બાગમાં છંટાવો કાજુ કેવડો,
વાડીમાં રોપાવો નાગરવેલ રે,
છંટાવો કાજુ કેવડો.
વેવાઈનો કુંવર કાજુ કેવડો,
વેવાઈની નમણી નાગરવેલ રે,
છંટાવો કાજુ કેવડો.
કેવડિયે તે લાગ્યાં ઝાઝાં ફૂલડાં,
ફૂલ એટલાં જમાઈરાજનાં મૂલ રે,
છંટાવો કાજુ કેવડો.
કેવડિયે તે આવ્યાં નવલા પાંદડાં,
પાન એટલાં વહુરાણીના માન રે,
છંટાવો કાજુ કેવડો.
વેવાણનો જન્મેલ કાજુ કેવડો,
વેવાણની નમણી નાગરવેલ રે,
છંટાવો કાજુ કેવડો.
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં