એકબીજા સાથે ગૂંચવાઈ કે ગૂંથાઈને બનેલું કોકડું; ધુંગું (જેમ કે, છોડ વેલા ઇoનું) (2) કરોળિયાનું બાવું [જાળું બાઝવું (ઘરમાં, કરોળિયાનું).] (3) આંખની છારી [જાળું વળવું (આંખમાં).] (4) જાળ; ફાંસલો (જેમ કે, કપટનું જાળું)

આમતેમ આડાઅવળા તંતુ કે રેસા ગૂંથેલી રચના; જાળ જેવી ગૂંથણી.

આશય.

આંખની સપાટી ઉપર આવતું પાતળું પડ; છારી; આંખના ડોળા ઉપરની છારી.

કજિયાકંકાસથી કોઇને કામ સૂઝવા દે નહિ એવું આચરણ કરનાર માણસ. જેમકે, રીસનું જાળું.

કફનું કોકડું.

કરોળિયા અને તેની જાતનાં જીવડાંએ લાળના તંતુઓની કરેલી ગૂંથણી; કરોળિયાનું બાવું. પેટમાંથી કાઢેલા તાર વડે કરોળિયો માખી, મચ્છર વગેરેને પકડવાને જાળ જેવું ઘર બાંધે છે.

કાંટાળાં ઝાડવાનાં ડાળાં એકબીજા સાથે ગૂંથાઈ જઈને બનેલું ઢૂંગલું; નાના છોડવા ને ડાળાં વગેરેનો ઘચુંબલો; ધુંગું.

ખજૂરી અથવા તાડનાં નવાં પાતરાં ઉપરનું પડ; રેસાઓનું જાળીદાર પડ.

ગૂંચ; ગૂંચવણ; જેમાંથી માર્ગ જડે નહિ અને ગૂંચવાઈ જવાય એવી સ્થિતિ.

જથ્થો; સમુદાય.

જાળ.

નડતર.

પુષ્કળતા; અતિશયપણું.

પાંખા વણાટનું કપડું. કાપડમાં વણાટમાં ખામીને લીધે એક તરફ તાણાના અને બીજી તરફ વાણાના તાર તરતા દેખાય તેને જાળું કહે છે.

પીલુનું ઝાડ. તેનાં પાન ધાવડીનાં પાન જેવાં પણ મોટાં અને જાડાં હોય છે. તેમાં તોરણ માફક ફળો આવે છે. આ ફળનો રંગ લાલ હોય છે. તેનું તેલ કાઢવામાં આવે છે.

ભ્રાંતિ; ભ્રમ; ભુલાવો.

ફાંસો; પેચ; છટકું.

બોરડીનો નાનો છોડ.

જાળાં જેવું.

જીર્ણ; જર્જરિત થયેલું.

એકબીજા સાથે ગૂંચવાઇ કે ગૂંથાઇને બનેલું કોકડું.