(સં.) ઇંદ્રનો હાથી (સમુદ્રમંથન કરતાં નીકળેલાં ચૌદમાંનું એક રત્ન)

ઇંદ્રઘનુષ.

ઉત્તમ હાથી.

એ નામનો એક દિક્પાળ.

એ નામનો મુખ્ય મેઘ.

એક નાગ. તે કદ્રુનો પુત્ર હતો. એને ઉલૂપી પરણેલી, પણ રાંડ્યા પછી અર્જુનને વરી હતી.

એક હાથી; પુંરડીક. જે હાથીનું શરીર પાંડુર હોય, દાંત લાંબા અને ધોળા પુષ્પ જેવા, રૂંવાડાં ન હોય, થોડું ખાનાર, થોડું પીનાર, બલયુક્ત, મોટા કદનો, નાનું પણ પુષ્ટ લિંગ, લડાઈમાં ક્રોધયુક્ત, અન્ય સમયે શાંત, પુષ્કરી મદને ઝરનાર, પૂછડે નાના વાળવાળો. આવાં લક્ષણ યુક્ત હાથી ઐરાવત કુળના કહેવાય છે.

( પુરાણ ) પૃથ્વીની આઠે દિશામાંના પૂર્વ તરફનો દિગ્ગજ; સાત સૂંઢનો હાથી; ઇંદ્રનો મોટો ને ધોળો હાથી. દેવાએ સમુદ્રમંથન કર્યું ત્યારે નીકળેલ ચૌદ રત્નોમાંથી આ ઐરાવત આપવામાં આવેલ હતો. એ સર્વ દિગ્ગજોનો સ્વામી અને ઇંદ્રનું વાહન છે. એ સર્વ દિગ્ગજોનો સ્વામી અને ઇંદ્રનું વાહન છે. એનો રંગ ધોળો સાત સૂંઢ અને ચાર દાંત હોય છે. તેને અભ્રમાતંગ, ઐરાવણ, અભ્રમુવલ્લભ કહે છે.

( પુરાણ ) ભદ્રમનનો પુત્ર; દેવગજ.

વીજળી.

( પિંગળ ) સવૈયાની જાતનો એક સમજાતિ માત્રામેળ છંદ. તેમાં ૨૬ ગુરુ અને ૭૨ લઘુ મળી ૯૮ અક્ષર આવે.

સંપૂર્ણ જાતિનો એક રાગ. જેમાં બધા શુદ્ધ સ્વર આવે છે.

એક જાતનું ઝાડ; નકુચનું વૃક્ષ.

એક વર્ષનું નામ.

જળવાળું વાદળું; વીજળીથી ચમકતું વાદળ.

નારંગીનું ઝાડ.

પાણી વગરનો વિશાળ પ્રદેશ.

પાંચમાળના મકાનનો એક વર્ગ. ઐરાવત, ભૂતકાંત, વિશ્વકાંત, મૂર્તિકાંત, યમકાંત અને બ્રહ્યકાંત એમ તેના આઠ વર્ગ છે.

મારવાડનો અમુક ભાગ.

લાંબું અને સીધું શત્રુનું ધનુષ.

સુશ્રુતમાં જણાવેલ ચાર માંહેની એક જાતનું લીંબુ.

સમુદ્રમાં થતું.