હાથ કન્યાનો હેતે ઝાલો (હસ્તમેળાપ સમયે કન્યાપક્ષે)
November 09 2019
bvetfloal bvetfloal
હાથ કન્યાનો હેતે ઝાલો વરરાજા,
ઉત્તમ કુળની છે કન્યા વરરાજા.
ઈશ્વર પાર્વતીની જોડ વરરાજા,
અમ ઘરની શોભા તમને સોંપી વરરાજા,
એ શોભાથી તમ ઘર દીપશે વરરાજા,
હાથ કન્યાનો હેતે ઝાલો વરરાજા.
રામ સીતાની જોડ વરરાજા,
અમારું રતન તમને સોંપ્યું વરરાજા,
તેનું કરજો જતન વરરાજા,
હાથ કન્યાનો હેતે ઝાલો વરરાજા.
ઇન્દ્ર-ઇન્દ્રાણીની જોડ વરરાજા,
પ્રીતે જોડો હાથ પંચ સામે વરરાજા,
અમારી બેની તમને સોંપ્યા વરરાજા,
હાથ કન્યાનો હેતે ઝાલો વરરાજા.
કૃષ્ણ-રૂખમણીની જોડ વરરાજા,
જુગ જુગ જીવો તમારી જોડ વરરાજા,
માડીના હેત તમને સોંપ્યા વરરાજા,
હાથ કન્યાનો હેતે ઝાલો વરરાજા.
આશિષ દઈએ અમે આજ વરરાજા,
પૂરા થાઓ તમારા સૌ કોડ વરરાજા,
હાથ કન્યાનો હેતે ઝાલો વરરાજા,
ઉત્તમ કુળની છે કન્યા વરરાજા.
Most Popular
Interactive Games
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
