Gujaratilexicon

મારે આંગણિયે તલાવડી

November 09 2019
Gujaratilexicon

મારે આંગણિયે તલાવડી  છબછબિયાં પાણી,

એમાં તે અણવર લપટ્યો રે એની કેડ લચકાણી.

વેવાઈને માંડવે વેવલી રે એની આંખ છે કાણી,

Loading...

નદીએ  નાવા  ગઈ’તી રે એને દેડકે  તાણી,

ધોળજો છોકરાં ધોળજો રે એની કેડ લચકાણી,

ગોળને બદલે ખોળ દ્યો રે એની કેડ લચકાણી.

અળવીંતરી તું એવી કે એની અવળી વાણી,

એણે ચોરીને ચીભડું ખાધું રે,

એણે ચોરીને ચુરમું ખાધું રે,

એણે ચોરીને ચટણી ચાટી રે,

એ તો…

ખાઉં ખાઉં કરતી ફરતી રે જાણે ભેંશની ભાણી,

મારે આંગણિયે તલાવડી છબછબિયાં પાણી.

ઓલ્યા અણવરને જાનમાંથી કાઢો રે હું તો લાજી મરું,

એના હાથ હડીંબા જેવા એના પગ ધડીંબા જેવા,

એનું  માથું બુઝારા જેવું  રે હું તો લાજી  મરું,

ઓલી વેવલીને માંડવેથી કાઢો રે હું તો લાજી મરું,

એનું નાક નળીયા જેવું એનો ફાંદો ફળીયા જેવો,

ઓલી કાણીનો કાંકરો કાઢો રે હું તો લાજી મરું,

ઓલ્યા અણવરને જાનમાંથી કાઢો રે હું તો લાજી મરું.

તું થોડું થોડું જમજે રે કે અણવર અધરાયો,

તારા પેટમાં દુઃખશે રે કે અણવર અધરાયો.

એક આકડાની ડાળ એક લીમડાની ડાળ,

માંય  લસણ  કળી  માંય  તેલ  પળી,

માંય મરચું મેલો રે કે અણવર અધરાયો.

તને રાંધતાય આવડે નહીં કે વેવલી વંઠેલી,

તું તો શીરામાં નાખે દહીં કે વેવલી વંઠેલી,

તેં તો પૂરણ પોળી કરી છાશમાં બોળી,

તું તો મીઠે મોળી ને વળી થાય છે ભોળી,

તને વેચે તો મળે ન પઈ કે વેવલી વંઠેલી.

તું થોડું થોડું જમજે રે કે અણવર અધરાયો,

તને રાંધતાય આવડે નહીં કે વેવલી વંઠેલી.

અણવર અધરાયો… વેવલી વંઠેલી…

Most Popular

Interactive Games

Ukhana

બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

Quick Quiz

મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Latest Ebook

Recent Blog

ચૈત્ર , સુદ

એપ્રિલ , 2021

8

મંગળવાર

20

આજે :
આજે કોઈ તહેવાર અથવા રજા નથી
વિક્રમ સંવત : 2077

Powered by eSeva

GL Projects