દાદાને આંગણ આંબલો, આંબલો ઘેર ગંભીર જો,
એક રે પાન મેં તો ચૂંટિયું, દાદા ન દેજો ગાળ જો.
દાદાને આંગણ આંબલો, આંબલો ઘેર ગંભીર જો,
એક રે પાન મેં તો ચૂંટિયું, દાદા ન દેજો ગાળ જો,
દાદાને આંગણ આંબલો.
અમે રે લીલુડા વનની ચરકલડી, ઊડી જાશું પરદેશ જો,
આજ રે દાદાજીના દેશમાં, કાલ જાશું પરદેશ જો,
દાદાને આંગણ આંબલો.
દાદાને વહાલા દીકરા, અમને દીધા પરદેશ જો,
દાદા દુઃખડા પડશે તો પછી નવ બોલશું,
દાદા રાખશું મૈયરાની લાજ જો,
દાદાને આંગણ આંબલો.
દાદા દીકરીને ગાય સરીખડાં,
જેમ દોરે ત્યાં તો જાય જો,
દાદાને આંગણ આંબલો, આંબલો ઘેર ગંભીર જો,
દાદાને આંગણ આંબલો.
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.