મને આભલે ચમકતો ચાંદલો ગમે,
એની આસપાસ નાના મોટા તારા રમે.
મને શિયાળે સૂરજનો તડકો ગમે,
એની આસપાસ મારો પડછાયો રમે.
મને ઉનાળે સંધ્યાની સોબત ગમે,
એની આસપાસ લાલપીળા રંગો રમે.
મને ચોમાસે વિજના ચમકારા ગમે,
એની આસપાસ ઘનઘોર વાદળ રમે.
મને ધરતીના ખોળે ઉગ્યા છોડવા ગમે,
એની આસપાસ પાંદડાં ને ફૂલો રમે.
મને માનવ મહેરામણના મેળા ગમે,
એની આસપાસ નાનમોટાં છોરાં રમે.
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.