Gujaratilexicon

લીલુડા વનનો પોપટો (પ્રભાતિયું)

November 08 2019
Gujaratilexicon

મારે તે આંગણે આંબો મ્હોરિયો,   

આંબલિયાના બહોળા તે પાન કે લીલુડા વનનો પોપટો.

ત્યાં બેસી પોપટ રાણો ટહુકિયા,   

જગાડ્યા ત્રણે ય વીર કે લીલુડા વનનો પોપટો.

મેડિયું માયલા મોટાભાઈ જાગિયા,    

અમારી મોટી તે વહુના કંથ કે લીલુડા વનનો પોપટો.

ઓરડા માયલા વચેટભાઈ જાગિયા,  

અમારી વચલી તે વહુના કંથ કે લીલુડા વનનો પોપટો.

ઓસરી માયલા નાનાભાઈ જાગિયા,  

અમારી નાની તે વહુના કંથ કે લીલુડા વનનો પોપટો.

ત્રણેએ તો જાગીને શું કરીયું ?   

રાખ્યો મારા માંડવડાનો રંગ કે લીલુડા વનનો પોપટો.

મારે તે આંગણે લીમડો ફાલિયો,    

લીમડાના પાંખેરાં પાન કે લીલુડા વનનો કાગડો !

ત્યાં બેસીને કાગો રાણો કળકળ્યા,   

ઓટલે સૂતા જમાઈ જાગિયા, લીલુડા વનનો કાગડો !

જાગીને જમાઈએ શું કરીયું ?   

જાગી ઠાલાં ફડાકા મારિયા, લીલુડા વનનો કાગડો !

Most Popular

Interactive Games

Hang Monkey

9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.

Quick Quiz

મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Latest Ebook

Recent Blog

,

ફેબ્રુઆરી , 2024

શુક્રવાર

23

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects