આલા તે લીલા વનની વાંસલડી (કન્યા વિદાય)
November 09 2019
GL Team
આલા તે લીલા વનની વાંસલડી એ તો શેરી-શેરીએ વાજંતી જાય,
દાદાને અતિ વહાલા બેન રે એ તો પરણીને સાસરિયે જાય,
એક દિ રોકાઓ મારી દીકરી રે તમને આપું હું કાલે વિદાય,
હવે કેમ રોકાઉં મારા દાદા રે સાથ મારો સાસરિયાનો જાય.
આલા તે લીલા વનની વાંસલડી એ તો શેરી-શેરીએ વાજંતી જાય,
માતાને અતિ વહાલા બેન રે એ તો પરણીને સાસરિયે જાય,
એક દિ રોકાઓ મારી કુંવરી રે તમને આપું હું કાલે વિદાય,
હવે કેમ રોકાઉં મારી માડી રે સાથ મારો સાસરિયાનો જાય.
આલા તે લીલા વનની વાંસલડી એ તો શેરી-શેરીએ વાજંતી જાય,
વીરાને અતિ વહાલા અમીબેન રે એ તો પરણીને સાસરિયે જાય,
એક દિ રોકાઓ મારી બેની રે તમને આપું હું કાલે વિદાય,
હવે કેમ રોકાઉં મારા વીરા રે સાથ મારો સાસરિયાનો જાય.
આલા તે લીલા વનની વાંસલડી એ તો શેરી-શેરીએ વાજંતી જાય.
Most Popular
Interactive Games
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
