લાડબાઈ કાગળ મોકલે (સાંજીનું ગીત)
November 07 2019
vonsifloal vonsifloal
ઘડીએ ઘડીએ લાડબાઈ કાગળ મોકલે,
રાયવર વેલેરો આવ, સુંદરવર વેલેરો આવ.
તારા ઘડિયા લગન રાયવર વહી જશે,
હું તો કચરાળી શેરીએ લાડવૈ નહિ હાલું,
ઘડી ન વેલો પરણીશ, ઘડી ન મોડો પરણીશ,
અબઘડીએ ફૂલવાળી શેરી નીપજે,
વર તો વગડાનો વાસી, એના પગ ગયા છે ઘાસી,
એ તો કેટલા દિ’નો ઉપવાસી,
દીકરી દેતું’તું કોણ, જમાઈ કરતું’તું કોણ,
તારા ઘડિયા લગન રાયવર વહી જશે.
હું તો આંબાને તોરણ લાડવૈ નહિ અડું,
ઘડી ન વેલો પરણીશ, ઘડી ન મોડો પરણીશ,
અબઘડીએ મોતીના તોરણ નીપજે.
ઘડીએ ઘડીએ લાડબાઈ કાગળ મોકલે,
રાયવર વેલેરો આવ, સુંદરવર વેલેરો આવ,
તારા ઘડિયા લગન રાયવર વહી જશે.
હું તો ઠીંકરાંની ચોરીએ લાડવૈ નહિ પરણું,
ઘડી ન વેલો પરણીશ, ઘડી ન મોડો પરણીશ,
અબઘડીએ તાંબાની ચોરી નીપજે.
ઘડીએ ઘડીએ લાડબાઈ કાગળ મોકલે,
રાયવર વેલેરો આવ, સુંદરવર વેલેરો આવ,
તારાં ઘડિયાં લગન રાયવર વહી જશે.
Most Popular
Interactive Games
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
Quick Quiz
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
