(સં.) પાંડુનો દીકરો

અકબરના વખતનો એ નામનો એક સોનાનો ચોખૂણાકાર સિક્કો. તેની કીમત લાજલાલીના પાંચમાં ભાગની હતી. તેની એક બાજુએ કમળ અને બીજી બાજુએ ગુલાબનું ફૂલ કોતરેલાં હતાં.

અર્જુન વૃક્ષ; સાદડનું ઝાડ.

ચાંદીના એક સિક્કાનું નામ.

પાંચ સૂચક સાંકેતિક શબ્દ.

પાંડુનો દીકરો; પાંડુ રાજાની બે સ્ત્રીઓ કુંતી અને માદ્રીને થયેલા યુધિષ્ઠિર, ભીમસેન, અર્જુન, નકુળ, અને સહદેવ, એ પાંચ પુત્રમાંનો દરેક. પૂર્વકલ્પમાં તેઓ વિશ્વભુક, ભૂતધામા, શિબિ, શાંતિ અને તેજસ્વી એ ક્રમે પાંચ ઇંદ્ર હતા. પાંડવો વૈરાટ નગરમાં ગુપ્ત રહ્યાં તે વખતે તેઓએ પોતાનાં નામ નીચે મુજબ ધારણ કરેલ: યુધિષ્ઠિર માટે કંક, ભીમ માટે વલ્લવ, અર્જુન માટે બૃહન્નલા, સહદેવ માટે તંતિપાલ અને નકુળ માટે ગ્રંથિક. પાંડુ રાજા પોતાની સ્ત્રી સાથે શાપને લીધે સંબંધ કરી શકતા નહિ એટલે એની પત્નીએ દેવોને આમંત્રી બે પુત્રો ઉત્પન્ન કરાવ્યા. આ દેવ પિતા અને માનુષી માતાના પુત્રો તે પાંડવો. પાંડવો સદ્દગુણ, બળ, ધૈર્ય અને ડહાપણની મૂર્તિ હતા. તેઓ અર્ધા દેવ મનાય છે. તેમના કાકા કુરુના સો પુત્રો કૌરવો દુર્ગુણના પાત્રો હતા. તેમની સાથે લડાઈ થઈ તેમાં કૌરવોનો નાશ થયો અને પાંડવો જીત્યા.

પ્રાચીન કાળમાં પંજાબનો એક પ્રદેશ. તે વિતસ્તા એટલે જેલમ નદીને કાંઠે આવેલ હતો.

પાંચ.