Gujaratilexicon

શું તમે ગુજરાત વિશેની આ વાતો જાણો છો?

October 18 2019
Gujaratilexiconstyfloal styfloal

જય જય ગરવી ગુજરાત ! જય જય ગરવી ગુજરાત,
દીપે અરુણું પરભાત, જય જય ગરવી ગુજરાત,
ધ્વજ પ્રકાશશે ઝળળળ કસુંબી, પ્રેમ શૌર્ય અંકિત;
તું ભણવ ભણવ નિજ સંતજિ સઉને, પ્રેમ ભક્તિની રીત
ઊંચી તુજ સુંદર જાત, જય જય ગરવી ગુજરાત.

ઉત્તરમાં અંબા માત, પૂરવમાં કાળી માત,
છે દક્ષિણ દિશમાં કરંત રક્ષા, કુંતેશ્વર મહાદેવ;
ને સોમનાથ ને દ્ધારકેશ એ, પશ્વિમ કેરા દેવ-
છે સહાયમાં સાક્ષાત, જય જય ગરવી ગુજરાત.
નદી તાપી નર્મદા જોય, મહી ને બીજી પણ જોય.
વળી જોય સુભટના જુદ્ધ રમણને, રત્નાકર સાગર;
પર્વત પરથી વીર પૂર્વજો, દે આશિષ જયકર-
સંપે સોયે સઉ જાત, જય જય ગરવી ગુજરાત.

તે અણહિલવાડના રંગ, તે સિદ્ધ્રરાજ જયસિંગ
તે રંગ થકી પણ અધિક સરસ રંગ, થશે સત્વરે માત !
શુભ શકુન દીસે મધ્યાહ્ન શોભશે, વીતી ગઈ છે રાત
જન ઘૂમે નર્મદા સાથ, જય જય ગરવી ગુજરાત.

કવિ શ્રી નર્મદ

ગુર્જરોનો દેશ એટલે ગુજરાત. ગુજરાતી ભાષા બોલતો પ્રદેશ એટલે ગુજરાત.

પારસી કવિ શ્રી અરદેશરના કાવ્યની એક પંક્તિ, “જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત” આ પંક્તિ ગુજરાતી લોકોની ઓળખ સમાન બની ગઈ છે અને એ વાત એટલી સાચી પણ છે કે જ્યાં પણ તમે ગુજરાતી વ્યક્તિને જોશો ત્યાં તમને ગુજરાતની ખુશબૂનો અહેસાસ થશે.

ગુજરાત પર્વત, નદીઓ, દરિયાકિનોરો, વનપ્રદેશ ધરાવતો એક સમૃદ્ધ પ્રદેશ છે. ગુજરાતમાં વિવિધ તહેવારો, ઉત્સવો, મેળાવડાનું પણ આયોજન થતું હોય છે. ગુજરાતનાં ઢોકળા, ખમણ વિશ્વભરમાં જાણીતાં છે. ગુજરાતની ભૂમિ પરદેશીને પણ પોતાપણાનો અહેસાસ કરાવે તેવી છે આથી એક વાર અચૂકથી ગુજરાત રાજ્યની મુલાકાત લેવા જેવી છે.

પારકાને પણ પોતાના બનાવી લે તેવા ભારત દેશના એક મહત્ત્વના રાજ્ય ગુજરાત વિશેની માહિતી સંક્ષિપ્ત ઇતિહાસ, આઝાદી બાદનું ગુજરાત, ભૌગોલિક દૃષ્ટિએ ગુજરાત અને ગુજરાતના જિલ્લાઓ દ્વારા જાણીએ.

સંક્ષિપ્ત ઇતિહાસ

આઝાદી બાદનું ગુજરાત

ભૌગોલિક દૃષ્ટિએ ગુજરાત

ગુજરાતના જિલ્લાઓ

Most Popular

Interactive Games

Jumble Fumble

કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Whats My Spell

રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Latest Ebook

Recent Blog

GL Projects