણ કે ગતિ થવી, તે કરાવી; એવો ભાવ ને જાહેરાત કરાતા અર્થની છાયા બતાવે છે; જેમ કે, હવેથી ઠરાવવામાં આવે છે. ગુનેગારને દંડ કરવામાં આવશે. (10) આવવું સહાયકારી ક્રિo તરીકે બીજા ક્રિo સાથે આવે છે (ત્યારે કેટલાંક ક્રિoમાં તે અણધારી થવાનો ભાવ અર્પે છે)

ક્રમાંક	વ્યુત્પત્તિ	વ્યાકરણ	અર્થ
1	[ સં. આપત્ ( બનવું ) ]	अ. क्रि.	અમુક પ્રસંગ થવો; બનાવ બનવો.
2		अ. क्रि.	આવી પહોંચવું; હાજર થવું.
3		अ. क्रि.	ઊગવું.
4		अ. क्रि.	ઊતરવું.
5		अ. क्रि.	એકઠા થવું; ભેગા મળવું.
6		अ. क्रि.	કબૂલ થવું; નક્કી થવું.
7		अ. क्रि.	કોઈ પણ હાલતમાં જઈ પડવું.
8		अ. क्रि.	ખીલવું.
9		अ. क्रि.	ઘડાવું; બંધાવું; સારો ઘાટ કે દેખાવ થવો. જેમકે, પાઘડી ઠીક ન આવી.
10		अ. क्रि.	છૂટવું.
11		अ. क्रि.	જણાવું; અસર થવી.
12		अ. क्रि.	જન્મવું.
13		अ. क्रि.	જવું; કોઈની પાસેથી છૂંટુ પડીને જવું. આવવું અને પધારવું એ બે ક્રિયાપદ આજ્ઞાર્થમાં ઊલટા અર્થમાં વપરાય છે.
14		अ. क्रि.	જવું અને પાછું આવવું.
15		अ. क्रि.	તૈયારી ઉપર હોવું. જેમકે, ઘર પડવા આવ્યું છે.
16		अ. क्रि.	થવું. જેમકે, તેને શંકા આવી.
17	[ સં. આયાત; અપ. આઅ ) ]	अ. क्रि.	દાખલ થવું; પ્રવેશ કરવો; અંદર જવું.
18		अ. क्रि.	દેખાવું; લાગવું; સમજાવું.
19	[ સં. આ ( ઊલટું ) + વય્ ( જવું ) ]	अ. क्रि.	નજીક જવું. રૂઢિપ્રયોગ ૧. અમે આવ્યા અહીં તો તમમાં ન મળે કંઈ = કંઈ પણ કામ ન સરવું. ૨. આગળ આવવું = (૧) આવકાર આપવા જવું. (૨) બનવું. (૩) વર્તવું. ૩. આવ કહે સો ઓલિયા, બેઠ કહે સો પીર, જીસ ઘર આદર નહિ, ઉસકા કાટો શિર = જે ઘેર આદરસત્કાર ન થાય તે ઘેર જવું નહિ. ૪. આવ કુહાડા પગ ઉપર = અધવચમાં મુશ્કેલી આવવી. ૫. આવ બલા પકડ ગળા = અધવચમાં મુશ્કેલી આવી પડવી. ૬. આવ મારી કાણી, તુ ક્યાં યે ન સમાણી; નેવે આવ્યાં પાણી, તો યે ન તણાણી = નરસું ક્યાં ય પોસાતું નથી. ૭. આવ રે ભાઈ હરખા, આપણે બંને સરખા = બંને દુખિયા માણસ ભેગા મળે ત્યારે આ પ્રમાણે બોલાય છે. ૮. આવવાની ચાર દિશા અને જવાની બાર = પૈસો આવે થોડો અને જાય ઘણો. ૯. આવશે વહુ ત્યારે જાણશે સહુ = વહુ આવે ત્યારે કજિયો એની મેળે થાય છે. ૧૦ આવી ઘાટડીએ તે જાય ઠાઠડીએ = હિંદુઓમાં વિવાહ થયો તે થયો, પછી તે ભંગાતો નથી. ૧૧. આવી ચડવું = (૧) આવી મળવું; અણીને વખતે આવી પહોંચવું. (૨) એકઠા થવું. (૩) ઓછી કીમતે મળવું. ૧૨. આવી ચૂકવું = (૧) તદ્દન થાકી રહેવું. (૨) થઈ રહેવું; ખૂટી પડવું. જેમકે, પૂરી તો ચાલશે, પણ શીરો આવી રહ્યો છે. (૩) નબળું થઈ જવું. (૪) પડાવ નાખવો. (૫) પૈસે ટકે તંગ થવું. (૬) બંધ પડવું. (૭) મોતની તૈયારી પર હોવું. ૧૩. આવી જવું = (૧) થોડી વાર માટે આવવું. (૨) પહોંચવું. (૩) સોજો, રોગ વગેરેને લીધે દરદ થવું. જેમકે, મોઢું આવી ગયું છે. (૪) હુંપદથી આમંત્રણ કરવું; સામી ટક્કર ઝીલવાને તૈયાર થવું; પડકાર કરવો. ૧૪. આવી તે લક્ષ્મી ને ગઇ તે બલા = જે થયું તે ઠીક થયું. ૧૫. આવી પડવું = (૧) જવાબદાર હોવું. (૨) દુ:ખ અથવા સંકટનું એકદમ આવીને પડવું. (૩) નસીબમાં હોવું. (૪) માન આપવું; આદરભાવ બતાવવો. (૫) હુમલો કરવો; ધાવા કરવા. ૧૬.આવી પહોંચવું = (૧) એકઠા થવું. (૨) એકાએક આવી મળવું; ટાંકણે આવી પહોંચવું (૩) છેડો આવવો. (૪) નજીક આવવું. ૧૭. આવી ફસવું. = (૧) અણધાર્યું થવું. (૨) આવીને ફસી પડવું; ભરાઈ પડવું. (૩) દુ:ખમાં ફસાઈ જવું. ૧૮. આવી બનવું = (૧) અંત આવવો; આખર આવવી; છેડો આવવો. (૨) આફત આવી પડવી. (૩) બાર વાગી જવા. (૪) મરણ થવું. ૧૯. આવી ભરાવું = (૧) પૂરૂં થઈ રહેવું. જેમકે, તેના દિવસ હવે આવી ભરાણા છે. (૨) મોત પાસે આવવું. ૨૦. આવી મળવા તો બેસાડી દળવા = મહેમાનને કામે લગાડવું. ૨૧. આવી મહી ને ચિંતા થઈ = જમીનની માલિકી મળી પણ તેથી ચિંતા વધી. ૨૨. આવી મળવું = (૧) અનાયાસે મળવું આવી મળ્યું તે દૂધ બરાબર, માગી લીધું તે પાણી.-લોકોક્તિ (૨) એકાએક એકઠા થવું. (૩) ઘાટ ઘડાઈને તૈયાર થવું. (૪) ચબરાક થવું; સામા થવું. (૫) ટાંકણા ઉપર હાજર થવું; અણીને વખતે આવી પહોચવું. (૬) યોગ્ય ઉમરે આવી પહોચવું. (૭) સહાયક થવું; મદદગાર બનવું. ૨૩. આવી રહેવું = પહોંચી જવું. ૨૪. આવી હોળી ને પરવાર્યા કોળી = કોળી લોકો હોળી ઉપર લૂંટવા માટે નવરા હોય છે. ૨૫. આવે ઘોડા વેગે અને જાય કીડી વેગે = દુ:ખ કે રોગ આવે જલદીથી, પણ મટે છે ધીમે ધીમે. ૨૬. આવે તે રસ્તે જાય = ખરાબ રીતે મેળવેલો પૈસા ખરાબ રીતે ઊડી જાય. ૨૭. આવે ત્યારે ગદબદિયાં ને જાય ત્યારે સાંસા = લાભ મળ્યે માણસ રાજી થાય, પણ નુકસાન થયે દિલગીર થાય. ૨૮. આવે વગમાં તો મારીએ પગમાં = તક મળ્યે દુશ્મનને છોડવો નહિ. ૨૯. આવે વહુનો ભાઈ, તો પેસે ઘરમાં ધાઈ-આવે વરનો ભાઈ, તો ઊભો રહે બારણાં સાહી = (૧) વહુના ભાઈનું સાગા ભાઈ કરતાં વધારે માન હોય છે. (૨) સહુ પોતાનો સ્વાર્થ પહેલાં જુએ છે. ૩૦. આવો, બેસો ને પીઓ પાણી એ ત્રણે વસ્તુ મફતની આણી = કાંઈ ખરચ ન થાય એવી ચીજોથી આવકાર આપવો. ૩૧. આવો મારી વાંઢી નણંદ = ગૃહસ્થાશ્રમ સરખો ન ચલાવનારી પોતાના વરની બહેન. ૩૨. આવ્યા તેવા ગયા = (૧) આવ્યા ને જરા વાર રહી જતા રહ્યા. (૨) ખરાબ રીતે મેળવેલા પૈસાનો ઉપયોગ પણ ખરાબ થાય. (૩) ફોગટ ફેરો ખાધો. ૩૩. આવ્યાની નવાઈ નથી પણ જીવ્યાની નવાઈ = સુખ આવે તો ખરૂં પણ ટકી રહેવું મુશ્કેલ છે. ૩૪. ઉપર આવવું = (૧) કોઈને માથે રહેવું. (૨) ચડવું. (૩) જવાબદાર થવું. (૪) સંભોગ કરવો. ૩૫. નીચે આવવું = (૧) આશરો લેવો. (૨) ઊતરવું. (૩) કચરાઈ જવું. (૪) કોઈની સત્તામાં આવવું. (૫) ખોટ આવવી. (૬) નીચે પડવું. (૭) પડી રહેવું. ૩૬. વચ્ચે આવવું = (૧) દખલગીરી કરવી. (૨) બીજા ઉપર ઉગામેલો ઘા લાગવો.
20		अ. क्रि.	ના જેટલું થવું; ની બરાબર થવું. જેમકે, આનું વજન બે તોલા જેટલું આવશે.
21		अ. क्रि.	નાશ થવો.
22		अ. क्रि.	નિશ્ચય ઉપર આવવું.
23		अ. क्रि.	નીચે પડવું.
24		अ. क्रि.	ન લીધે હોવું.
25		अ. क्रि.	પરિણમવું; અંત પામવો.
26		अ. क्रि.	પસાર થવાનું બનવું. જેમકે, તે મારે ઘેર આવી ચડ્યો.
27		अ. क्रि.	ફળવું. જેમકે, તે આંબો ઓણ સારો આવ્યો છે.
28		अ. क्रि.	બહાર નીકળવું; ફૂટવું.
29		अ. क्रि.	બીજા ક્રિયાપદના સહાયકારક તરીકે જ્યારે વપરાય છે ત્યારે તેનો અર્થ બતાવે છે. જમકે, આ રિવાજ અસલથી ચાલ્યો આવે છે.
30		अ. क्रि.	ભેટ આપવું.
31		अ. क्रि.	મળવું.
32		अ. क्रि.	માફક કે બંધબેસતું થવું. જેમકે, એને ડગલો આવતો નથી.
33		अ. क्रि.	રંધાવું; પાકવું.
34		अ. क्रि.	રેલ આવવી.
35		अ. क्रि.	રોગી થવું; દુ:ખવાળું થવું; ગરમીથી સોજો થવો. રૂઢિપ્રયોગ ૧. જીભ આવવી = (૧) જીભ દુખવી; જીભ સૂજી જવી. (૨) બોલવાની શક્તિ આવવી. ૨. મોં આવવું = (૧) બોલવાની શક્તિ આવવી. (૨) મોં દુખવા આવવું.
36		अ. क्रि.	વધવું.
37		अ. क्रि.	વળગવું. જેમકે, ભૂત આવ્યું.
38		अ. क्रि.	સમાવું.
39		अ. क्रि.	સામું થવું.
40		अ. क्रि.	હાથમાં પડવું.

