નાટકમાં પ્રધાન નટ, જે નાંદી તેમ જ પ્રસ્તાવના ભજવે છે. (2) સુતાર

ઇંદ્ર.

કારભારી; અધ્યક્ષ; કોઈ કાર્ય કે સંસ્થાનો સંચાલક.

ઢીંગલીને દોરીના ઇશારાથી નચાવનાર; કળસૂત્રી. કળસૂત્ર ઢીંગલીમાં એવી કરામત કે કળા હોય છે કે કળસૂત્ર કહેતાં કળાકાર પોતાની આંગળીમાં પકડેલી દોરીના સંચારથી તે ઢીંગલી પાસે રામરામ કરાવે છે, છાજિયાં લેવરાવે છે, તેને નીચે નમાવી પ્રભુના સાષ્ટાંગ નમસ્કાર કરાવે છે. તેના હાથે બીજાને માર મરાવે છે અને તેજ હાથે આર્શીવાદ પણ અપાવે છે એ બધું સૂત્ર કહેતાં દોરીથી થતું હોવાથી તેવા નચાવનારને સૂત્રધાર કહે છે.

નાટક મંડળીમાં મુખી માણસ; નટલોકોનો નાયક; રંગભૂમિની સઘળી ગોઠવણ કરનાર નાટકમાં પ્રધાન નટ. તે નાંદી તેમજ પ્રસ્તાવના ભજવે છે. રંગભૂમિ ઉપર આવીને દરેક નટે કેમ વર્તવુ તેનું આજ્ઞારૂપ સૂત્ર તે બતાવે છે.

( શિલ્પ ) સુતાર. સુતારી કામમાં લાકડું ધારેલા માપ પ્રમાણે વહેરવા માટે સૂત્ર કે સૂતર ગેરુવાળું કરી એની છાંટ પાડવામાં આવે છે તે ઉપરથી સૂતર ધરનાર તે સુતાર.તેને કશ્યપ સંહિતામાં શિલ્પજ્ઞ, ભૃગુસંહિતામાં સૂત્રધાર. મયસંહિતામાં સ્થપતિ અને અંગ્રેજીમાં એંજિનિયર કહે છે. ગૃહવિધાનમાં લખ્યું છે કે, ગુજરાતના પ્રાચીન શિલ્પ્રગ્રંથોમાં ગુજરાતના એંજિનિયરને ઘણી જગાએ સૂત્રધાર ( સુતાર ) કહેલ છે.