ગણેશ પાટ બેસાડિયે (સાંજીનું ગીત)
November 07 2019
bozivbfloal bozivbfloal
ગણેશ પાટ બેસાડીએ વા’લા નીપજે પકવાન,
સગા સંબંધીને તેડીએ જો પૂજ્યા હોય મોરાર.
જેને તે આંગણ પીપળો તેનો ધન્ય ધન્ય અવતાર,
સાંજ સવારે પૂજીએ જો પૂજ્યા હોય મોરાર.
જેને તે આંગણ ગાવડી તેનો ધન્ય ધન્ય અવતાર,
સાંજ સવારે દોણું મળે જો પૂજ્યા હોય મોરાર.
જેને તે પેટે દીકરી તેનો ધન્ય થયો અવતાર,
સાચવેલ ધન વાપરે જો પૂજ્યા હોય મોરાર.
જેને તે પેટે દીકરો તેનો ધન્ય થયો અવતાર,
વહુવારુ પાયે પડે જો પૂજ્યા હોય મોરાર.
રાતો ચૂડો તે રંગભર્યો ને કોરો તે કમખો હાર,
ઘરચોળે ઘડ ભાંગીએ જો પૂજ્યા હોય મોરાર.
કાંઠા તે ઘઉંની રોટલી માંહે ઢાળિયો કંસાર,
ભેગા બેસી ભોજન કરે જો પૂજ્યા હોય મોરાર.
ગણેશ પાટ બેસાડીએ ભલા નીપજે પકવાન,
સગા સંબંધીને તેડીએ જો પૂજ્યા હોય મોરર.
Most Popular
Interactive Games
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
