છેટે છેટે ખોરડાં, વચ્ચે ઊંચા ઓરડાં,
ઓરડાં ને ઓસરી,
રૂપાળી રૂપાળી આજુબાજુ જાળી,
જાળી પાસે ઝાડવા, તડકે છાયો પાડવા,
ઓસરીથી હેઠા, લોઢાના બે લાટા, એનું નામ પાટા.
સ્થિર છતાં પણ ચાલ્યા જાય, લાંબા લાંબા ચાલ્યા જાય,
આમ જાય, તેમ જાય, જવું હોય તો ગામ જાય,
નદી હોય તો ટપી જાય, ડુંગર હોય તો ઓળંગી જાય,
એના પર ગાડી, દોડે દા’ડી દા’ડી,
આવે દોડતી કાળી, અરરરર માડી,
કેટલી બધી જાડી, જાણે કોઠી આડી, પૈડાં ઉપર પાડી,
માથે મોટું ભૂંગળ બોલે ભખ ભખ, ધુમાડો તો ધખ ધખ,
ચળકે કાચ ચક ચક, ચાલી આવે સરરરર સટ.
આવીને જ્યાં ઊભી રહે ત્યાં માણસોના ટોળે … ટોળાં,
ચડે ને ઉતરે … ચડે ને ઉતરે,
વળી પાછો પાવો થાય, ભખ છૂક છૂક થાય,
ગાડી ત્યાં તો ચાલી જાય, ગાડી ત્યાં તો ચાલી જાય.
એ જાય, એ જાય, એ જાય, એ જાય,
લાંબુ લાંબુ લંગર ને જંગલમાં મંગલ,
ફરતું ફરતું ચાલ્યું જાય,
સાંભળ્યું તેં બહેન, એનું નામ ટ્રેન!
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.