Support Us

Download APPS

Other Results :

Interactive Games

Play

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Play

General Knowledge Quiz

સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Play

Crossword

ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Latest Ebook

જો બાબા ના હોત તો

ડૉ. બાબાસાહેબ આંબેડકરના જન્મથી આરંભીને તેમના પરિનિર્વાણ સુધીના અત્યંત સંવેદનશીલ પ્રસંગોને જીવંત બનાવતો સૌથી નાનો પણ મહામુલો ગ્રંથ એટલે “જો બાબા ના હોત તો…..

બ્લેક મેજીક ઍક્ટ

The Gujarat Prevention and Eradication of Human Sacrifice and Other Inhuman, Evil and Aghori Practices and Black Magic Act 2024 – ગુજરાત માનવ બલિદાન, અમાનુષી, અનિષ્ટ, અઘોરી પ્રથા, કાળા જાદુને અટકાવવા અને તેના નિર્મૂલન કરવાનો કાયદો-2024ને અંગ્રેજી અને ગુજરાતીમાં સમજાવતી ઈ.બુક

ઈશ્વર : સત્ય કે કલ્પના

આ ઈ.બુકમાં લેખકે વહેમ અને અન્ધશ્રદ્ધા વિરુદ્ધ અવાજ ઉઠાવતી વિચારોત્તેજક સર્વાંગી ચર્ચા-વિચારણા ઈશ્વરને અનુલક્ષીને કરી છે. આ પુસ્તકના લેખક ગુજરાતમાં રૅશનલ પ્રવૃત્તિના અગ્રણી, નિવૃત્ત ડાયરેક્ટર ઑફ ફીઝીકલ એડ્યુકેશનના ડૉ. જેરામ જે. દેસાઈ છે.

Recent Blog

માતૃભાષા અને રતિલાલ ચંદરયા

શીખવ્યા વગર જ જે આવડી જાય તે માતૃભાષા. કોઈપણ બાળક જન્મે અને થોડું ઘણું બોલવાનું શીખે ત્યારે એના મોંમાથી પહેલો શબ્દ નીકળે એ હોય છે મા અથવા મમ એટલે કે ખાવાનું. વળી આપણે બાળકને સૂવડાવવા માટે જે ગીત કે હાલરડાં ગાઈએ છીએ તે પણ આપણે ગુજરાતીમાં જ ગાઈએ છીએ અંગ્રેજી ગીતો નથી ગાતા. આમ બાળકને […]

bvetfloal bvetfloal

February 20 2024

ઓગણીસ કલ્યાણકો ધરાવતી પાંચ તીર્થંકરોની પરમ પાવન જન્મભૂમિ – અયોધ્યા (Ayodhya)

હિંદુ ધર્મ અને જૈન ધર્મનાં તાણાવાણા એકબીજા સાથે પ્રગાઢ રીતે સંકળાયેલા છે. રામજન્મભૂમિ (Ram Mandir) તરીકે અયોધ્યા (ayodhya) નગરી મહાતીર્થનું ગૌરવ પામી છે, તો એ જ રીતે જૈન ધર્મના ચોવીસ તીર્થંકરોમાંથી પાંચ-પાંચ તીર્થંકરોનો જન્મ આ અયોધ્યાની પાવન ભૂમિ પર થયો છે. જૈન ધર્મમાં ચોવીસ તીર્થંકરોમાંથી પાંચ-પાંચ તીર્થંકરોનાં કલ્યાણકો અહીં આવ્યાં છે. દરેક તીર્થંકરના જીવનની ચ્યવન(માતાના […]

bvetfloal bvetfloal

January 19 2024

વહાલી આપણી માતૃભાષા : વિશ્વ માતૃભાષા દિવસ

ભાષાકીય, સાંસ્કૃતિક વૈવિધ્ય અને બહુભાષાવાદની જાગૃતતાને પ્રોત્સાહન આપવા માટે 21મી ફેબ્રુઆરીનો દિવસ “આંતરરાષ્ટ્રીય માતૃભાષા દિન” તરીકે ઊજવવામાં આવે છે. સૌ પ્રથમ યુનેસ્કો દ્વારા 17 નવેમ્બર 1999માં આંતરરાષ્ટ્રીય માતૃભાષા દિનની સત્તાવાર જાહેરાત કરવામાં આવી હતી અને ત્યારથી સમગ્ર વિશ્વમાં 21 ફેબ્રુઆરીની ‘વિશ્વ માતૃભાષા દિવસ’ તરીકે ઉજવવામાં આવે છે