ખાલી આવવી-ખાલી ચડવી = અકડાઈ જવું; ઝણઝણી ચડવી; બહેર મારી જવું.

ખાલી બેસવું = (૧) કોઇ કામ પૂરૂં ન કરવું. (૨) ધંધા રોજગાર વિના રહેવું.

૧. ખાલી થવું = (૧) અવાવરું રહેવું. વપરાશ વગરનું થવું. (૨) નબળા પડવું. (૩) પૈસે ટકે ઘસાઈ જવું. (૪) પ્રસવ થવો. (૫) બંધ રહેવું; બંધ થવું.
૨. ખાલી દેવું = તજી દેવું; છોડવું.
૩. ખાલી પડવું = (૧) કોઇ દરજ્જા ઉપરથી તેના અધિકારીનું બીજે ઠેકાણે જવાનું થવાથી તે દરજ્જો બીજાના આવતાં સુધી અધિકાર વગરનો રહેવો. (૨) કોઇ ન વાપરે તેવું થવું. (૩) પુરાયા કે ભરાયા વગર રહેવું. (૪) ભાડૂત વગરનું હોવું. (૫) લેવાઇ જવું; નબળા પડી જવું; શરીરે નબળું થવું.
૪. ખાલી પેટે = નરણાં; કાંઈ પણ ખાધાં પહેલા.
૫. ખાલી હાથે = કંઈ પણ લીધા વિના; એમ ને એમ.
૬. ખાલી હાથે આવવું = જન્મવું.
૭. ખાલી હાથે જન્મી ખાલી હાથે જવું = (૧) જન્મતાં કાંઈ લઇને આવતું નથી, તેમ જ મરતાં આ જગતમાંથી કાંઈ સાથે લઈ જવાતું નથી. (૨) જન્મવું એવું મરવું; સૂકૃત કર્યા વગર મરવું. (૩) માટીનાં હોઈને માટીમાં મળી જવું.
૮. ખાલી હાથે જવું = (૧) જીવતાં સુધીમાં કંઈ પણ સત્કાર્ય કર્યા વિના અથવા ભાથું બાંધ્યા વિના જ મરી જવું. (૨) મરી જવું; પુણ્યનો સંચય કીધા વિના જેવા જન્મ્યા હતા તેવા જ મરી જવું; જેમ આવ્યા તેમ કંઈ પણ સાથે લીધા વિના જવું.

ખાલી ચણો વાગે ઘણો અથવા ખાલી વાસણ ખખડે ઘણું = ઢમઢોલ ને માંહે પોલ; ઉપરથી મોટી અને સુંદર દેખાતી વસ્તુ વાસ્તવિક રીતે હલકી અને નિર્મલ્ય હોય.

ખાલી તસ્દી આપવી = મિથ્યા શ્રમ દેવો; નકામી મહેનત આપવી.

ખાલી કરવું = (૧) ઠાલું કરવું. (૨) માંથી નીકળતી જવું; ઘરમાંથી વાસ ઉઠાવવો; ઘર ખાલી કરવું.